Feykir - 09.02.2022, Síða 12

Huldukonan
Ragnheiður Jónsdóttir Á
Hríshóli var að reka fé út í
haga og sýndist kvenmaður
standa hjá kletti er var við
götuna er líktist leiksystur
er hún átti. Sagði þá
Ragnheiður hún þyrfti
ekki að fælast sig, hún
þekkti hana. Sýndist henni
þá hún hverfa upp í klettana og var horfin er hún
leit af henni. Þetta var huldukona, en ekki
stallsystir Ragnheiðar. /PF
Þjóðsögur Jóns Árnasonar
Álfar
Hafðu samband!
Hafðu samband í síma 455 7176
eða sendu Feyki póst á feykir@feykir.is
Auglýsing um skipan í kjör-
deildir í Sveitarfélaginu Skagafirði
Við kosningar til sameiningar sveitarfélaganna Akrahrepps og
Sveitarfélagsins Skagafjarðar sem fram fara laugardaginn
19. febrúar n.k. er skipan í kjördeildir sem hér segir:

Kjördeild í Félagsheimilinu Skagaseli,
þar kjósa íbúar fyrrum Skefilstaðahrepps – kjörfundur hefst kl. 12:00
Kjördeild í Bóknámshúsi FNV,
þar kjósa íbúar Sauðárkróks og fyrrum Skarðs- og Rípurhrepps
– kjörfundur hefst kl. 09:00
Kjördeild í Félagsheimilinu Árgarði
þar kjósa íbúar fyrrum Lýtingsstaðahrepps – kjörfundur hefst kl. 12:00
Kjördeild í Grunnskólanum að Hólum,
þar kjósa íbúar fyrrum Hóla- og Viðvíkurhrepps – kjörfundur hefst kl. 10:00
Kjördeild í Höfðaborg Hofsósi
þar kjósa íbúar fyrrum Hofshrepps – kjörfundur hefst kl. 10:00
Kjördeild á Ketilási
þar kjósa íbúar fyrrum Fljótahrepps– kjörfundur hefst kl 12:00
Kjördeild í Varmahlíðarskóla,
þar kjósa íbúar fyrrum Staðar – og Seyluhrepps – kjörfundur hefst kl. 10:00
Kjörfundi má slíta 8 klst. eftir að kjörfundur hefst, enda sé þá hálf
klukkustund liðin frá því að kjósandi gaf sig síðast fram, og hvenær sem
er ef allir sem á kjörskrá standa hafa greitt atkvæði.
Kjörfundi má einnig slíta fimm klukkustundum eftir opnun ef öll
kjörstjórnin er sammála um það, enda sé þá hálf klukkustund
liðin frá því að kjósandi gaf sig síðast fram.
Kjörfundi skal slitið eigi síðar en kl. 22:00.
Unnt er að kjósa utan kjörfundar hjá sýslumanni Norðurlands vestra á
Sauðárkróki frá kl. 09:00 til kl. 15:00 virka daga fram að kjördegi.
Yfirkjörstjórn verður með aðstöðu í Bóknámshúsi FNV.
Yfirkjörstjórn
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
06
TBL
9. febrúar 2022 42. árgangur
Frétta- og dægurmálablað á Norðurlandi vestra : Stofnað 1981
Jafnvel þótt nafnið sje vel
skiljanlegt í þessari mynd, er
það að nokkru breytt og
hefir táknað annað upp-
haflega. Elzta brjefið um
nafnið er Auðunarmáldagi
l3l8 (DI. II. 470): Vindel-, er
það furðanlega rjett, því
margt er misritað í
Auðunarbók. 75 árum síðar
er þannig stafsett í Pjeturs-
máldögum (DI. III. 55):
„Spákonufellskirkja á hrýs
fyrir utan götu þá er liggur
frá Vindælisgardi í Stapa.“
Næstu aldir er nafnið eins
Vindæli: t.d. árin 1461, 1503,
1526 ( DI. V. 354, VII. 602, IX.
385). Það kemur því ekki til
neinna mála, að h hafi verið
upphaflega í nafninu, þegar
það finst hvergi í elztu
heimildum. Nafnið getur
tæplega hafa verið í fyrstu
annað en Vinddæl- og rit-
hátturinn er því mjög eðlilegur.
Vindæli, því dd hlaut að renna
saman í d, eins og vanalegt er,
þar sem samhljóðum lendir
saman síðast og fyrst í
atkvæðum (ef þeir breytast
eigi). Og í fornbrjefum er ætíð
ritað eftir framburði. Einnig
hefir breytingin Dæl í dæli
orðið afarsnemma, líklega um l
l00 (sbr. um Dæli í Víðidal) (sjá
M. Jónsson: Torsk. bæjan. I. bls.
l4). Því miður eru ekki gögn
fyrir hendi er sýna hvenær h
kemst inn í nafnið, en af
áðurgreindum brjefum sjest að
það hefir orðið eftir 1550. Og
fyrir 1700 er það orðið
Vindhæli (eða Vindhæll, sem
finst frá síðustu öldum).
Vinddæli er rjettnefni og í
samræmi við landslagið
umhverfis: Meðfram túninu að
norðaustan er djúp kvos eða
dæl og melhólar í kring á þrjá
vegu. Í lægðinni er tjörn sem
þornar upp í miklum sumar-
þurkum. Þetta er bersýnilega
dælin, sem bærinn var kendur
við. Vel kunnugir menn hafa
sagt mjer að á Vindhæli sje afar
veðurnæmt, svo orð sje á gert;
einkum sjeu sunnan- og
austanbyljir snarpir og nái sjer
vel í kvosinni, svo vatnið skefst
upp, sje dælin vatnsmikil, t.d. í
leysingum. Kemur þetta í bága
við nútíðarnafnið: skjól, hæli
fyrir vindum. Nafnið Vinddæl
felur í sjer mjög algenga
hugmynd, sem kemur fram í
fjöldamörgum bæjanöfnum
svipuðum: t.d. Vindheimar
Vindland, Vindás, Vindbelgur,
Vindgjá, sem er nálega hið
sama, o.m.fl. Því verður samt
ekki neitað, að Vindhæli er
fegurra nafn en Vinddæli, Þótt
það sje ekki upprunalegt, og ef
nafninu hefir verið breytt af
ásettu ráði, sem vel getur verið,
er ástæðulítið að taka gamla
nafnið upp aftur (Dr. F. J. skýrir
ekki nafnið).
Vindhæli á Skagaströnd
TORSKILIN BÆJARNÖFN | palli@feykir.is
RANNSÓKNIR OG LEIÐRÉTTINGAR MARGEIRS JÓNSSONAR
Vindhælisstofa Þórdísar. MYND: LJÓSMYNDASAFN HÉRAÐSSKJALASAFNS AUSTUR HÚNAVATNSSÝSLU.