Feykir - 16.03.2022, Blaðsíða 7
Þau leynast víða
hæfileikabúntin og meira
að segja á Kambastígnum
á Króknum sem er nú
ekki stærsti stígur í
heimi! Þar hittir Tón-lystin
fyrir Jakobínu Ragnhildi
Valgarðsdóttur, rétt tæplega
þrítuga söngkonu. Hún er
alin upp á Sauðárkróki,
dóttir Valla Valla og Valdísar
Skarphéðinsdóttur.
Jakobínu finnst kontrabass-
inn vera fallegasta hljóðfærið
en sjálf getur hún spilað á
píanó og ukulele. Hún segist
ekki hafa unnið nein sérstök
afrek á tónlistarsviðinu en
hún lærði þó klassískan söng í
Aachen í Þýskalandi.
Hvaða lag varstu að hlusta
á? Var rétt í þessu að hlusta á
Only Time með Enyu.
Uppáhalds tónlistartímabil?
Barokktímabilið (1600-1750),
jú og svo auðvitað er 80's í
miklu uppáhaldi.
Hvaða tónlist fær þig til að
sperra eyrun þessa dagana?
Ef ég heyri 80' lög í útvarpinu
þá hækka ég í botn.
Hvers konar tónlist var
hlustað á á þínu heimili?
Pabbi hlustaði rosalega
mikið á Roy Orbison og The
Shadows, mamma var alltaf
með einhverja heilunar-tónlist
í gangi sem var nú reyndar
bara virkilega skemmtileg og
falleg.
Hver var fyrsta platan/
diskurinn/kasettan/
niðurhalið sem þú keyptir
þér? Fyrsta platan sem ég
keypti mér var The Best of
Andrea Bocelli með Andrea
Bocelli.
Hvaða græjur varstu þá með?
Bara venjulegt útvarp.
Hvert var fyrsta lagið sem
þú manst eftir að hafa fílað í
botn? Time To Say Goodbye
með Söruh Brightman og
Andrea Bocelli.
Hvaða lag getur eyðilagt fyrir
þér daginn? Hmmm, ekkert
sérstakt sem ég man eftir.
Þú heldur dúndurpartí í
kvöld, hvað læturðu hljóma í
græjunum til að koma öllum
í stuð? Haha, mér yrði ekki
hleypt nálægt græjunum.
Jakobína Ragnhildur Valgarðsdóttir | söngkona
Ekki hleypt nálægt
græjunum í partýunum
( TÓN-LYSTIN ) oli@feykir.is
Þú vaknar í rólegheitum á
sunnudagsmorgni, hvað
viltu helst heyra? Einhverja
klassíska tónlist....Pachelbel
eða Vivaldi.
Þú átt þess kost að fara hvert
sem er í heiminum og skella
þér á tónleika. Hvert færirðu,
á hvaða tónleika og hvern
tækirðu með þér? Færi á
tónleika með Rainbow (Ritchie
Blackmore) og tæki auðvitað
hann Gubba minn með.
Hvað músík var helst blastað
í bílnum þegar þú varst
nýkominn með bílpróf? Eins
og ég sagði hérna fyrir ofan,
þá fékk ég aldrei að stjórna
neinum græjum en vinirnir
settu helst á lög með Katy
Perry eða Eminem.
Hvaða tónlistarmaður hefur
þig dreymt um að vera eða
haft mest áhrif á þig? Sarah
Brightman hafði gífurleg áhrif
á mig.
Hver er að þínu mati besta
plata sem gefin hefur verið út
eða sú sem skiptir þig mestu
máli? Platan Dive með Söruh
Brightman sem kom út árið
1993.
Jakobína og Guðbrandur norðan við Bifröst á Sauðárkróki.
toppurinn
Lagalisti Jakobínu:
Catch the Rainbow
RAINBOW
Captain Nemo
SARAH BRIGHTMAN
Still Loving You
SCORPIONS
Echoes in Rain
ENYA
Like a Prayer
MADONNA
Twilight and Shadow
RENÉE FLEMING
Jakobína með börnin; Þjóðhildi Drangey og Valgarð Hafstein.
MYNDIR AÐSENDAR
Meistaramót Íslands 11–14 ára
Krakkar af Norðurlandi
vestra stóðu sig afar vel
Um síðustu helgi fór fram Meistaramót Íslands 11-14 ára
innanhúss í Laugardalshöll. Um 250 krakkar voru skráðir
til leiks frá þrettán félögum víðsvegar af landinu og þ.á.m.
margir af Norðurlandi vestra. Keppt var í sjö greinum í
fjórum mismunandi aldursflokkum í bæði pilta og stúlkna
flokki og fór svo að HSK/Selfoss urðu Íslandsmeistarar
félagsliða á mótinu með 543,5 stig og unnu þau stiga-
keppnina í þremur aldursflokkum og hlutu alls 12 gull, 12
silfur og 12 bronsverðlaun. ÍR-ingar voru í öðru sæti með
518,5 stig og Breiðablik í því þriðja með 417 stig.
Helstu úrslit urðu þau að Ísak Hrafn Jóhannsson UMSS
kastaði kúlu lengst allra 11 ára pilta, 7,72 metra en félagi hans
í UMSS, Birkir Heiðberg Jónsson, varð fjórði. Ísak Hrafn
varð annar í 60 metra hlaupi og félagi hans, Aron Gabríel
Samúelsson, sjöundi. Betur gekk hjá þeim mátum í 600 metra
hlaupi en þar stóð Ísak Hrafn uppi sem sigurvegari Aron
Gabríel landaði þriðja sætinu. Næstur kom svo Ingi Hólmar
Guðmundsson í Kormáki. Hann var svo í miklu stuði í
hástökkinu þar sem hann sveif yfir 1,26 metra sem skilaði
honum öðru sætinu og það sæti var einnig hans í langstökki
er hann stökk 3,97 metra.
Valdimar Logi Guðmannsson, USAH, gerði gott mót en
hann sigraði í 60 metra hlaupi 12 ára pilta á tímanum 8,93
sek. Hann sigraði einnig í hástökki er hann stökk yfir 1,42 m
en félagi hans úr USAH, Aron Örn Ólafsson, stökk 1,36 m
sem skilaði honum þriðja sætinu. Valdimar Logi var ekki
hættur því hann vann sína þriðju grein er hann stökk 4,48
metra í langstökki en Aron Örn endaði í 4. sæti með stökk
upp á 3,96 m. Til að setja punktinn yfir I-ið náði Valdimar
Logi að kasta kúlu 7,79 metra og enn ein gullverðlaunin í
höfn. Fast á eftir kom Aron Örn, félagi hans, með 6,72 metra
kast sem skilaði honum öðru sætinu og í 600 metra hlaupi
varð hann einnig annar. Félagi hans hjá USAH, Hlynur Örn
Ólason, endaði í 5. sæti.
Í 60 metra hlaupi 13 ára pilta náði Bragi Hólmar Guð-
mundsson, Kormáki, að koma sér í 6. sætið og það fjórða var
hans í 60 metra grind. Þá varð hann í öðru til þriðja sæti í
hástökk með stökk upp á 1,46 metra.
Eyjólfur Örn Þorgilsson, USAH, varð annar í 600 metra
hlaupi 13 ára pilta á tímanum 1:54,67 mínútu en Halldór
Stefánsson, UMSS, kom fimmti í mark á 1:56,97 mín. Eyjólf-
ur varpaði þriggja kílóa kúlunni 8,66 metra sem skilaði
4. sætinu.
Gabríela Dóra Vignisdóttir, Kormáki, tók þátt í 600 metra
hlaupi 11 ára stúlkna og endaði hún í 5. sæti á tímanum
2:13,08 mín.
Harpa Katrín Sigurðardóttir, USAH, varð fjórða í 60
metra hlaupi 13 ára stúlkna á 9,08 sek. og einnig fjórða í 60
metra grind og enn varð fjórða sætið hennar í langstökki,
4,53 metrar. Betur gekk í hástökkinu hjá Hörpu Katrínu þar
sem hún endaði í þriðja sætinu.
Þá varð sveit UMSS önnur í 4x200 metra boðhlaupi 11 ára
pilta. /PF
Valdimar Logi Guðmannsson, USAH, á sínu fyrsta alvöru móti og gerði sér lítið fyrir
og sigraði í öllum þeim greinum sem hann tók þátt í. MYND AÐSEND
11/2022 7