Ský - 01.01.2015, Blaðsíða 61

1. tbl. 2015 SKÝ | 61
Samkvæmt upplýsingum frá Magnúsi árnasyni,
framkvæmdastjóra Skíðasvæða höfuðborgar­
svæðisins, eru Bláfjöll langvinsælasta skíðasvæðið
á Íslandi ef horft er á daglegan gestafjölda en þar
leikur nálægðin við höfuðborgarsvæðið nokkuð
stórt hlutverk.

fjölskylduvænsTi skíðaBlETTurinn
,,Fjölskylduvænsti skíðablettur landsins er í
kringum aðalskálann í Bláfjöllum. Þar höfum við
fjórar byrjendalyftur í hnapp og þaðan er stutt
í stærri lyftur auk þess sem snyrtingar, nestis­
aðstaða og skíðaleiga er einnig á þeim punkti.
Af þessum fjórum byrjendalyftum er eitt svokall­
að Töfrateppi (færiband), ein kaðallyfta og tvær
byrjenda­diskalyftur.
Skálafell státar af einni byrjendalyftu en framan
af vetri nær sólin að skína í Skálafellið sem hún
gerir ekki í Bláfjöllum. Sólin nær um allt Bláfjalla­
svæðið í marsmánuði.“
Hvað kosTar í skíðalyfTurnar?
,,Dagskort í lyftur kostar 3.250 kr. fyrir fullorðna,
1.250 kr. fyrir unglinga fædda 1999­2003, 850
kr. fyrir börn fædd árin 2004­2008 og frítt er fyrir
yngri.
Einnig er hægt að kaupa kort sem gilda í styttri
tíma, t.d. eina, tvær eða þrjár klukkustundir, og þá
er kortið á hagstæðara verði.“
næGur snjór
Hvernig hefur skíðaveturinn verið fram að þessu?
,,Skíðaveturinn hefur farið vel af stað í ár.
Janúar er alltaf ansi erfiður mánuður að eiga við
veðurlega en þá daga sem hefur verið opið höfum
við fundið fyrir mikilli aukningu gesta, ef borið er
saman við árin á undan. Ekkert bendir til þess að
þessi vetur verði eitthvað frábrugðinn síðustu
þremur vetrum þar sem opnunardagar hafa verið
yfir 70 talsins. Við höfum nægan snjó og erum
bjartsýn á framhaldið.“
fjölmarGir ErlEndir fErðamEnn
Er eitthvað um að erlendir ferðamenn sæki á
skíðasvæðin?
,,Það er orðin gríðarleg eftirspurn eftir heimsókn­
um erlendra gesta á skíðasvæðin en sú eftirspurn
hefur aukist mjög mikið á hverju ári undanfarin ár.
Þetta eru bæði gestir sem hafa haft samband við
okkur löngu áður en þeir koma til landsins og eru
búnir að plana heimsókn á skíðasvæðin og svo eru
líka gestir sem eru hér í öðrum erindum, eins og
t.d. ráðstefnugestir sem koma oft hingað upp eftir,
sumir illa búnir, en þeim er auðvitað útvegaður
allur nauðsynlegur búnaður á staðnum.“

laNgviNsælasta
skÍðasvæðið
Skíðasvæði höfuðborgarsvæðisins eru tvö, Bláfjöll og Skálafell.
Það sem er einstakt við þessi skíðasvæði er að þau eru aðeins í 25 mínútna
akstursfjarlægð frá höfuðborg – sem er einstakt í heiminum.
SkíðASvæði höFuðborgArSvæðiSinS
magnús Árnason,
framkvæmdastjóri
Skíðasvæða
höfuðborgarsvæðisins.
K y n n i n g