Ský - 01.08.1998, Qupperneq 65

I fararbroddi
Umhverfisverkefni Egilsstaöabæjar
Avormánuðum 1996 má segja að ákveðið skref hafi
verið stigið til framtíðar í íslenskum umhverfismálum
þegar Egilsstaðabær hóf þátttöku í norrænu verkefni um
umhverfisáætlanir sveitarfélaga. Því samstarfi lauk vorið
1997 með ráðstefnu á Egilsstöðum en umhverfisverkefni
bæjarins er enn í fullum gangi undir stjórn Sigurborgar Kr.
Hannesdóttur.
Að sögn Sigurborgar er verkefnið mjög fjölbreytt.
„Þetta spannar allt frá átaksverkefni í grunnskólanum,
heimajarðgerð úr lífrænum úrgangi og að halda bænum
snyrtilegum yfir í viðameiri hluti eins og fráveitumál, sorp-
urðun og brotajárnsvinnslu," útskýrir hún.
Sigurborg segir að þátttakan í norræna verkefninu hafi
verið mjög þýðingarmikil.
„Það leikur lítill vafi á því að þátttaka okkar í því sam-
starfi hefur komið okkur í forystu á landsvísu í umhverfis-
málum íslenskra sveitarfélaga."
Þannig sóttu fjölmargir fulltrúar sveitarfélaganna áður-
nefnda ráðstefnu síðastliðið vor og kynntu sér hvernig Eg-
ilsstaðabær hefur haldið á þessum málum.
Næst á dagskrá umhverfisverkefnisins er að aðlaga það
hinu nýja sameinaða sveitarfélagi og útbúa svokallaða
Staðardagskrá 21 sem á rætur sínar að rekja til umhverfis-
ráðstefnunnar í Ríó 1992 og er áætlun sveitarfélagsins um
sjálfbæra þróun. Að sögn Sigurborgar má útskýra sjálf-
bæra þróun í grófum dráttum á þennan hátt: „Grunnhug-
myndin er breytt forgangsröð, ekki aðeins í umhverfismál-
um heldur fyrir alla aðra þætti samfélagsins. í stað þess að
láta efnahagslega hagsmuni ráða mestu fá umhverfið og
Sigurborg Kr. Hannesdóttir hugsar að sjálfsögðu um umhverfið
og hjólar úr og í vinnu.
félagslegt umhverfi jafnt vægi. Það þarf að vera tryggt
að við allar stærri ákvarðanir í sveitarfélaginu sé horft til
þessara þátta ekkert síður en peningalegra sjónarmiða."
Aðspurð um hvort góður hljómgrunnur sé fyrir um-
hverfismálum meðal íbúa bæjarins segir Sigurborg svo
vera.
„Þetta snýst líka um framtíðina fyrir Fljótsdalshérað
sem er grænasta svæði landsins. Umhverfið hér er auð-
lind, hér er skógræktin öflugust, hér eru frumkvöðlar í
lífrænni ræktun, innan bæjarins er óvenju gott göngu-
stígakerfi og hér er einnig annar og betri taktur í mann-
lífinu. Hér er ekki þessi skorpuvinna sem einkennir marga
aðra bæi og því minna stress fyrir vikið."
Verslun og afurðavinnsla
Kaupfélag Héraðsbúa
Kaupfélag Héraðsbúa (KHB) erstærsta
fyrirtæki á sviði verslunar og afurða-
stöðvareksturs á Austurlandi.
Kaupfélagið var stofnað árið 1909 að
Skeggjastöðum í Fellum en hefur frá upp-
hafi verið með starfsemi á Fljótsdalshéraði
og á Reyðarfirði.
Lengi vel var KHB með starfsemi á ýmsum
sviðum fyrir utan núverandi aðalstarfsemi,
starfrækti félagið til dæmis fiskvinnslu á
Reyðarfirði og einnig um tíma á Borgarfirði
eystri. Þá var KHB með flutningastarfsemi
bæði innan fjórðungsins og einnig til og frá
Reykjavík. Ingi Már Aðalsteinsson, kaupfé-
lagsstjóri, segir að fyrir um það bil þremur
árum hafi verið mörkuð sú stefna að félag-
ið beitti sér fyrst og fremst í verslunarekstri
og starfsemi afurðastöðva, sem eru slátur-
hús og mjólkurstöð. Félagið hélt þó áfram
rekstri á brauðgerð og hangikjötsreykingu.
Mjólkurstöð KHB er staðsett á Egilsstöð-
^jtxvhverfið o.r
Mc.,
okkar ma*
KHB hefur látið til sín taka í um-
hverfismálum í fjórðungnum á
ýmsan hátt. í fyrra gaf félagið til
dæmis öllum heimilum á svæðinu
margnota innkaupapoka, eins og
þann sem Anna María Þórhalls-
dóttir sýnir hér, og voru þeir saum-
aðir af Randalín á Egilsstöðum.
um og tekur mjólk til vinnslu frá bændum á
Fljótsdalshéraði suður í Lón í A-Skaftafells-
sýslu. Tvö sauðfjársláturhús eru rekin af fé-
laginu, á Fossvöllum í Jökulsárhlíð og á
Breiðdalsvík. Nauta- og svínasláturhús er
starfrækt á Egilsstöðum. Þessi hús slátra fyr-
ir bændur á svæðinu frá Fljótsdalshéraði
suður í Berufjörð.
KHB rekur sjö dagvöruverslanir á fimm
stöðum, Egilsstöðum, Borgarfirði eystri,
Seyðisfirði, Eskifirði og Reyðarfirði.
Félagið selur byggingavörur á Reyðarfirði
og Egilsstöðum. Auk þess selur KHB fóður-
vörur.
Á Egilsstöðum rekur KHB söluskála og
hraðbúð í samvinnu við ESSO en KHB er
umboðsmaður Olíufélagsins hf..
Kaupfélag Héraðsbúa er samvinnufélag
með 960 félagsmenn sem kjósa sér 69 full-
trúa á aðalfund. Árlega veltir KHB um
tveimur milljörðum króna.
63