Ský - 01.06.2002, Blaðsíða 50

Madríd er reist á hásléttu, um það bil 650
metrum yfir sjávarmáli, og er sú höfuðborg
Evrópu sem stendur hæst. Norður af borgin-
ni teygja Sierra de Guadarrama-fjöllin sig
hátt í 3000 metra I átt til himins og álíka
hátt rísa Sierra Credos-fjöllin, en saman
draga þessir fjallgarðar í sig úrkomu þannig
að Madríd er líka þurrasta höfuðborg álfun-
nar. Frá fjöllunum blása gjarnan ferskir vin-
dar sem hreinsa mengunina úr borginni og
veitir oft ekki af. í júlí og ágúst getur orðið
hressilega heitt í Madríd og aftur ansi
napurt yfir háveturinn. Besti tíminn til að
heimsækja höfuðborgina er maí og júní eða
þegar fer að sljákka í hitanum síðsumars og
á haustin.
MADRÍD VAR REIST á sextándu og sautjándu
öld af Habsborgara-ættarveldinu og það var í
raun fýrir duttlunga Felipe II. konungs að
Madríd varð höfuðþorg Íberíuskagans og
spænska heimsveldisins en ekki Toledo sem
var þá þrisvar sinnum fjölmennari.
Gamli hluti bæjarins breiðir úr sér frá
Puerta del Sol-torginu, sem er fyrirtaks
upphafsreitur fyrir gesti í borginni. Sunnar-
lega við torgið er lítill skjöldur steyptur í
gangstéttina og markar hann þann punkt
sem allir þjóðvegir Spánar eru mældir út frá.
Frá Puerta del Sol er tiltölulega stuttur
gangur til fjölmargra áhugaverðra staða,
hvort sem leiðin liggur á hámenningarlegar slóðir á borð við ópe-
runa, konungshöllina, stóru listasöfnin þrjú, Museo Del Prado,
Centro De Arte Reina Sofía og Museo Thyssen-Bornemisza, eða
farið er á stefnulaust rölt um þröngar göturnar umhverfis Plaza
Mayor og í Huertas-hverfinu, þar sem er hægt að staldra við og
slökkva þorstann og fá sér eitthvað í gogginn við hvert fótmál. Fyrir
fótafúna og þá sem nenna ekki að ganga er auðvelt og hagkvæmt
að stinga sér niður í jörðina og fá sér far með góðu metrókerfinu á
áfangastað.
ÓVÍÐA ERU STÓRKOSTLEGRI listasöfn en í Madríd. Stærst og mikil-
fenglegast þeirra er Museo Prado, sem er nokkurs konar Louvre
Madrtdar. Rétt er að reikna sér drjúgan tíma í Prado en safnið
verður þó aldrei skoðað í einni heimsókn. Helsta aðdráttaraflið er
hreint frábært safn verka mestu meistara Spánar frá fyrri tíð (17.
og 18. öld), Diego Velázquez, El Greco og Francisco Goya, en verk
þess síðastnefnda fá mesta rýmið á safninu. Þeir sem hafa ekki því
meiri tíma ættu að beina athyglinni að þessum þremur og einnig að
afbragðsgóðu safni flæmskra málverka frá 15. og 16. öld, þótt ekki
væri nema til að sjá ótrúlegar myndir Hieronymusar Bosch, og þá
sérstaklega The Garden of Earthly Delights, sem enn þann dag í
dag vekur furðu og fjölmargar spurningar. Til dæmis: Á hverju skyl-
di Bosch hafa verið þegar hann málaði myndina?
Frá löngu horfnum tíma er hægt að færa sig yfir til nútímans í
Centro de Arte Reina Sofia, sem er steinsnar frá Prado. Þar er til
sýnis rjóminn af tuttugustu aldar list Spánar allt fram til um það bil
1990 og þar eru auðvitað í aðalhlutverkum Pablo Picasso, Joan
Miro og Salvador Dalí. Einn salurinn er lagður undir eitt frægasta og
áhrifaríkasta verk Picassos, Guernica, hina miskunnarlausu ádeilu
málarans á hörmungar stríðs, sem er minnisvarði um loftárás
Þjóðverja á þorpið Guernica í Baskalandi árið 1937. Þar eru einnig
FRÁ VINSTRI; Eitt af yfir 17.000 veitingahúsum Madrídar; á æfingu hjá Real
Madríd; dæmigert tapas, svínapylsa og cana (lltið bjórglas); Cibales-gosbrun-
nurinn þar sem stuðningsmenn Real Madríd baða sig eftir mikilvæga sigra.
48 SKÝ MEÐ HÆGÐ