Ský - 01.06.2002, Blaðsíða 53

Bolabrögð
Ég hlakkaöi ekki sérstaklega til þess aö horfa á dauðastríð sex
nauta í blóma lífsins á Las Ventas, stærsta og virtasta nautaats-
leikvangi heims. En röksemdafærsla eins af fastagestum Lase
Ventas áöur en atið hófst setti hlutina í nýtt samhengi. „Hvort
myndir þú kjósa," sagöi þessi heimamaður sem sat við hliðina á
mér, „að lifa allt þitt líf í þröngri stíu og vera svo slátrað fyrir kjöt-
ið af þér, eða vera meðhöndlaður sem konungur, reika um bestu
mögulegu hagana, éta eins og þú getur í þig látið, njóta félagsskap-
ar yndislegustu kúa og greiða svo fyrir það með fimmtán mínútna
bardaga? Það er hægt að jafna þessu við að vera námuverkamaður
allt sitt líf og deyja slyppur og snauður, eða laus og liðugur milljðna-
mæringur sem elskar fallegustu konur heims og deyja - að vísu all-
ofbeldisfullum dauða - um fertugt. Það engin spurning í mínum
huga," sagði hann áður en fyrsti boli kvöldsins kom æðandi inn í
hringinn og fangaði alla athygli hans. Ókei, hugsaði ég, hann hefur
nokkuð tii síns máls.
La corrida eða nautaat, er í raun og veru ekki íþrótt. Það er miklu
frekar ákaflega fastbundin sýning þar sem hver þátttakandi, naut-
ið, nautabaninn og aðstoðarmenn hans, gegnir fyrirfram skrifuðu
hlutverki. Spennan snýst ef til vill mest um það hvort nautið taki
upp á að umskrifa sína rullu, nái að krækja hornunum í einhvern af
óvinunum eða hreinlega yfirgefi sviðið með því að vippa sér yfir 180
sentimetra háan trévegginn í kringum at-
völlinn eins stundum gerist. Það undirstrik-
ar sýningarbraginn að milli bardaga rennir
lúðrasveit Las Ventas sér í gegnum líflegan
pasodoble og meðan á bardaga stendur
spilar önnur minni sveit áhrifahljóma á fýrir-
fram ákveðnum tímapunktum. Þetta má þó
ekki misskilja sem svo að nautaat sé eitt-
hvert grín og átakalaust sprell, þvert á móti
áttar maður sig fyrst á alvöru atsins þegar
maður sér með eigin augum rúmlega hálfs
tonns tuddana æða tryllta um hringinn, vilj-
andi ekkert frekar en reka einhvern af kvöl-
urum sínum á hol með oddhvössum hornun-
um.
f hefðbundnu nautaati láta þrír nautaban-
ar til sín taka auk hjálparkokka, og fellir
hver tvö naut. Jafnvel þeir sem ekki eru inn-
vígðir geta skynjað mismunandi stíl hvers
nautabana. En fyrir mér var síðdegið á Las
Ventas dálítið eins og að horfa á horna-
bolta, þá skrítnu bandarísku íþrótt sem ég
skil lítið í. Áhorfendurnir, sem fýlltu um það
bil tvo þriðju af 25.000 sætum leikvangs-
ins, fögnuðu, bauluðu, stóðu upp, æptu og
veifuðu vasaklútum sínum til skiptis og ég
áttaði mig aldrei fyllilega á því hvað vakti
þessar misjöfnu undirtektir hverju sinni. Hin
fínlegu blæbrigði atsins fóru sem sagt að
mestu framhjá mér. En það var ekki síður
gaman að fylgjast með gestunum en því
sem fór fram innan hringsins. Sjálfur sat ég
I dýrari sætunum skuggamegin á leikvang-
inum, en það var augljóst hvar blóðheitari
og trylltari hluti áhorfendanna sat. Næst
mæti ég með sólhatt og sóigleraugu og fæ
mér sæti hjá þeim í sólinni.
Nautaat fer fram síðdegis sérhvern sunnudag á
Las Ventas, Calle Alcalá 231, metro: Las Ventas.
MEÐ HÆGÐ SKÝ 51