Skinfaxi - 01.02.2020, Page 25

S K I N FA X I 25
Tryggjum framtíð okkar nánustu.
Líf- og sjúkdómatrygging kostar minna en þú heldur.
Við veitum ráðgjöf á sjova.is/lifogsjuk.
Tveir ráðherrar leggja til aðgerðir sem eiga að koma í
veg fyrir röskun á skipulögðu íþrótta- og æskulýðsstarfi
„Það er mikilvægt að öll börn eigi þess kost að stunda íþróttir en
ljóst er að þær sóttvarnaraðgerðir sem við höfum þurft að grípa til hafa
haft mikil áhrif á starfsemi íþróttafélaga. Það þykir því gríðarlega brýnt
að við ráðumst í mótvægisaðgerðir,“ segir Ásmundur Einar Daðason,
félags- og barnamálaráðherra, um þær aðgerðir sem ríkisstjórnin hefur
boðað til að tryggja að íþróttastarf barna raskist ekki, til lengri tíma litið.
Þegar tilkynnt var um tillögur hans og Lilju Alfreðsdóttur, mennta- og
menningarmálaráðherra, sem ætlað er að koma til móts við íþrótta- og
æskulýðsfélög í landinu vegna COVID-faraldursins, sagði hann það
skynsamlegt að verja fjármunum í íþróttahreyfinguna, því að hún gegni
gríðarlega mikilvægu hlutverki fyrir lýðheilsu þjóðarinnar.
„Þátttaka barna og ungmenna í íþrótta- og æskulýðsstarfi hefur góð
og þroskandi áhrif á þau. Sú fjárfesting skilar sér margfalt fyrir sam-
félagið allt til lengri tíma,” sagði hann.
Stuðningur við
skipulagt íþrótta-
starf skilar sér
margfalt til baka
Tillögur stjórnvalda í stuttu máli
• Að útvíkka úrræði Vinnumálastofnunar og gera íþróttafélagi
kleift að sækja um styrki vegna launagreiðslna til starfsmanna
sem geta ekki sinnt starfi sínu.
• Íþrótta- og æskulýðsfélögum, ásamt sambandsaðilum
ÍSÍ, verður gert kleift að sækja um sérstaka styrki vegna
tekjufalls á tímabilinu 1. júní sl. til 1. október sl.
• Að veita íþróttafélögum styrki vegna verktakakostnaðar
frá 1. október sl. og þar til starfsemi íþróttahreyfingarinnar
kemst í eðlilegt horf.
Lilja D. Alfreðsdóttir, mennta- og menningarmálaráðherra, og
Ásmundur Einar Daðason, félags- og barnamálaráðherra.