Skinfaxi - 01.02.2020, Side 31

S K I N FA X I 31
Kristinn Þór og Erna Þorsteinsdóttir innsigla mikla uppbyggingu í íþróttastarfinu á Eskifirði.
Börn í Grunnskóla Eskifjarðar sækja íþróttaávísanir og boli sem Eskja og Austri gefa þeim.
höfum við farið út í það sem tilraunaverkefni
að bjóða upp á rútuferðir á samæfingar í fót-
bolta á Reyðarfirði. Það þéttir líka hópinn í
sveitarfélaginu því að þar hitta krakkarnir jafn-
aldra sína sem þau munu æfa og keppa með
síðar,“ segir hann.
Börnin fá íþróttagjöf
Á meðal þess sem styrkur Eskju skilaði var að í
haust fengu öll elstu börnin í leikskóla bæjar-
ins og nemendur í Grunnskóla Eskifjarðar
gjafabréf upp á 10.000 krónur auk íþrótta-
bols sem merktur er bæði Austra og Eskju.
Upphæðinni í gjafabréfinu er ætlað að ganga
upp í æfingagjöld barnanna. Íþróttin, sem
stunduð er, þarf hvorki að vera í boði undir
merkjum íþróttafélagsins Austra né á Eskifirði
heldur er hægt að nota hana í hvað eina sem
tengt er íþróttastarfi.
„Eina skilyrðið er að ávísunin verði notuð
til íþróttaæfinga,“ segir Kristinn en um 170
börn fengu gjöfina.
Til viðbótar við að fjölga iðkendum í íþrótt-
um á Eskifirði á að bæta alla aðstöðu og finna
leiðir til að ná betur til foreldra barnanna, kynna
starfið betur fyrir þeim sem eru þegar í íþrótt-
um og ná til foreldra barna sem stunda ekki
íþróttir. Á teikniborðinu er körfuboltavöllur
við Grunnskóla Eskifjarðar og margt fleira sem
ætlað er að styrkja starfið.
Rafíþróttir ná til fleiri
iðkenda
Á meðal þess sem unnið er að er stofnun raf-
íþróttadeildar Austra nú í október.
Fyrirhugað er að æfingar rafíþróttadeildar-
innar verði til að byrja með í um 180 fermetra
húsi Austra í miðbæ Eskifjarðar. Nokkuð er
farið að sjá á húsinu og verður styrkur Eskju m.a.
notaður til að laga það, kaupa skjávarpa og
gera þar góða fundaaðstöðu.
Þótt einhverjum kunni að þykja skjóta
skökku við að auka íþróttaiðkun með að æfa
tölvuleiki bendir Kristinn Þór á að sitthvað sé
öðruvísi þegar betur er að gáð.
„Ég hef fylgst með rafíþróttadeildum í kring-
um okkur, meðal annars á Höfn og í Reykjavík.
Ég hélt fyrst að þetta væri óttalegt bull og að
börnin væru bara að spila tölvuleiki en það er
ekki svo heldur eru þau líka í íþróttaæfingum.
Markmið okkar er að draga krakkana frá því
að sitja ein við tölvuna heima hjá sér og koma
þeim á æfingar í skipulögðu starfi þar sem þau
eru með öðrum og hreyfa sig. Það er mjög
mikilvægt að draga úr hinni félagslegu ein-
angrun. Ég hef heyrt frábærar sögur af börnum
sem fóru í svona starf og blómstruðu í kjölfarið.
Deildin okkar er á byrjunarstigi og nú er að
vinna þetta áfram,“ segir Kristinn Þór.