Mosfellingur - 06.07.2023, Qupperneq 36

Í eldhúsinu
Rósa og Einar skora á Bryndísi og Helga að deila með okkur næstu uppskrift í Mosfellingi
Kjúklingur Pad Thai
hjá Rósu og EinaRi
- Heyrst hefur...36
Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Bjartur Elí Elvarsson
fæddist 24. nóvember 2022.
Hann var 8,5 merkur.
Foreldrar eru Greta Salóme Stef-
ánsdóttir og Elvar Þór Karlsson.
Rósa Gunnlaugsdóttir og Einar Grétarsson
deila með okkur Mosfellingum að þessu
sinni uppskrift að hinum vinsæla rétti
kjúklinga Pad Thai.
Hráefni
• 280 g hrísgrjónanúðlur t.d.Thai rice
noodles
• 500 g kjúklingabringur
• 2 msk olía
• ¼ bolli púðursykur eða hrásykur
• ¼ bolli sojasósa
• 2 msk hrísgrjónaedik
• 1 msk ferskur limesafi
• 1 msk fiskisósa
• 1 rauð paprika skorin í þunna strimla
• 2-3 gulrætur skornar í þunna strimla
• 2 hvítlauksrif
• 4 vorlaukar
• 2 bollar baunaspírur
• 3 egg
• ½ bolli salthnetur (hakkaðar gróflega)
• ½ bolli kóríander
Aðferð
Sjóðið núðlurnar eftir leiðbeiningum á
pakka, hellið þeim úr pottinum og kælið,
setjið til hliðar. Hrærið saman púðursykri,
sojasósu, hrísgrjónaediki, limesafa og
fiskisósu. Setjið til hliðar. Hitið olíu á pönnu
yfir miðlungsháum hita og steikið kjúklinginn
þar til hann er fulleldaður. Takið kjúklinginn
af pönnunni. Setjið papriku og gulrætur á
pönnuna og steikið í 1-2 mínútur, bætið svo
hvítlauk, vorlauk og baunaspírum á pönnuna
og steikið í 1-2 mínútur. Ýtið grænmetinu til
hliðar á pönnunni og brjótið eggin í miðjuna.
Hrærið í eggjunum þar til þau eru fullelduð.
Bætið kjúkling, núðlum og sósu á pönnuna
og blandið öllu vel saman. Steikið saman
í 1-2 mínútur. Stráið fersku kóriander og
salthnetum yfir og berið fram.

  Verðiykkuraðgóðu!
SólarStrendur
og brúnkukrem
Komið þið nú sæl og blessuð, blessað-
ur júlí er genginn í garð og þetta sum-
ar ætlar að líða á ógnarhraða. Hraðar
heldur en matvöruverðið hækkar hjá
okkur blessuðum landanum.
Ég get nú ekki sagt að sumarið hafi
verið til þessa með besta móti hér í
sveitinni okkar fögru, þvert á móti
hefur það verið ansi kuldalegt og
blautt. Það hefur stundum látið sjá sig
fyrir hádegi á miðvikudegi, ákveðið
að láta sig hverfa fyrir kvöldmat og
ekki látið svo sjá sig fyrr en 2 vikum
seinna.
Sumarið virðist vera á einhverju
róli fyrir austan og jafnvel norðan og
gefur okkur hér á suðvesturlandinu
puttann með látum. En eftir að hafa
fórnað nokkrum geitum og einum eða
tveimur naggrísum á altari veður-
guðanna þá hef ég góðar heimildir
fyrir því að það sé búið að fá nóg af
austurlandi og íbúum þar og ætli að
setjast að hér á suðvesturhorninu. En
ég sel það ekki dýrara en ég keypti
það. Og ég vona að þessar geitur og
naggrísir hafi ekki fórnað lífi sínu á
altari veðurguðanna fyrir ekki neitt.
En af þessum sökum (að það hefur
ekki komið sumar í Mósó) höfum
við sveitungar verið duglegir að að
heimsækja sólarstrendur í sumar eða
allavega hætt okkur út fyrir land-
steinana til að næla okkur í kærkomið
D-vítamín. Að minnsta kosti hef ég
rekist á nokkra sveitunga mína á
samfélagsmiðlum gefa skít í bleytuna
og kuldann og forðað sér upp í vél til
að næla sér í smá „bóndabrúnku“ og
gæða sér á einum eða tveimur köldum
sem ekki kosta 1.500 kr. eins og hér
í bæ.
Ef ekki væri fyrir dræman drátt í
DNA lotteríinu að ég er bæði sköl-
lóttur og jú rauðhærður í þokkabót
væri ég nú kannski duglegri við
að elta sólina til útlanda en það er
eins og henda handsprengju inn í
flugeldaverksmiðju, það endar allt í
brunarústum. Þannig að ef ég læt af
því verða þá skal bæði hafa belti og
axlabönd í þeim efnum og sterkustu
sólarvarnir sem hafa verið framleidd-
ar brúkaðar vel.
Já, það verður að gera eitthvað í þessu
ef sú gula vill ekki mæta í partýið.
Mosfellingur er víst að fara í smá
sumarfrí og hann verður jú að komast
í frí einsog við hin blessaður og þess
vegna vil ég nú setja punktinn yfir i-ið
og segja gleðilegt sumar ... þegar það
mætir svo sem.
Högni snær
hEyRst hEfuR...
...að Örlygur Atli sé að taka við stjórn
Álafosskórsins.
...að búið sé að skera í ærslabelginn á
Stekkjarflöt og eyðileggja hann.
...að Hopp rafskúturnar séu nú loksins
mættar í Mosfellsbæ.
...að undirbúningur fyrir bæjar-
hátíðina Í túninu heima standi
nú sem hæst.
...að áhorfendamet hafi verið slegið
á knattspyrnuleik Aftureldingar og
Fjölnis um helgina þegar 978 manns
mættu á völlinn.
...að allir Mosfellingar ættu nú að vera
komnir með nýjar sorptunnur en
síðustu tunnurnar mæta í dag.
...að grænmetismarkaðurinn á
Mosskógum hafi opnað um síðustu
helgi og sé opið á laugardögum.
...að Karen og Siggi Straumfjörð eigi
von á barni í desember.
...að búið sé að setja upp alvöru
píluaðstöðu á Ásláki.
...að hátt í 400 tillögur hafi borist um
nafn á slátturóbotinum við Hlégarð.
...að enn séu íbúar í Leirvogstungu að
kafna úr ruslalykt frá Álfsnesinu.
...að Mosfellsbær sé að íhuga að taka
upp næturstrætó á nýjan leik á milli
Reykjavíkur og Mosó.
...að Arnór Gauti hafi skorað fernu á
móti Njarðvík í stórsigri Afturelding-
ar og sé markahæstur í Lengjunni.
...að hin 15 ára Pamela Ósk hafi farið
holu á albatross á Hlíðavelli, 3 undir
pari.
...að Útvarp Mosfellsbær verði aftur á
dagskrá á bæjarhátíðinni í lok ágúst
og nú geti Mosfellingar verið með
sinn eigin útvarpsþátt.
...að kvennalið Aftureldingar eigi
heimaleik í kvöld gegn Fylki á
Malbikstöðinni að Varmá.
...að Jógvan Hansen, Guðrún Gunnars
og Sigga Beinteins ætli að vera með
tónleika í Hlégarði á fimmtudags-
kvöldið Í túninu heima.
...að Drulluhlaup Krónunnar verði
endurtekið í Mosó 12. ágúst.
...að hátíðin Kátt í Kjós verði haldin
laugardaginn 22. júlí.
...að samkvæmt nýjum útreikningum
Hagstofunnar séu Mosfellingar
með að meðaltali 8,5 milljónir í
árslaun eða 100 þúsund krónur yfir
landsmeðaltali.
...að Stormsveitin ætli að bjóða
Mosfellingum heim í Akurholtið
Í túninu heima.
...að það verði hannyrðir í Hlégarði
alla þriðjudaga í júlí.
...að Klara Gísla eigi afmæli í dag.
...að Leynihátíðin verði á sínum stað,
helgina eftir versló.
...að leikhópurinn Lotta ætli að vera
í Mosó með sína árlegu sýningu
21. ágúst.
mosfellingur@mosfellingur.is
Opna pílu
á Ásláki
Opnaður hefur verið pílusalur
á sveitakránni Ásláki.
Áhugi á pílukasti hefur auk-
ist mjög á undanförnum árum.
Tvö fullbúin píluspjöld með
nýjasta tækjabúnaði hefur
verið komið fyrir þar sem áður
var kaffihús á Ásláki.
Karl Helgi Jónsson, fremsti
pílukastari bæjarins, mætti til
að vígja aðstöðuna með pompi
og prakt.
Pílusalurinn var vígður
laugardaginn 1. júlí.
Á myndinni má sjá Kalla
með Jónasi sem rekur Áslák.
Aukinn áhugi í Mosó
kalli og jónas