Verzlunartíðindi - 01.12.1957, Blaðsíða 6

Verzlunarskólasetrið í Neuwied
Árið 1936 stofnsettu matvælagreinar hinnar
þýzku smásöluverzlunar skóla eða fræðsluhús í
Neuwied í Vestur-Þýzkalandi (Das Haus des
deutschen Lebensmittelhandels), þar sem bókleg
og verkleg kennsla í afgreiðslustörfum fer fram,
ýmist í reglulegum skóla eða á námskeiðum.
Skóli þessi er talinn fyrirmynd annarra líkra
stofnana í Þýzkalandi. Þangað sækja fræðslu
kaupmenn og starfsfólk smásölunnar og heildsöl-
unnar, ekki eingöngu frá Þýzkalandi, heldur koma
einnig hópar allra þessara starfsflokka erlendis frá,
svo sem Hollandi, Belgíu, Frakklandi, Luxemburg,
Sviss, Norðurlöndunum, Bandaríkjunum og víðar
að, ýmist til þess að taka þátt í námskeiðum eða
til þess að kynnast hinu frábæra fyrirkomulagi
byggingar og fræðslu.
Kennsluhættir eru byggðir á vísindalegri athug-
un og ná yfir flest það, sem snertir matvæladreif-
ingu, beint eða óbeint, auk venjulegs starfs við
sjálfa sölubúðina. Má þar til nefna nákvæma vöru-
greiningu með tilliti til heilbrigði og hollustu mat-
væla og sálfræðilegar athuganir um samband neyt-
andans við verzlunina, þar sem lögð er áherzla á
að virða heilbrigt sjónarmið og kröfur viðskipta-
vinanna. 1 stuttu máli sagt: verzlunarstarfið er
krufið til mergjar.
Sem eitt dæmi um fjölbreytni skólans má geta
þess, að þar er stórt eldhús, þar sem nemendum
er m. a. kennd meðhöndlun á kjöti, fuglum og
fiski til afhendingar og sölu í verzlun.
Auk fastra kennara flytja þarna tíðum fyrir-
lestra ýmsir forvígismenn kaupsýslustéttarinnar,
jafnt úr hópi heildsala og iðnrekenda sem kaup-
manna. Ennfremur fulltrúar úr samtökum neyt-
enda og embættismenn frá stjórnardeildum sam-
bandsríkisins þýzka.
Skólasetrið í Neuwied er margar byggingar, sem
eru skemmtilega staðsettar á skólalóðinni. Þar er
heimavist fyrir 165 nemendur en auk þess búa 30
í leiguhúsi rétt hjá.
Að loknu námi hefur fjöldi nemenda áfram náið
samband við skólann og margir taka þátt í frek-
ari námskeiðum, því hann býður jafnan upp á allt
hið nýjasta og fullkomnasta, sem fram kemur á
verzlunarsviðinu á hverjum tíma. Höfuð markmið
skólans er að þjálfa menn í fullkomlega hagnýtum
verzlunarrekstri með fyrirmyndar þjónustu við
neytendur.
Blöð og tímarit
fyrir kaupmenn.
Skrifstofu Sambands smásöluverzlana berast að
staðaldri ýmis erlend blöð og tímarit, sem veita
kaupmönnum margar gagnlegar upplýsingar og
hugmyndir, svo sem um erlend útflutningsfyrir-
tæki, gluggaútstillingar, innréttingu verzlana,
skipulag þeirra og rekstur.
Blöð þessi liggja frammi fyrir félagsmenn í
fundarsal S. S. og koma nokkur þeirra í mörgum
eintökum, sem félagar geta tekið með sér.
Hér eru nokkur talin upp:
Danmarks Handels Tidende, málgagn danskra
kaupmanna.
Köpmannen, málgagn sænskra kaupmanna.
Göteborgs-Köpmannen.
Yi Kjöpmenn, málgagn norskra kaupmanna.
Nargus Bulletin, amerískt.
Business Week, amerískt.
Progressive Grocer, amerískt.
Edeka Rundschau, vestur-þýzkt.
Neuwieder Hefte, vestur-þýzkt.
Textil-Wirtschaft, vestur-þýzkt.
Lebensmittel-Zeitung, vestur-þýzkt.
Textil, vestur-þýzkt, þýzkur og enskur texti.
Export Markt, vestur-þýzkt, þýzk og ensk útgáfa.
The German Ind. Echo, vestur-þýzkt, ensk útgáfa.
Úbersee Post, vestur-þýzkt, þýzk og ensk útgáfa.
Deutschlands Export Handel, vestur-þýzkt, þýsk
og sænsk útgáfa.
Atlanta Post, vestur-þýzkt, ensk útgáfa.
Export Anzeiger, vestur-þýzkt, þýzk og ensk
útgáfa.
The National Chamber of Trade Journal, mál-
gagn enskra kaupmanna.
Rit og skýrslur E.P.A. í París á ensku.
Ýmsar adressubækur.
Úrklippur úr ísl. blöðum allt frá 1950, er varða
verzlun á einhvern hátt.
<o>
54
VERZLUNARTÍÐINDIN