Íslenska leiðin - 01.10.2001, Page 7

verja þá en ekki gert. Staðreyndin er sú að samningurinn vink-
ar eins og honum var ætlað og engin merki þess að hann muni
ekki gera það í framtíðinni. Það er því mikilvægt að menn reyni að
vanda umræðuna þannig að hún leiði fram kosti og galla Evrópu-
sambandsins en byggi hana ekki á upphrópunum og oft frem-
ur illa ígrundaðri óskhyggju um að hægt sé að semja sig frá öll-
um göllum sambandsins en hirða bara góðu bitana.
Finnst þér að Framsóknarflokkur og Samfylkingin
hafi tekið af skarið í Evrópuumræðunni ?
Vissulega hefur verið nokkur umræða um þessi mál innan
þessara flokka. Sama gildir um aðra flokka og ýmis félaga-
samtök s.s. atvinnulífsins og verkalýðshreyfingarinnar. En
hvorki Samfylkingin né Framsóknarflokkurinn hafa sett aðildar-
umsókn á oddinn sem stefnumál og því vart hægt að tala um
sérstakt frumkvæði þessara flokka í málinu.
Hvernig líst þér á Evruna ? Er þetta gjaldmiðill
framtíðarinnar ?
Það er full snemt að kveða upp úr um hver framtíð evrunnar
verður. Það er þó Ijóst að hingað til hefur gjaldmiðillinn ekki stað-
ið undir þeim væntingum sem til hans voru gerðar. Gengi hans
hefur endurspeglað vantrú alþjóða fjármálamarkaðarins á getu
aðildaríkja Evrópusambandsins til aó auka hagvöxt. Einnig er
vandinn sá að til þess að evran nái að styrkja sig í sessi þarf að
knýja fram aukinn efnahagslegan og pólitískan samruna sam-
bandsins, nokkuð sem er ekki auðvelt viðfangs sérstaklega í Ijósi
fyrirhugaðrar stækkunar sambandsins í austur. Ég á þó von á
því að þegar seðlar og mynt verða komin í umferð, muni það vera
til þess fallið að auka traust á evrunni í viðkomandi löndum. Það
kunna að verða einhverjir byrjunarörðugleikar, en það er þýðing-
armikið að þessi áfangi heppnist vel.
Hvað okkur íslendinga varðar þá er mikilvægt að hafa í huga að
evran verður ekki tekin upp sem gjaldmiðill án þess að þjóðin
gangi fyrst í Evrópusambandið. Sem stendur er enginn póli-
tískur vilji fyrir slíku að mínu mati. Mér er það einnig mjög til efs
að það þjóni hagsmunum íslands aó taka upp evruna sem okk-
ar gjaldmiðil. Gengi evrunnar endurspeglar efnahagslegar aó-
stæður í stærstu ríkjum sambandsins, einkum Frakklandi og
Þýskalandi. Við verðum að horfast í augu við að það er ekki alltaf
sami taktur í efnahagslífinu hér á landi eins og t.d. á megin-
landi Evrópu. Það er allt eins líklegt að sú staða komi upp að hag-
vöxtur sé mikill hjá þessum þjóðum á meðan við þyrftum t.d. að
fást við aflabrest og verðlækkun á erlendum mörkuðum. Við
stæðum þá frammi fyrir því að gengi gjaldmiðilsins okkar væri
að styrkjast á sama tíma og hagkerfið væri að veikjast. Það sér
hver maður hvaða ósköp þetta gætu þýtt fyrir þjóðina.
Hlutverk NATO hefur breyst allnokkuð eftir lok
kalda stríðsins. Hver er staöa okkar og hvaða hlut-
verki gegnum við í þessu nýja bandalagi ?
Þó að hlutverk bandalagsins hafi tekið nokkrum breytingum þá
hefur engin breyting orðið á eðli þess né mikilvægi. Það er nú
jafnt sem áður mikilvægt að vestrænar lýðræðisþjóðir hafi sín á
milli traust varnarbandalag og tryggi þannig öryggi og frið. Að-
ildin að NATO er mjög mikilvæg fyrir ísland og hefur reynst þjóð-
inni heilladrjúg þau 52 ár sem liðin eru frá stofnun sambands-
ins.
Eftir að kaldastríðinu lauk þá hefur NATO tekist á hendur ný
verkefni og hefur ísland tekið þátt í þeim. Þetta á einkum við um
friðargæslu á Balkanskaga, sem ísland hefur tekið þátt í og nú
hyggjast stjórnvöld auka verulega getu íslands til að ieggja af
mörkum til friðargæsluverkefna.
EIMSKIP
Islenska leiðin • I aðdraganda landsfundar Bls. 7