Fréttabréf Samtaka lungnasjúklinga - dec 2022, Qupperneq 2

2
Formannsspjall
Kæru félagar
Lungnasamtökin eiga 25 ára
afmæli um þessar mundir og því
ber að fagna með öflugu félag-
starfi á komandi vetri. Eftir
nokkur misseri með mismiklum
hömlum af völdum Covid sjáum
við nú fram á að geta hist oftar og
haft meira gaman saman.
Undanfarið ár hefur verið undirlagt af Covid en samt tókst okkur
að halda einn félagsfund þar sem skemmtikrafturinn og
stórsöngvarinn Eyþór Ingi kom og skemmti okkur með söng og
gamanmáli. Var af hin besta skemmtun og tóku viðstaddir þátt í
söngnum í nokkrum lögum.
Lungnasamtökin – nýtt nafn
Aðalfund tókst okkur svo að halda í maí, nokkurn veginn á
réttum tíma. Þar bar helst til tíðinda að nafni samtakanna var
breytt og munu þau framvegis heita Lungnasamtökin. Þessi
breyting var fyrst og fremst gerð til að leggja áherslu á að
samtökin séu ekki eingöngu fyrir lungnasjúka, heldur alla þá
sem vilja vinna að velferð og hagsmunamálum lungnasjúkra.
Mæltist tillagan mjög vel fyrir og var samþykkt með öllum
greiddum atkvæðum.
Lögum Lungnasamtakanna var jafnframt breytt til samræmis við
nafnabreytinguna, auk þess sem gerðar voru lagfæringar til að
tryggja skráningu félagsins í Almannaheillaskrá og
Almannheillafélagaskrá.
Stjórnarbreytingar
Breytingar urðu á stjórn Lungnasamtakanna þar sem Aldís
Jónsdóttir, fyrrum formaður og Ólöf Sigurjónsdóttir gáfu ekki
kost á sér til áframhaldandi stjórnarsetu og þökkum við þeim
langt og ötult starf fyrir samtökin. Þrátt fyrir brotthvarf þeirra úr
stjórninni eru þær áfram fúsar til að leggja okkur hjálparhönd
sem við höfum nú þegar notið góðs af. Þá féll Kristín Eiríksdóttir
frá á síðasta ári og voru því þrjú laus sæti í stjórn. Ný í stjórnina
komu þau Fjóla Grímsdóttir, Helga S. Ragnarsdóttir og Þorsteinn
Óskarsson. Áfram í stjórn voru kjörin þau Andrjes
Guðmundsson, formaður, Gunnhildur Hlöðversdóttir,
varaformaður og meðstjórnendur þau Eyjólfur Guðmundsson
og Ragnhildur Steingrímsdóttir.
Verkefnin framundan
Þau málefni sem brenna á stjórn samtakanna á komandi
mánuðum tengjast möguleikum lungnasjúklinga á að ferðast
óheft um heimsbyggðina. Ber þar hæst þau tækifæri sem aðild
okkar að Evrópusambandinu veita okkur. Auk þess viljum við
gjarnan breyta viðhorfi fólks til lungnasjúklinga og fordómum í
þeirra garð. Lungnasjúkdómar eru ekki einu sjúkdómarnir sem
tengja má óheilbrigðum lífstíl. Það má heldur ekki gleyma að
lungnasjúkdómar eru af mismunandi toga og 30%
lungnasjúklinga hafa aldrei reykt. Allir, þar með talið
heilbrigðisstarfsfólk og ekki síst við sjálf, verða að hætta að
fordæma lungnasjúka. Aðrir sjúklingahópar búa ekki við sömu
aðstæður og eiga heldur ekki að gera það.
Stjórn Lungnasamtakanna vonast eftir góðu og öflugu
vetrarstarfi og óskar þess að sem flestir láti sjá sig og eigi
skemmtilegar stundir með okkur á komandi mánuðum.
Jafnframt bindum við vonir við að okkur takist að ná sem
bestum árangri í sameiginlegum réttindamálum okkar.
Andrjes Guðmundsson, formaður Lungnasamtakanna.
Minningarorð um Kjartan Mogensen,
fyrrum formann Samtaka lungnasjúklinga
Kjartan Mogensen var formaður
Samtaka lungnasjúklinga árið 2018.
Hann lést í apríl síðastliðnum 75 ára
að aldri. Kjartan var menntaður
landslagsarkítekt en gekk til liðs við
samtökin eftir að hann greindist með
lungnaþembu árið 2010. Hann var
virkur félagi í SLS og öflugur talsmaður
þess að lungnasjúklingar fengju aukið ferðafrelsi með því að
hafa greiðari aðgang að súrefnissíum.
Kjartan fór á þing ERS (European Respiratory Society) á vegum
SLS til Parísar árið 2018, þar sem hann hélt fyrirlestur, fyrstur
Íslendinga. Tekið var viðtal við hann á vegum Evrópsku
lungnastofnunarinnar, ELF sem birtist í fréttablaði SLS sama ár.
Í því viðtali nefndi Kjartan sérstaklega mikilvægi þess fyrir
lungnasjúklinga að vera virkir og einangra sig ekki, taka þátt í
félagsstarfi og umfram allt að halda í gleðina.
Við í stjórn Lungnasamtakanna tökum heilshugar undir þessi
hvatningarorð Kjartans og þökkum hans góða og mikilvæga starf
í þágu félagsins.
Stjórn Samtaka lungnasjúklinga