Heimili og skóli - 01.10.1947, Qupperneq 18

108
HEIMILI OG SKÓLl
tökupróf prófskólans, auk þeirra, sem
foreldrar og kennarar hafa forðað frá
falli við að láta þau ekki ganga undir
inntökupróf. Eins og að líkindum læt-
ur, er misjafn sauður í mörgu fé í þess-
um bekkjum, og það er ekki alveg út í
bláinn ,að sumir kennarar kalla þessa
deild miðskólans ( Den intelligensfri
Mellem), þ. e. greindarlausa miðskól-
ann.
Á pappírnum er námsgreinafjöld-
inn að mestu eins og í prófskólanum,
stærðfræði er þó ekki kennd og mála-
kennslan er mjög takmörkuð. En í
raun og veru eru kröfurnar mjög væg-
ar, lítillar eða engrar heimavinnu
krafizt, enda er obbinn af þessum
börnum varla fær um að vinna sjálf-
stætt. Vanþekking nemenda þessa
skóla er alkunn, er það hvorki kennur-
um né kennslufyrirkomulagiaðkenna,
heldur hæfileikaskorti barnanna.
Við og við slæðast þó vel gefin börn
í þessa bekki, þeim er til allrar ham-
ingju uppreisnarvon, þau geta úr öðr-
um bekk próflausa skólans tekið inn-
tökupróf í almenna undirbúningsskól-
ann, og taki þau almennt undirbún-
ingspróf, bafa þau fengið svipaða
menntun og gagnfræðingar. Að al-
mennu undirbúningsprófi loknu, geta
unglingarnir fengið ókeypis kennslu
á stúdentanámskeiði ríkisins eða böf-
uðstaðarins.
Agnúinn við próflausa miðskólann
er sá, að í hann lenda þau börn, sem
eru verst að sér á öllum sviðum, ekki
aðeins hvað greind og þekkingu snert-
ir, heldur einnig lregðun. Á þann hátt
myndast innan skólans skrílbekkir,
sem eru uggvænlegir þeim kennurum,
sem vérða að kenna í þeim. Ef meiri
hluti barnanna í slíkum bekk kemur
frá fátækum, þekkingarsnauðum og ó-
þrifalegum heimilum, er ekki að
undra, þótt bekkjarbragurinn verði
menningarsnauður.
Ýmsir danskir skólamenn, m. a.
skólastjóri kennaraháskólans G. J. Ar-
vin, balda því fram, að skólinn sé með-
sekur í myndun barnaskrílsins með
skiptingunni, sem á sér stað upp úr 5.
bekk. Málið er vandasamt og auðvelt
að færa fræðileg rök með og móti
skiptingunni. Ég hef lengst af kennt
við prófskólann, en er þó nægilega
kunnur þeim próflausa til þess að
óska, að slíkt samansafn, eins og léleg-
ustu bekkirnir eru, fylli aldrei íslenzka
kennslustofu. Manni getur orðið á að
lokinni kennslustund í þessum skóla,
að efast um framtíð mannkynsins, Því
miður hafa íslenzkir alþingismenn
látið blekkjast til að samþykkja ný
fræðslulög, þar sem áþekk skipting er
ákveðin og sú, sem þekkist í Höfn,
nema hvað barnaskólinn verður
óskiptur á íslandi til 13 ára aldurs.
Kennarar, sem kenna námsgreinar,
er krefjast sérstaks undirbúnings, við
miðskólann, fá stundafjöldann lækk-
aðan þannig, að 3 stundir í dönsku,
ensku, þýzku, stærðfræði og matreiðslu
gilda sem 4 stundir, og 4 stundir í
sögu, landafræði, náttúrufræði, kristn-
um fræðum og eðlisfræði jafngilda 5
venjulegum kennslustundum í barna-
skólanum.
í næstu grein segi ég frá sérbekkjum
og sérskólum.
Foreldrar og kennarar! Gjörið svo vel og
sendið Heimili og skóla sannar gamansögur
og skrýtlur um börn og tilsvör þeirra.
Ritstj.