Heimili og skóli - 01.02.1949, Blaðsíða 5

Heimili og skóli
TÍMARIT UM UPPELDISMÁL
8. árgangur Janúar—Febrúar 1. hefti
Þann 22. marz n. k. verður Hannes
J. Magnússon, skólastjóri, fimmtugur.
Mér þykir hlýða, að „Heimili og skóli“
minnist ritstjóra síns á þessum merku
tímamótum í ævi hans.
Hannes J. Magnússon er fæddur að
Torfmýri í Skagafirði 22. marz 1899.
Foreldrar hans voru hjónin Jakobína
Gísladóttir og Magnús Hannesson.
Þar ólst Hannes upp við venjuleg
sveitastörf undir rótum fjallsins fagra,
Glóðafeykis.
Snemma bar á því, að hann var
námfús og hneigður fyrir andleg störf.
En það var ekki auðvelt fyrir fátæka
bændasyni að brjótast til mennta á
þeim árum. Þó tókst Hannesi að kom-
ast í alþýðuskólann á Eiðum haustið
1919. Hann var því í hópi fyrstu nem-
enda skólans. í Eiðaskóla dvaldi hann
við nám í tvo vetur, frá 1919—21.
Tvennt er óhætt að fullyrða um
Eiðaskóla á þessum árum. Hann fékk
óvenjulega góða og námfúsa nemend-
ur, sem komu þangað af þrá til að
læra, enda voru þá færri skólar en nú
er, og enginn skyldaður í framhalds-
skóla. Þá átti skólinn óvenjulega góð-
um kennurum á að skipa, sem höfðu
mótandi og hvetjandi áhrif á nemend-
ur sína. Asmundur Guðmundsson,
prófessor, var þar þá skólastjóri, en
Benedikt Blöndal, fiú Sigrún Blön-
dal og Guðgeir Jóhannsson kennarar.