Læknaneminn - 01.12.1960, Síða 34

LÆKNANEMINN
3>t
kom fram ein sæmilega gáfuleg
spurning. Að lokum talaði próf.
Snorri Hallgrímsson. Lýsti hann
ánægju sinni yfir vali á umræðu-
efni og skiptingu þess, og hældi
ræðumönnum fyrir góða meðferð
efnisins. Skýrði hann síðan með
nokkrum orðum frá þeirri reynslu,
sem fengist hefði við meðferð ca.
ventriculi á IV. deild Landsspítal-
ans. Að því loknu þakkaði form.
ræðumönnum og sleit fundi. Fund-
arsókn var afbragðsgóð.
A
Fundur var haldinn í Fél. lækna-
nema þriðjudaginn 15. nóv. í I.
kennslustofu og hófst kl. 8,30.
Gestur fundarins var Ragnar
Karlsson læknir, og flutti hann
mjög athyglisvert og gott erindi
um kenningar Freuds. Á eftir svar-
aði hann allmörgum fyrirspurnum.
Félagsmál lágu engin fyrir og
lauk fundi með kvikmyndasýningu.
Sýnd var myndin „Resuscitation
in cardiac arrest“, spennandi og
viðburðarík amerísk mynd í litum.
F'lundarsókn var góð þegar þess
var gætt, að Beethoven þrumaði
sinn boðskap á öðrum stað í hús-
inu.
Stúdentaráðskosningar,
þær fyrstu eftir nýju lögunum,
fóru fram laugardaginn 29. okt.
s. 1. Læknanemar sýndu mikinn á-
huga, og fengu auk lögboðins full-
trúa, 2 uppbótarfulltrúa af 3. Var
það mál manna, að kosningar þess-
ar hefðu farið fram með mun heil-
brigðari blæ en áður, þrátt fyrir
barnalegt brölt eins pólitíska fé-
lagsins á kjördag. Fulltrúar lækna-
deildar í ráðinu eru:
Halldór Halldórsson, Örn
Bjamason og Bjarni Hannesson.
Varamenn: Gottskálk Björns-
son, Gunnar Eyþórsson, Jón Al-
freðsson, Ólafur Björgúlfsson og
Öni S. Arnaldsson,
Munu læknanemar sammála um
að þessum mönnum sé treystandi
til þess að vinna vel og dyggilega
að hagsmunamálum stúdenta í
anda hinna nýju laga.
A
Þær gleðifregnir
hafa oss borizt norðan af Akur-
eyri, að þeir á lyfjadeildinni þar
séu teknir að borga kúrsusstú-
dentum kaup — 6000 kr. á mán-
uði auk fæðis og húsnæðis. Ættu
þeir væntanlega ekki að verða í
stúdentahraki í bráðina.
A
Nýir kennarar.
2 ný prófessorsembætti voru
stofnuð við læknadeild s. 1. vor.
Annað í efnafræði, en hitt í geð-
sjúkdómafræði, og skal prófessor-
inn í því síðarnefnda jafnframt
vera yfirlæknir sjúkradeildar að
Kleppi. Prófessor í efnafræði hef-
ur nýlega verið skipaður dr. Stein-
grímur Baldursson.
Sömuleiðis hafa fyrir nokkru
verið skipaðir dósentar þeir yfir-
læknarnir dr. Gísli Fr. Petersen og
Pétur H. J. Jakobsson.
Ekki verður hér getið um nýja
kennara án þess að minnast á
próf. Trausta Ólafsson, er nú læt-
ur af störfum við læknadeild eft-
ir hartnær 40 ára kennslu sem
aukakennari í efnafræði. Hann
hefur notið mikils trausts og vin-
sælda meðal stúdenta, enda góð-
ur kennari og velviljaður. Lækna-
neminn sendir honum beztu kveðj-
ur sínar nú á þessum tímamótum.
Prófessorsembættið í geðsjúk-
dómafræði er óveitt ennþá, en
blaðið hefur fregnað, að skipuð
hafi verið nefnd til þess að fjalla
um hæfni umsækjenda, og eigi
sæti i henni m. a. danskur próf-
essor. Ekki er oss kunnugt um að
nefnd þessi hafi enn skilað nið-
urstöðu.