Breiðholtsblaðið - 01.03.2023, Blaðsíða 6

6 Breiðholtsblaðið MARS 2023
Samfélagslöggurnar kíktu
í heimsókn í FB á dögunum
og spjölluðu við nemendur
í hádegishléinu. Samfélag­
slöggurnar sinna svokallaðri
samfélagslöggæslu sem er
ætlað að færa lögregluna nær
samfélaginu og efla tengsl við
almenning, ekki síst unga fólkið.
Þeir tveir lögregluþjónar
sem heimsóttu FB sinna
samfélagslöggæslu fyrir
íbúa Breiðholts og Kópavogs
samhliða almennri löggæslu
og halda úti Instagramsíðunni
samfelagsloggur. Nemendur FB
tóku gestunum afar vel og gátu
spurt þau um ýmislegt varðandi
störf lögreglunnar og annað
sem brann á þeim. Ætlunin
er að heimsóknirnar verði að
reglulegum viðburði og líklegt
er að nemendur FB rekist aftur á
samfélagslöggurnar á vordögum.
Lögreglan í heimsókn í FB.
Samfélagslöggur
heimsækja FB
Litla líkamsræktarhornið í Félagsstarfinu í
Árskógum hefur vakið mikla lukku. Það var tekið
í notkun 19. janúar sl. Þar er að finna ýmis tæki til
líkamsræktar. Tæki á borð við göngubretti, sethjól,
rimla, trissu, teygjur, lóð og dýnur.
Nokkuð hafði verið rætt um að koma upp aðstöðu til
líkamsræktar á Félagsráðsfundum þar sem fólki gefst
fólki kostur á að koma með hugmyndir og ræða starfið.
Nú er þessi hugmynd komin í höfn og starfsmaður
félagsstarfsins er með fastan viðverutíma á mánudögum
kl. 10:30 til að leiðbeina þeim sem það vilja. Að öðru
leiti er líkamsræktarhornið opið á opnunartíma
félagsstarfsins. Breiðholtsblaðinu hafa borist nokkrar
myndir frá litla líkamsræktarhorninu sem sýna ánægju
með starfsemina.
Hópur við tækin í litla líkamræktarhorninu.
Mikil ánægja með litla
líkamsræktarhornið
Árskógar
Litla líkamsræktarhornið opnað við mikinn fögnuð.