Nesfréttir - 01.11.2023, Blaðsíða 10

10 Nesfrétt ir
Erum á Óðinsgötu 1
Sjá nánar á facebook.com/Systrasamlagid
Netverslun: systrasamlagid.is
Nemendur í Grunnskóla Seltjarnarness í leirlistavali fóru á
listasýningar í byrjun nóvember.
Mánudagshópurinn fór á Ásmundarsafn á sýninguna ,,Mentor:
Ásmundur Sveinsson og Carl Milles” og fimmtudagshópurinn fór á
Listasafn Íslands og skoðaði sýningu Egils Sæbjörnssonar og ný verk
í eigu safnsins. Sýningarnar voru skemmtilega ólíkar og nemendur
voru til fyrirmyndar.
Nemendur á
listasýningar
Grunnskóli Seltjarnarness hefur verið að nota Evolytes sem er íslenskt
stærðfræðinámskerfi. Evolytes stendur saman af námsleik, stærð­
fræðibókum og upplýsingakerfi fyrir kennara.
Nemendur í 3. bekk fengu kynningu á því hvað Evolytes er og hvernig
leikurinn virkar nú í byrjun nóvember. Evolytes er byggt þverfaglegum
rannsóknum og notar framúrstefnulegar sálfræðikenningar til þess að bæta
námsárangur barna í stærðfræði og til þess að halda áhuga þeirra til lengri
tíma. Einnig er áformað nýta þetta kennsluefni nemendum í sérkennslu.
Nýtt kennsluefni í
stærðfræði á Nesinu
Evolytes kynnt í Grunnskóla Seltjarnarness.
Evolytes
Selkórinn. Myndin var tekin 4. desember 2022.
Sigrún Þorgeirsdóttir
tekin við Selkórnum
Nýr kórstjóri hjá Selkórnum
Selkórinn hefur starfað óslitið
frá árinu 1968 á Seltjarnarnesi og
átt þeirri gæfu að fagna að hafa
haft einstaklega hæfileikaríka
kórstjóra. Heppnin er áfram með
kórnum því nú í haust kom til
liðs við Selkórinn nýr kórstjóri,
Sigrún Þorgeirsdóttir.
Sigrún er fædd árið 1964 og fór
mjög ung með foreldrum sínum til
Ameríku því faðir hennar var við
nám þar. Þau fluttu svo með dætur
sínar á Seltjarnarnesið 1977 og þar
ólst Sigrún upp á unglingsárum.
Hún lauk 8. stigs prófi í söng frá
Tónlistarskólanum í Reykjavík eftir
stúdentspróf frá MR en aðalkennari
hennar var Sieglinde Kahmann.
Leiðin lá svo til Boston University
þar sem hún lauk MM prófi í söng
og stundaði síðan framhaldsnám í
kórstjórn við Florida State University.
Sigrún hefur starfað víða við tónlist,
hún stjórnaði Kvennakór Reykjavíkur
í rúm 12 ár frá 1997 til 2009 og hefur sungið með söngkvarttetinum Rúdolf frá
stofnun hans 1992. Hún stjórnaði einnig Karlakórnum Stefni í Mosfellsbæ
í sex ár 2016 til 2022. Auk tónlistarmenntunar hefur Sigrún BSc próf í
efnafræði frá Háskóla Íslands og starfar nú sem skrifstofustjóri verkfræði­
deildar Háskólans í Reykjavík.
Fyrstu tónleikar Sigrúnar með Selkórnum verða jólatónleikar í
Seltjarnarneskirkju, sunnudaginn 3. desember kl. 16.00. Efnisskráin verður
fjölbreytt, undurfögur jólalög og trúarleg tónlist í bland, eftir Mozart, Gabriel
Fauré, John Rutter, Ola Gjeilo, Báru Grímsdóttur og Tryggva M. Baldvinsson
svo nefnd séu nokkur nöfn. Brynhildur Þóra Þórsdóttir sópran syngur
einsöng og Vignir Þór Stefánsson spilar undir á píanó. Allir velkomnir meðan
húsrúm leyfir. Miðar fást við inngang eða hjá kórfélögum, miðaverð kr. 3.000
Sigrún Þorgeirsdóttir nýr kórstjóri
Selkórsins.
- jólatónleikar í Seltjarnarneskirkju 3. desember