Ægir - 01.06.2023, Blaðsíða 13

13
„Þetta var bara fínasta vertíð. Við
byrjuðum á að taka einn túr í Smug-
una en vorum svo hérna heimavið.
Við enduðum svo aftur í Smugunni,“
segir Bergur Einarsson, skipstjóri á
uppsjávarskipinu Venusi NS, sem er í
eigu Brims, þegar hann gerir upp
makrílvertíðina í sumar.
Hann er ánægður með að hafa getað
veitt makrílinn að hluta til í íslenskri
lögsögu. Það muni styrkja samnings-
stöðu landsins þegar kemur að því að
semja um hlutdeild í þessum stofni á
komandi árum. „Það er gulls ígildi að
hafa fengið þetta hér heima,“ segir Berg-
ur.
Stutt á síldarmiðin
Venus er þegar þetta viðtal er tekið á
síldveiðum austur af landinu. Það er að
sögn Bergs stutt að fara úr heimahöfn á
Vopnafirði. „Þetta er ekki nema fjögurra
tíma stím,“ segir hann. Bergur var á
þessum tímapunkti sjálfur búinn að fara
einn síldartúr en tvær áhafnir skipta
með sér veiðunum. „Við fengum þúsund
eða ellefu hundruð tonn í þremur holl-
um. Við drógum í einn til þrjá tíma í
senn,“ segir hann um síðasta túr. Afla-
brögðin verði vart betri.
Síldaraflinn er blandaður nú í upphafi
síldarvertíðarinnar. Uppistaðan í aflan-
um er norsk-íslenska síldin en um fjórð-
ungur er íslensk síld, sem er smærri.
Bergur segir að Brim ráði yfir um 11
þúsund tonna kvóta í hvorum stofni.
Hann reiknar með að þegar norsk-ís-
lenska síldin færi sig muni þeir eltast við
íslensku síldina, sem hafi undanfarin ár
haldið sig vestan við landið. „Svo veit ég
ekki alveg hvað tekur við. Fyrirtækið á
eitthvað af kolmuna og ég veit ekki
hvort öll skipin haldi til þeirra veiða. Svo
er það auðvitað loðnan – ef guð lofar.“
Bergur segir að veiðar á þessu ári
hafi gengið afar vel, heilt á litið. „Þetta
er búið að vera ljúft. Við höfum ekki yfir
neinu að kvarta – annað væri bara
frekja,“ segir hann að lokum.
 Uppsjávarskipið Venus NS er á síldveiðum í haust en svo tekur loðnan við í vetur, „ef guð lofar,“ líkt og skipstjórinn orðar
það.
„Þetta er búið að vera ljúft“
 Bergur Einarsson, skipstjóri, segir það gulls ígildi hversu mikið fékkst af makríl
í íslensku lögsögunni í sumar. Myndir: Þorgeir Baldursson.
Á miðunum