Fréttir - Eyjafréttir - 07.12.2023, Page 9

7. desember 2023 | | 9
„Við horfum m.a. til þess að
geta síað sjó og höfum góða
von um að það geti gengið og
leysi bráðasta vandann fari
allt á versta veg,“ sagði Stefán
Friðriksson forstjóri Ísfélags
um stöðuna í vatnsmálum
Eyjanna.
Athyglin hefur m.a. beinst að
vatnsleiðslunni frá 1968 og
hvort hún sé ennþá nothæf.
„Maður veit ekki hvort hún
myndi duga fyrir topploðnu-
vertíð en stóra málið núna er að
vatnslögnin er að skila sínu.
Við höfum reyndar ekki feng-
ið alvöru suðaustan veður sem
gæti reynt verulega á leiðsluna.
Ég er samt ágætlega bjartsýnn
og vinnubrögð Almannavarna
eru mjög fagleg. Fólk þar á bæ
horfir ekki bara á eina lausn
heldur skoðar á sama tíma allar
aðrar mögulegar lausnir sem
tryggir að við fáum niðurstöðu
sem fyrst. Við erum með upp-
sjávarskip sem geta borið 3000
rúmmetra af vatni. Ætli Elliði
(bæjarstjóri í Þorlákshöfn) væri
ekki til í að bjarga okkur með
vatn ef til þess kæmi, vatns-
kóngur Íslands. Ef það gengur
verða ekki vandræði með að
dæla vatninu í land því öll
uppsjávarskipin eru með mjög
öflugar dælur,“ sagði Stefán.
Vatnsleiðslan er að
skila sínu
„Við erum að reyna að reyna að
leita allra lausna sem við getum
hugsað okkur til bregðast við
vatnsskorti eða takmörkun á
vatni,“ sagði Sigurgeir Brynjar
Kristgeirsson, framkvæmdastjóri
Vinnslustöðvarinnar.
„Við erum að reyna að kaupa
gámaeiningar sem geta sía salt úr
sjó þannig að við fáum vatn. Það
er besta lausnin sem við sjáum í
augnablikinu. Vonandi tekst okkur
að tryggja það.
Þá erum við að skoða alla
möguleika á að nota sjó í stað
vatns. Það gengur í mörgum
tilvikum en alls ekki öllum. Við
getum t.d. ekki nýtt sjó í fiski-
mjölsverksmiðjunni. Við erum að
velta fyrir okkur öllum möguleik-
um og allar hugmyndir eru vel
þegnar.“
Allar hugmyndir vel þegnar
„Enn er staðan sú að leiðslan get-
ur farið í sundur hvenær sem er
– en við eigum hugsanlega fleiri
leiki í þeirri stöðu en á horfðiðst
í byrjun. Að því leyti er útlitið
bjartara nú en okkur sýndist
það vera strax eftir óhappið.
Við vonum auðvitað að leiðslan
haldi þangað til ný verður lögð
en búum okkur undir að hún
geri það ekki. Um þetta gildir
gamla heilræðið um að vona
það besta en vera undirbúinn því
versta!,“ sagði Páll Magnússon
forseti bæjarstjórnar í samtali við
Eyjafréttir.
Ýmsir möguleikar
Hann segir fyrstu viðbrögð til
bráðabirgða sem verið er að
undirbúa og kanna til hlítar eru
einkum þessi: bráðabirgðavið-
gerð á aðalleiðslunni sem fælist í
að skeyta við hana nýrri plastlögn
austan við Klettsvík og taka hana
á land í Gjábakkafjöru; kanna
stöðuna á gömlu leiðslunni frá
1968 ef hún kynni að vera nothæf
til bráðabirgða með viðgerðum
og viðbótum; taka í notkun skilj-
ur/síur sem búa til vatn úr sjó.
„Ein slík er komin til landsins á
vegum Laxeyjar og Vinnslustöðin
og Ísfélagið hafa ákveðið að festa
kaup á 2-3 til viðbótar. Þessar
skiljur hafa hver um sig afkasta-
getu upp á 500-600 tonn af vatni
á sólarhring. Loks er verið að
undirbúa stórfelldan flutning á
vatni til Eyja með tankskipum og
gámum ef á þarf að halda.“
Hann segir allar þessar aðgerðir
hafa það að meginmarkmiði að
koma í veg fyrir að neyðarástand
skapist þótt vatnsleiðslan gefi sig
og forða því að það þurfi að rýma
bæinn.
Ein varanleg lausn
„Varanleg lausn felst svo auðvit-
að í nýrri vatnslögn og nú liggur
fyrir ákvörðun ríkisstjórnarinnar
um flýta fjárveitingu til hennar
um eitt ár þannig að hún verði
lögð næsta sumar en ekki 2025
eins og áætlað var. Nú er unnið
hörðum höndum að því að svo
megi verða.“
Páll sagði að endingu bæjaryfir-
völd vinna náið og þétt með Al-
mannavarnadeild Ríkislögreglu-
stjóra og aðgerðastjórn í þessum
málum og bæjarstjórn fól Írisi
Róbertsdóttur, Páli og Eyþóri
Harðarsyni að leiða þá vinnu.
Allt gert til að koma í veg fyrir rýmingu
Páll Magnússon forseti
bæjarstjórnar Vestmannaeyja
Sigurgeir Brynjar Kristgeirsson, framkvæmdastjóri Vinnslustöðvarinnar.
Stefán Friðriksson forstjóri Ísfélags.
- hluti af samfélaginu síðan 1974
ERTU EKKI
ÖRUGGLEGA
Í ÁSKRIFT?
Það er einfalt að gerast
áskrifandi á eyjafrettir.is