Fréttir - Eyjafréttir - 07.12.2023, Blaðsíða 17
7. desember 2023 | | 17
“Það er alltaf gaman að koma
til Eyja og hitta áhugasama
viðskiptavini hvort sem þeir eru
núverandi viðskiptavinir eða nýir
kaupendur” segja þeir Toyota-
menn.
Það er alltaf að bætast í vöru-
línuna og nýjustu viðbæturnar
sem eru rafmagnaðir sendibílar
og jepplingar eru farnir að sjást á
götum Vestmannaeyjabæjar. Þess-
ir nýju bílar eru bZ4X, Proace
City EV og Proace EV, skemmti-
legir 100% rafdrifnir bílar sem
eru í boði í fjölda útfærsla sem
henta vel einstaklingum sem og
fyrirtækjaeigendum.
“Við erum með áætlun um að
heimsækja Vestmannaeyjar á
komandi ári og halda áfram að
kynna vörulínuna okkar sem
tekur sífelldum og áhugaverðum
breytingum”
Þjónustudeildin hjá Toyota
Kauptúni er búin að mæta í
tvígang með sérsniðnar þjónustu-
herferðir fyrir Eyjamenn og kon-
ur. Þessar herferðir hafa gengið
ljómandi vel og móttökurnar hafa
verið skínandi góðar.
“Við höfum haft aðstöðu hjá
Nethamri og tekið á móti við-
skiptavinum þar.
Við vorum eina viku á staðnum
og tilkynntum herferðir með góð-
um fyrirvara þannig að einfalt og
þægilegt var að panta tíma.”
Þrír til fjórir starfsmenn mættu
til Eyja og tóku um 50 bíla í þjón-
ustu í hvert skipti. Við leggjum
áherslu á smurþjónustu, þjónustu-
skoðanir og minni viðgerðir ásamt
öðrum verkefnum.
Toyota ætlar að halda þessu
áfram og veita Vestmanneyingum
þjónustu þar sem ekki er viður-
kenndur þjónustuaðili á staðnum
sem þessir viðskiptavinir geta
leitað til. Stefnan er að mæta með
reglulegu millibili og þjónusta
viðskiptavini Toyota í Eyjum sem
hafa tekið þessu verkefni mjög
vel.
Þjónusta Toyota Kauptúni við Eyjamenn:
Þjónustuherferðir og nýjustu Toyotabílarnir
Á myndinni eru frá vinstri: Bjarki Hrannar Bragason, Þorsteinn Jónsson og
Svavar Magnússon.
Á síðasta ári ferðuðust 412.857
farþegar með Herjólfi milli lands
og Eyja sem var met ár í flutning-
um hjá félaginu. Það er þó líklegt
að það met verði slegið á þessu
ári því á fyrstu níu mánuðum
ársins fóru 386.395 farþegar milli
lands og Eyja. Fréttir af farþega-
fjölda í Herjólfi eru fastur liður í
fréttum tengdum Vestmannaeyj-
um. Sjaldnar berast fréttir af því
hversu margir bílar eða flutninga-
vagnar eru fluttir með Herjólfi.
Þar sem bílar eru meginþema
þessa blaðs ákváðum við að kafa
nánar í þessi mál.
Metár í bílaflutningum
Hörður Orri Grettisson fram-
kvæmdastjóri Herjólfs deildi með
okkur upplýsingum um bílafjölda
í Herjólfi frá árinu 2020 auk þess
að svara nokkrum spurningum.
Fljótt á litið fylgir þróun bíla-
fjölda í Herjólfi nokkurn veginn
fjölda farþega í skipinu. Árið 2022
var það stærsta í bílaflutningum
þar sem 112.863 bílar voru fluttir
með Herjólfi til að setja þetta í
eitthvað samhengi þá eru sam-
kvæmt samgöngustofu 249.658
fólksbifreiðar í umferð á Íslandi.
Herjólfur flutti 107.904 bíla árið
2021 og 82.498 árið 2020. Á
fyrstu níu mánuðum þessa árs
voru fluttir 99.182 bílar það er því
ljóst að það stefnir í met ár í flutt-
um bílum líka á þessu ári. Þess
má geta að inni í þessari tölu eru
ekki vagnar og flutningabílar, þeir
hafa verið um hálft sjötta þúsund
síðustu tvö árin.
Fimmtíu þúsund á vegum
heimamanna
Hörður sagði aðspurður ekki hafa
nákvæma tölu um það hversu stór
hluti þessara bíla væru heima-
menn það er að segja pantaðir
með afslætti. „Þetta er mjög
svipuð tala síðustu ár um 50.000
bílar á hverju ári sem eru á vegum
heimamanna.“ Það gerir tæplega
helming þeirra bíla sem eru fluttir
með skipinu. Þær upplýsingar
fengust hjá Samgöngustofu að
í Vestmannaeyjum eru skráðar
2.264 fólksbifreiðar. Samkvæmt
þessum upplýsingum fer hver
fólksbíll í Vestmannaeyjum að
meðaltali um 22 ferðir á ári með
Herjólfi eða 11 túra fram og til
baka með skipinu. Á meðan þú
lesandi góður ferð yfir það í hug-
anum hvað þú ert búinn að fara
margar ferðir á þessu ári skaltu
hafa það í huga að þó nokkuð af
fólksbílum yfirgefa malbikið í
Vestmannaeyjum aldrei.
Bíladekkið er flöskuháls
Það er nokkuð ljóst að rétt
eins og í farþegaflutningum er
mikill munur milli mánaða hvað
varðar flutninga á bílum. Stærsti
mánuðurinn í bílaflutningum
hjá Herjólfi síðustu ár var júlí á
þessu ári þegar 19.497 bílar voru
fluttir með Herjólfi. Í gögnunum
má enn fremur sjá að umsvifam-
innsti mánuðurinn á bíladekkinu
var í apríl 2020 þegar fluttir voru
2.435 bílar með skipinu. Hörð-
ur segir nýtingu á bíladekkinu
eðlilega vera mjög misjafna milli
mánaða. „Staðan er samt þannig
yfir sumartímann að bíladekkið er
flöskuháls, bíladekkið er mjög oft
uppselt með tilheyrandi biðlist-
um á meðan það er laust pláss
fyrir farþega. Við finnum það á
ferðamönnum að það truflar þá
marga hverja að þurfa að skilja
bílinn eftir þó að við reynum að
leiðbeina þeim með það að hér
þurfi ekki að hafa bíl til að komast
á milli staða í Vestmannaeyjum.“
Tækifæri í almenningssam-
göngum yfir sumarið
Það er áhugavert ef kafað er
nánar í gögnin að árið 2020 voru
tæplega þrír farþegar á hvern bíl
að meðaltali yfir árið. Sú tala
hefur hækkað stöðugt og er svo
komið að á fyrstu níu mánuðum
ársins 2023 voru um 3,9 farþegar
á hvern bíl eða næstum því 30%
betri nýting á hverjum fluttum bíl.
Hörður segir þó að enn þurfi að
gera betur. „Ég held að við sem
samfélag þurfum yfir sumartí-
mann að markaðssetja og koma
því vel til skila að auðvelt sé að
skilja bílinn eftir í Landeyjum
og um leið að auka þjónustu í
Eyjum fyrir þá sem eru ekki á bíl.
Í því samhengi held ég að það sé
tækifæri í einhverskonar almenn-
ingssamgöngum hér í Eyjum yfir
sumarið.“
Meðal Eyjabíll fer 22 ferðir á ári