Framkvæmdafréttir Vegagerðarinnar - 19.06.2023, Blaðsíða 22

22 Framkvæmdafréttir nr. 725
3. tbl. 31. árg.
Þótt regnið hafi dunið á gestum við opnun nýja
Suðurlandsvegarins, braust sólin fram undan skýjunum
rétt áður en Sigurður Ingi og Bergþóra fengu skæri í
hönd til að klippa á borða í tilefni af þessum merku
tímamótum.
Bergþóra var afar ánægð að geta opnað veginn á
þessum tímapunkti, fjórum mánuðum fyrr en áætlanir
gerðu ráð fyrir. „Ég vil þakka ÍAV fyrir einstakt samstarf
í þessari framkvæmd. Það er sérlega sætt að geta
opnað veginn fyrir sumarið, það munar um minna,“
sagði Bergþóra og benti á að umferðin á þessum vegi
hefði stökkbreyst á síðustu tuttugu árum og að með
nýjum vegi myndi umferðaröryggi stóraukast. Sigurður
Ingi var að sama skapi mjög ánægður með þessi
tímamót enda ekur hann Suðurlandsveginn nánast
daglega til og frá vinnu.
Nýr Suðurlandsvegur milli
Hveragerðis og Selfoss
opnaður formlega
Sigurður Ingi Jóhannsson innviðaráðherra og
Bergþóra Þorkelsdóttir, forstjóri Vegagerðarinnar,
opnuðu formlega nýjan Suðurlandsveg milli
Hveragerðis og Selfoss fimmtudaginn 25. maí
2023. Verkið Hringvegur (1), Biskupstungnabraut
– Gljúfurholtsá er annar áfangi breikkunar
Suðurlandsvegar milli Selfoss og Hveragerðis.
ÍAV er aðalverktaki framkvæmdanna sem hófust
í apríl 2020.
Umferð aukist og slys tíð
Breikkun Suðurlandsvegar á þessum kafla var mjög
aðkallandi. Umferð hefur aukist jafnt og þétt í gegnum
árin. Árið 2000 var árdagsumferð (meðalumferð á
dag, yfir árið) 4.970 bílar á sólarhring, árið 2012 var
talan komin í 6.462 en þá tók umferðin kipp vegna
aukins straums ferðamanna og var komin í 10.342 bíla
á sólarhring árið 2019. Næstu tvö ár voru óvenjuleg
vegna Covid-19, en í fyrra, árið 2022, var umferðin
orðin 10.753 bílar á sólarhring.
Suðurlandsvegurinn á þessum kafla hefur verið
einn slysamesti vegur landsins. Þó hefur slysatíðni
haldist nokkuð stöðug síðustu ár, en var mun hærri
á fyrstu árum þessarar aldar. Má líklega þakka
það umferðaröryggisaðgerðum eins og hjáreinum
við gatnamót og fræsingu hvinranda milli akreina
sem vekja ökumenn til vitundar um að þeir séu að
aka yfir á rangan vegarhelming. Vonir standa til að
alvarlegum slysum fækki enn frekar með tilkomu nýja
vegarins. Má þar vísa í reynslu Vegagerðarinnar af
aðskilnaði akstursstefna á Hellisheiði. Hún sýnir að
þar hafa framanáárekstrar nánast fallið niður eftir
að framkvæmdum lauk árið 2015. Framanáárekstrar
hafa almennt valdið hvað verstu slysunum á vegum
Vegagerðarinnar. Slysatíðnin sem slík á Hellisheiði
hefur lítt lækkað sem má rekja til þess að akstur utan í
vegrið eru skráð sem slys, og oftast þá án meiðsla. Það
sýnir að vegriðin gera sitt gagn og óhætt að fullyrða
að einhver ökutæki hefðu annars farið á öfugan
vegarhelming með ófyrirséðum afleiðingum.
Suðurlandsvegur, formleg opnun, 2 til 3 síður
→
Sólin glennti sig rétt í þann mund þegar
átti að klippa á borðann og lagði þannig
blessun sína yfir vel unnið verk.
↘
Tveir höfðingjar tóku þátt í athöfninni.
Benz bifreiðin gegndi hlutverki
ráðherrabíls að lokinni athöfninni.
↓
Auk breikkunar Suðurlandsvegar
var einnig byggð ný brú yfir Varmá á
Ölfusvegi.