Goðasteinn - 01.09.1964, Page 12

stjóri Norræna félagsins, og eftir hann Jón R. Hjálmarsson, nú-
verandi skólastjóri.
Það er fagnaðarcfni, að ncmendur Skógaskóla hafa borið skóla
sínum fagurt vitni, þannig að hróður hans hefur farið sívaxandi,
enda námsárangur orðið með því bezta í hliðstæðum skólum.
Flest af því góða námsfólki, er þar lagði hornsteininn að þekk-
ingu sinni og manndómi, eru nú nýtir menn og konur við hin
vandasömustu störf, eigi aðeins á sínum heimaslóðum, heldur og
cinnig í öllum stigum þjóðfélagsins. Þessa er ánægjulegt að minn-
ast á þessum tímamótum í starfi skólans, eigi sízt þeim, er nokkuð
hafa komið við sögu þessarar stofnunar. Ég tel mér skylt við
þetta tækifæri að bcra fram sérstakar þakkir til allra þeirra, er
hér hafa trúlega unnið að ágætum árangri, skólastjórum, kenn-
urum, nemendum og starfsfólki öllu. Sér í lagi ber ég fram
þakkir til þeirra, er átt hafa sæti í skólanefnd Skógaskóla, til
mannanna, sem öðrum fremur báru hita og þunga dagsins við
byggingarframkvæmdir og frumerfiðleika fyrstu áranna, og fyrst
og fremst ber að þakka skólanefndarformanninum Birni Fr. Björns-
syni, sýslumanni og alþingismanni, er af mikilli bjartsýni og dugn-
aði hefur unnið hér að með orku, þegar mest lá við. En fyrir
það mikla starf á hann óskiptar þakkir okkar allra, er með honum
hafa starfað í skólanefndinni um lengri eða skemmri tíma.
Þá ber einnig að virða og meta þann skilning og góðhug, er
sýslunefndir viðkomandi héraða hafa ætíð sýnt skólanum og fórn-
fýsi fólksins, er að baki stóð.
Sem gamall Vestur-Skaftfellingur, vil ég fyrir hönd minna góðu
gömlu sýslufélaga færa Skógaskóla hugheilar árnaðaróskir og þakk-
læti fyrir þau góðu uppeldisáhrif, er hann hefur haft á þann stóra
hóp dugmikilla mannsefna, sem til hans hafa sótt úr sýslunni þau
fimmtán ár, er skólinn hefur starfað. Mcð því hefur hann ávaxtað
þann höfuðstól, sem til hans hefur verið lagður af héraðsbúum.
Það er ósk mín, að menntasetrið í Skógum megi eflast að vexti
og mannviti til farsældar og aukins manndóms fólksins, er byggir
hin stórbrotnu og rismiklu héruð og leitt hefur þessa stofnun til
vegs og gengis fyrsta áfangann.
„Komið heil, komið heil til Skóga“.
10
Goðasteinn