Goðasteinn - 01.09.1964, Qupperneq 18

skólans áfram og að búa honum eins góð starfsskilyrði og frek-
ast var unnt.
Margt mætti nefna sem sýnir hlýhug héraðsbúa í garð skólans.
Þess má t. d. geta, að einn af elztu unglingaskólum landsins, ungl-
ingaskólinn í Vík í Mýrdal, sem síðustu árin starfaði undir for-
ystu séra Jóns Þorvarðarsonar, gerði hlé á starfi sínu, til þess að
draga í engu úr aðsókn að hinum nýstofnaða skóla að Skógum.
Séra Jón Þorvarðarson var prófdómari við Skógaskóla fyrstu árin.
Skólanum bárust ýmsar góðar gjafir. Þegar skólinn var settur í
fyrsta skipti, barzt honum m. a. vísir að bókasafni, sem Vigfús
Bergsteinsson frá Brúnum í Vestur-Eyjafjallahreppi hafði ánafnað
fyrirhuguðum æskulýðsskóla í Rangárþingi. Það var verðmætt
safn bóka og tímarita. - Málverk af Eyjafjallajökli barst frá Rang-
æingum búsettum í Vestmannaeyjum. - Árný Filippusdóttir, skóla-
stjóri kvennaskólans að Hverabökkum í Hveragerði, færði skól-
anum veggteppi úr íslenzkri ull í sauðalitum, er hún hafði gert.
Hún er ættuð úr Rangárvallasýslu. - Yfirsmiðurinn, Matthías
Einarsson frá Vík í Mýrdal, færði skólanum fjárhæð að gjöf frá
smiðum og verkamönnum, sem unnu við bygginguna. Þeirri fjár-
hæð skyldi varið til hljóðfærakaupa. Það var vel þegin aðstoð og
gerði forráðamönnum skólans kleift að festa kaup á hljóðfæri
þegar á fyrsta starfsári skólans. Stefán Hannesson, kennari í Litla-
Hvammi í Mýrdal sendi skólanum kvæði að gjöf. Þau voru oft
sungin, einkum fyrsta veturinn.
Sóknarpresturinn, séra Sigurður Einarsson, skáld í Holti, kenndi
sem stundakennari við Skógaskóla fyrsta veturinn. Hann flutti þá
einnig, - og oft síðar, - erindi fyrir nemendur um ýmiss efni og
var jafnan aufúsugestur. Hann orti skólasöng Skógaskóla og þýddi
allmörg ljóð úr Norðurlandamálum fyrir okkur, sem sungin voru
við hátíðleg tækifæri. Guðsþjónustur voru við og við haldnar í
skólanum.
Það var mikill viðburður, þegar Þórður Tómasson, rithöfundur
í Vallnatúni, kom með fyrstu muni Byggðasafnsins að Skógum.
Það var i. des. 1949. Nokkru síðar þann sama vetur afhenti Eyj-
ólfur Guðmundsson, bóndi og rithöfundur að Hvoli í Mýrdal, mér
fyrsta vísi að skaftfellska hluta safnsins, - eins og hann orðaði
16
Goðasteinn