Goðasteinn - 01.09.1964, Síða 21

Margs er að minnast frá þessum árum, bæði ánægjulcgra atvika
og vandamála. Vissulega er það svo, og verður eflaust alltaf, að
þar sem æskufólk dvelst, þar er lífsgleði og starfsgleði. - Það
getur oft verið erfitt að sameina það bezta, sem góður skóli og
gott hcimili hefur upp á að bjóða. En það er einmitt eitt aðal-
markmið heimavistarskólanna. Ef allir þegnar skólaheimilisins eru
trúir því bezta í sjálfum sér, er gott spor stigið í áttina að markinu.
Að lokum tilfæri ég hér nokkur orð úr ávarpi því, sem ég
flutti, þegar skólinn var settur í fyrsta skipti, 19. nóv. 1949, og
enn fremur nokkrar setningar úr kveðjuávarpi, er ég flutti 1.
júní 1954.
19. nóv. 1949: „Það er ósk mín, að þessi skóli megi alla tíð
standa, scm lifandi tákn heilbrigðrar, sannrar menntunar. - Oft
er komizt svo að orði að góður eða illur andi drottni í þeim og
þeim skólanum. Þann anda skapa þeir, sem þar vinna saman,
kennarar, ncmendur og starfsfólk. Heill og hamingja hvers skóla
er að miklu leyti komin undir því hver andi þar ræður.
Það er mín heitasta ósk skólanum til handa, að hér fái enginn
illur andi aðsetur, en andi iðjusemi og skyldurækni, góðgirni og
siðprýði verði hér ætíð í öndvegi“.
1. júní 1954: „Með skólagöngu og námi safna nemendur þekk-
ingu og menntun í forðabúr fyrir lífið. Námsárin eru undirbún-
ingstími. Þá búa nemendur sig undir fullorðinsárin, - búa sig
undir að verða að hamingjusömum og dugandi mönnum.
Bjargráðin búa í okkur sjálfum, í þolgæði okkar, sjálfstrausti og
mannkostum. En til þess að geta borið traust til sjálfs sín og sótt
bjargráðin þangað, þarf eitthvað annað að vera innifyrir en fá-
fræði og tortryggni. Til þess að geta lagt eitthvað af mörkum
sjálfum okkur og öðrum til góðs, þurfum við að hafa tileinkað
okkur a.m.k. nokkurn forða af almennri þekkingu, drenglund og
sanngirni í annarra garð.
Það er ósk mín, að Skógaskóli megi um langa framtíð bera
gæfu til að útskrifa marga dugandi nemendur, víðsýna og bjart-
sýna, sem hafa þrek og þor að duga því sem göfugt er“.
Þessar óskir eru enn í fullu gildi.
Gæfa og gengi fylgi skólanum að Skógum um alla framtíð.
Goðasteinn
19