Goðasteinn - 01.09.1964, Side 24

Þennan vetur lásum við Önnu á Stóru-Borg sem framhaldssögu.
Og til að gera efnið enn áhrifríkara, fengum við vörubifreið til
að aka með okkur um söguslóðir hennar. Við klöngruðumst upp
í Paradísarhelli, og Rútshelli skoðuðum við líka. Þetta var ákaf-
lega ánægjuleg ferð og gaf sögunni dýpri bakgrunn. Það ætlaði
að ganga illa að koma flestum upp í Paradísarhelli, en tókst þó að
lokum. Þar gekk allt slysalaust. Við Rútshelli skeði það, að einn
pilturinn, sem þó var léttur á fæti, ætlaði að stökkva yfir girðingu,
sem þar var ofan á garði. Svo illa tókst til, að hann lenti milli
efsta strengsins og þess næsta og víxllögðust strengirnir um fætur
hans, svo að hann steyptist á höfuðið. Sem betur fór meiddi hann
sig lítið, en það gekk illa að losa hann.
III.
Fimmtán ár eru ekki langur tími í starfsæfi skóla. Yfirleitt verð-
ur að telja, að skólastarfið hafi gengið hér allvel, og á ég margar
ánægjulcgar minningar frá liðnum árum. En þó er það einhvern
veginn svo, að fyrsti veturinn hefur þar sérstöðu. Hér hefur aldrei
tekizt að skapa slíkan samhug milli nemenda og kennara og þá.
Fyrir því liggja ýmsar orsakir. Hópurinn var fámennur og bytj-
unarörðugleikarnir þjöppuðu okkur fastar saman, og þessir nem-
cndur voru eldri og þroskaðri cn þeir, sem nú koma að Skógum.
Og þegar ég nú renni augunum yfir þennan fríða flokk, sem hér
stundaði nám fyrsta vetur skólans, get ég ekki annað en undrazt,
hversu vel þeim hefur tekizt að koma sér áfram. Til gamans hef
ég dregið saman eftirfarandi yfirlit, sem sýnir störf þeirra, eftir
því sem mér er kunnugt um þau:
Við landbúnað og skógrækt:
3 bændur, i búnaðarkandidat, 2 skógfræðingar.
Við verzlun:
2 verzlunarmenn, i verzlunarstjóri, i forstjóri, i heildsali.
Við iðnað:
1 rafvélavirki, i rafvirki, i símvirki, i múrari, i bakari, i iðnrekandi.
Við samgöngur og sjómennsku:
2 flugmenn (annar er einnig bóndi), i flugumferðarstjóri, i loft-
22
Goðasteinn