Goðasteinn - 01.09.1964, Blaðsíða 54

bekkjar koma yfirleitt í skólann i. október og nemendur i. og 2.
bekkjar 15. október. Kennsla hefst þegar eftir komu nemenda.
Þriðji bekkur starfar í tveimur deildum, gagnfræða- og lands-
prófsdeild, og ákveða nemendur sjálfir að hausti í hvora deildina
þeir vilja setjast. Hinir bekkirnir eru yfirleitt óskiptir, þótt komið
hafi fyrir undantekningar frá þeirri reglu sakir mikils fjölmennis.
En skipting þeirra í deildir er mjög örðug vegna skorts á kennslu-
útbúnaði.
Námsgreinar hafa verið og eru íslenzka, danska, enska, reikn-
ingur, kristinfræði, Islandssaga, mannkynssaga, þjóðfélagsfræði,
dýrafræði, grasafræði, landafræði, eðlisfræði, bókfærsla, vélritun,
teiknun, skrift, söngur, leikfimi, sund, handavinna og föndur. Ein
af merkari nýjungunum í kennslu síðari árin er vélritun, sem hér
hefur verið kennd frá því 1957. Um skeið var hér kennd bún-
aðarfræði eða ágrip af búnaðarsögu, en var lögð niður eftir
nokkur ár, þar sem stundaskrá þótti ofskipuð.
Kennsla hefst á hverjum morgni laust fyrir kl. 8 og eru kenndar
6-8 stundir daglega í hverjum bekk, nema á laugardögum, þegar
aðeins eru 5 kennslustundir og lokið fyrir hádegisverð. Reglan er
sú, að allri kennslu sé lokið fyrir síðdegiskaffi laust fyrir hálf
fjögur. Undantekningar eru þó frá þessu, og kemur stundum sund-
kennsla eftir síðdegishressingu. Útivistarstund fyrir alla nemendur,
sem heilir eru heilsu, er frá’kl. rúmiega hálf fjögur til hálf fimm.
Fastar lestrarstundir eru frá kl. hálf fimm til sjö sex daga vik-
unnar og auk þess milli kl. átta og níu fjögur kvöld vikunnar.
Nemendur skiptast á um að lesa á vistum sínum og í kennslu-
stofunum. Kennari á umsjón gengur um og fylgist með, að kyrrð
og næði ríki í lestrarstundunum.
Oft eru haldin skyndipróf í einstökum námsgreinum. Þá hefur
verið venja að hafa próf í tungumálum og reikningi síðustu dag-
ana fyrir jólaleyfi. Miðsvetrarpróf í öllum bóklegum greinum er
að vanda haldið í febrúarmánuði. Vorprófum í 1. og 2. bekk lýk-
ur í apríllok, og hverfa þá nemendur þeirra bekkja úr skólanum
og halda heim. Um það leyti hefst upplestrarleyfi hjá nemendum
3. bekkjar. Gagnfræðapróf og landspróf byrja venjulega undir
miðjan maí og lýkur síðast í þeim mánuði.
52
Goðasteinn