Goðasteinn - 01.09.1964, Síða 59

Árið 1955 var stofnaður sjóður við skólann af ágóða af sölu
jólakorta og skólamerkis og fieiru. Nefnist hann fegrunarsjóður
Skógaskóla, og er tilgangur hans í samræmi við nafnið. Hefur
sjóðurinn þegar keypt nokkur málverk, allmargar eftirprentanir
málverka og fleira til augnayndis.
EKKI ERU ALLAR FERÐIR TIL FJÁR
Oddur Sveinsson í Skógum var háseti hjá Jóni Hjörleifssyni í
Eystri-Skógum. Jón sótti sjó af kappi. Svo fannst Tómasi föður
Sigríðar á Hrútafelli, er hann hitti síðbúna sjómenn og sagði:
„Þið eruð ekki orðnir svo gamlir, þið hafið ekki heyrt það. Hann
Jón Hjörleifsson var kominn út á Langeiði í dögun“. Otræði var
þá í fjörunni framan við Holtsós, Langeiði, sem þá var nefnd.
Oddur í Skógum sá mann ríða þjóðgötu frammi á Skógasandi
og hverfa vestur fyrir núpinn. Þetta var seint á vetri um nónbilið.
Oddur hélt, að þar færi Jón í Skógum á leið til sjávar, þótt ræði
virtist óvænlegt. Tygjaði hann sig og fór í hámót á eftir mann-
inum, sem var langferðamaður. Sr. Kjartan orti um þessa fýluferð:
Oddur eltir öll flón
af hræðslu við Jón.
Hans er dauf og súr sjón,
að sjá þann ríða um frón.
Innileg mín er bón
að hann setji upp rétt gón
úr því komið er nón.
Goðasteinn
57