Fjarðarfréttir - 04.07.2024, Blaðsíða 15

www.fjardarfrettir.is 15FJARÐARFRÉTTIR | FIMMTUDAGUR 4. JÚLÍ 2024
Nýr tækniskóli rís við Flens borgar­
höfn í Hafnarfirði. Stjórnvöld, Hafnar­
fjarðarbær og Tækniskólinn undir­
rituðu skuldbindandi samkomulag þess
efnis sl. fimmtudag á Norður bakkanum.
Næstu skref eru undirbúningur
hönnunar og framkvæmdar með áætluð
verklok haustið 2029.
27 MILLJARÐA KRÓNA
KOSTNAÐUR
Fyrirhuguð er 30.000 fermetra bygg­
ing sem rúmar um 3.000 nemendur á
hafnarsvæðinu. Framkvæmdin verður í
tveimur áföngum, í fyrri áfanga er
byggð um 24.000 m2 bygging og í
seinni áfanga um 6.000 m2 viðbót. Þá
er gert ráð fyrir frekari stækkunar­
möguleikum á lóðinni í framtíðinni.
Áætlaður heildarkostnaður er 27
milljarðar kr.
Tækniskólinn mun stofna dótturfélag
Skólastræti Tækniskólans ehf. sem
mun starfa til almannaheilla. Mun
félagið standa fyrir byggingunni og
rekstri og leigja Tækniskólanum
húsnæðið. Á það að hafa yfir að ráða
a.m.k. 20% af stofnkostnaði fram­
kvæmdanna í eigið fé. Framkvæmdirnar
verða fjármagnaðar með 80% láni til 45
ára með veði í byggingunni.
HAFNARFJARÐARBÆR
LEGGUR TIL 4,4 MILLJARÐA
Hafnarfjarðarbær skuldbindur sig til
að leggja Skólastræti til 80% af
eiginfjárframlaginu í formi lóðar án
kvaða skv. staðfestu lóðarblaði. Er það
um 4,4 milljarðar kr. á verðlagi í janúar
2023. Samkomulag er um að eignarhald
á húsnæðinu og öðrum búnaði verði
80% í eigu ríkisins, 16% í eigu
Hafnarfjarðarbæjar og 4% í eigu
Skólastrætis eða hluthafa þess þegar
félagið hefur greitt upp þau lán sem
verða tekinn vegna framkvæmdanna.
KOSTNAÐUR GÆTI ORÐIÐ
MEIRI
Stefni endanlegur kostnaður fram úr
áætlun fram að leigutíma skulu forsendur
byggingarinnar endurmetnar og leitast
við að skala verkefnið niður. Reynist
kosntaður á framkvæmda tímanum samt
sem áður umfram áætlun er hægt að óska
eftir viðbótarframlögum frá Hafnar­
fjarðar bæ og Skólastræti í formi aukn­
ingar á eigin fé sem nemur 20% af
umframkostnaði en 80% verði fjármagn­
að með lántöku.
Hafnarfjarðar hefur þegar gert
samning um kaup á 2.457 m² lóð,
Fornubúðir 1, ásamt húsnæði sem á að
rífa fyrir 435 milljónir kr.
Aðrar lóðir sem eru á svæði sem
fyrirhugað er að skólinn rísi á er
Fornubúðir 3, þar sem Fiskmarkaðurinn
var, Óseyrarbraut 2, þar sem Kænan er,
Óseyrarbraut 4 þar sem hafnarskrif­
stofurnar eru, Cuxhavengata 2 þar sem
hafnarvogin er, Óseyrarbraut 6 þar sem
Vörubretti er, Cuxhavengata 1 með 5
hæða húsi þar sem fjölmörg fyrirtæki
eru, Cuxhavengata 3 með vöruskemmu
og jafnvel fleiri.
„Þessi undirskrift hér í dag er risa-
vaxið skref í eflingu verk- og starfsnáms,
núna er loksins hægt að koma fram-
kvæmdum af stað. Þetta hefur verið for-
gangsmál mitt sem mennta mála ráðherra
og ríkisstjórnarinnar á þessu kjörtímabili
og er mikið gleðiefni að sjá enn einn
áfangann á þeirri vegferð verða að
veruleika. Eftirspurnin er til staðar, bæði
meðal nemenda og atvinnulífsins og því
ánægjulegt að við stígum þetta
mikilvæga skref nú saman til að mæta
þessari þörf,“ sagði Ásmundur Einar
Daðason, mennta- og barnamálaráð-
herra í tilkynningu.
ÚR ÁTTA BYGGINGUM
Núverandi húsnæði Tækniskólans er
komið til ára sinna en í dag fer starfsemi
skólans fram í átta byggingum á fimm
stöðum á höfuðborgarsvæðinu. Bygg ing
nýs Tækniskóla markar umbyltingu í
aðstöðu til iðn­, starfs­ og tæknináms á
höfuðborgarsvæðinu og er liður í
aðgerðum stjórnvalda til að auka veg
þess á Íslandi. Segir í tilkynningu að
markmiðið sé að efla námið og aðstöðu,
koma allri starfseminni fyrir á einum
stað, bregðast við aukinni eftirspurn eftir
náminu og mæta þörfum atvinnu lífsins.
Nýr Tækniskóli á að rísa í Hafnarfirði og
verða tilbúinn árið 2029
Hafnarfjarðarbær skuldbindur sig til að leggja til 4,4 milljarða í formið lóða og niðurfellinga gjalda
Lóð Vörubretta og Cuxhavengata 1 og 3.
Frá undirritun samkomulagsins. Frá vinstri: Egill Jónsson, formaður stjórnar
Tækniskólans, Hildur Ingvarsdóttir, skólameistari Tækniskólans, Rósa
Guðbjartsdóttir, bæjarstjóri Hafnarfjarðarbæjar, Bjarni Benediktsson
forsætisráðherra, Ásmundur Einar Daðason, mennta- og barnamálaráðherra,
og Sigurður Ingi Jóhannsson, fjármála- og efnahagsráðherra.
Byggingin næst er hafnarskrifstofan, þar fyrir aftan er Fornubúðir 1 sem
Hafnarfjarðarbær hefur samið um kaup á og svo er lóð Kænunnar.
Fyrirhuguð staðsetning Tækniskólans á hafnarsvæðinu við Cuxhavengötu,
Fornubúðir og Óseyrarbraut skv. drögum frá 2001 en skv. heimildum
Fjarðarfrétta nær svæðið alveg að Óseyrarbraut.
Auglýsingar
sími 896 4613 | gudni@fjardarfrettir.is
Náðu til Hafnfirðinga!