Goðasteinn - 01.09.2008, Blaðsíða 240

Goðasteinn 2008
bráðkvaddur á heimili sínu hinn 14. maí 2007. Útför hans var gerð frá
Sr. Guðbjörg Arnardóttir
Ormheiður Sverrisdóttir frá Hjallanesi
Ormheiður Sverrisdóttir sem ævinlega var
nefnd Heiða var Skaftfellingur að ætt og
uppruna, f. 30. nóvember 1916 í Kaldrananesi
í Mýrdal, dóttir hjónanna þar, Sverris
Ormssonar og Halldóru Einarsdóttur. Hún var
yngst þriggja systkina sem lifðu og komust á
fullorðinsár, þeirra Vilborgar og Einars.
Heiða ólst upp í foreldrahúsum ásamt
systkinum sínum tveimur. Uppvöxtur þeirra
systkina bar svip þeirrar lífsbaráttu sem á þeim tíma var hlutskipti
íslenskrar alþýðu í sveitum landsins. Vinna tók við hverjum og einum
jafnsnemma og vettlingi varð valdið og ekki skorti Heiðu dugnað og
skyldurækni og það varð hennar hlutskipti eins og fjölda manna og
kvenna að vinna hörðum höndum í skóla lífsins. Þar skilaði hún milclu
og gæfuríku dagsverki.
Þann 25. maí 1941 gekk hún að eiga eiginmann sinn, Helga Jónsson
frá Skeiðflöt í Mýrdal en hann var fæddur 9. sept. 1910. Sama ár
keyptu þau jörðina Fagurhól í Landeyjum og hófu þar búskap. Þar
fæddust þeim synimir þrír, þeir Halldór, Ólafur Kristján og Jón.
Þeim hjónum búnaðist vel í Fagurhól þótt jörðin væri ekki stór og
stóðu samhent og áhugasöm að því að byggja upp og rækta jörðina og
að uppeldi sonanna. Og sannarlega var Heiða bóndi og bústólpi með
manni sínum, hún var húsmóðirin sem vaknaði fyrst og gekk síðast til
hvíldar, sem hlúði að öllum, gróðri og dýrum, börnunum sínum og
fólkinu öllu sem leitaði til hennar og frá henni geislaði góðvildin og
velvildin til allra.
Og framtíðin virtist björt því þarna voru á ferð tvær dugmiklar
238