Landsmál - sep. 1947, Síða 12

TÍMARIT UM LANDSMÁL
nota af fullkomnu ábyrgðarleysi, nema það hafi verið
gert samkv. beinum fyrirskipunum frá yfirboðurum þess,
sem virðist ólíklegt. Við þessar tölur bætist svo gjald-
eyrissala fyrir „duldum greiðslum" til opinberra þarfa
31.4 millj, en gjaldeyrisleyfi er ekki veitt fyrir. Um slíkt
var Viðskiptaráði að sjálfsögðu kunnugt.
Á þessu ári, frá 1. janúar til 9. ágúst, samkv. skýrslu
Fjárhagsráðs, hafa umræddar tvær stofnanir gefið út ný
gjaldeyris- og innflutningsleyfi og framlengt samskonar
eldri leyfum fyrir samtals 367.7 millj. kr., en auk þess
gefið út gjaldeyrisleyfi fyrir „duldum greiðslum" (skipa-
leigur, ferðakostnaður o. fl.) fyrir 73.7 millj. kr. eða
samtals 441 millj. kr. fyrra helming ársins. Þetta er gert
þrátt fyrir það, að í byrjun ársins var sýnilegt, að alvar-
leg gjaldeyriskreppa var framundan. Enda kom hún fyrir-
varalítið á fyrsta fjórðungi ársins. Fullyrt er, að Lands-
bankinn hafi oftar en einu sinni aðvarað rétta aðila á
síðastliðnu ári út af hinni miklu gjaldeyriseyðslu. En
það er líkast því, sem þeim mönnum hafi ekki verið sjálf-
rátt, er þessi mál höfðu með höndum, svo ógæfusamlega
hefir þeim verið stjórnað.
Nýbyggingarráð hefir endurnýjað og gefið út ný inn-
flutnings- og gjaldeyrisleyfi fyrir 118.7 millj. kr. það
sem af er þessu ári. En samkv. upplýsingum Fjárhags-
ráðs hefir Nýbyggingarráð gefið út leyfi (á þessu ári)
fyrir 49.5 millj kr. umfram þann gjaldeyri, sem það hafði
til umráða. Þetta er gert á þeim tíma, sem Nýbyggingar-
ráð veit að gjaldeyrir þjóðarinnar er til þurrðar genginn,
og verður því að telja ráðstöfun þessa svo ábyrgðarlausa,
að slíks munu fá dæmi.
Það bætir ekkert málstað ráðsins. þótt lagafyrirmæli
séu fyrir hendi um það, að 15% af útflutningnum skyldi
bætt í nýbyggingarsjóðinn. Þetta hafði ekki reynst mögu-
legt að gera og gjaldeyririnn var því ekki fyrir hendi.
Þetta var ráðinu kunnugt.
Eins og nú horfir er útlit fyrir að útflutningur þessa
12