Fróðskaparrit - 01.01.1979, Síða 10

18
Ferðsluóhapp sum almannafyribrigdi
Jørgensen 1976), meðan miðaltíðin upp á hvønn sjúkling er
nakað minni her hjá okkum. Útreiðslurnar til sjúkrahúsvistina
vóru kr. 491.905. Verður hetta umroknað til 130 fólk, verða
tað um leið 710.500. Samanlagt verða útreiðslurnar til við-
gerð sostatt um kr. 720.500 um árið.
Viðvíkjandi útreiðslunum undir 2. petti hava vit einki tal
fyri almannaveitingar, men tryggingarpeningurin fyri fólka-
skaðar av ferðsluskaða var í 1978 um kr. 600.000.
At enda kemur undir 3. petti arbeiðsmissurin, sum sam-
felagið hevur verið fyri av ferðsluskaða. Fyrst eru tað tey,
ið hava fingið lítlan skaða. Her er tann mista arbeiðstíðin ikki
long, tí helmingurin er yngri enn 17 ár. Meta vit, at øll hini
vóru í lønandi vinnu, og at í miðal varð mist 1 vika, so verður
missurin (um vit rokna við arbeiðsmannaløn, um 1200 kr. um
vikuna) umleið kr. 100.000. Lønarmissurin hjá teimum 90, sum
vórðu innløgd á Landssjúkrahúsið í 1978, er við gjøgnum-
gongd, útroknaður til um 210.000 kr., um tey fingu arbeiðs-
mannaløn, og um øll grøddust á besta hátt. Tað hevur enn ikki
verið gjørd nøkur eftirkanning at vita, hvussu tað í veruleik-
anum er gingið. Um nakar fekk varandi mein ella gjørdist av-
lamin, vita vit ikki enn. Rokna vit hetta talið um til 130 fólk,
fáa vit umleið kr. 303.000.
Talið á deyðum hevur seinastu árini verið um 5. Útreiðslan
hjá samfelagnum verður her tað mista arbeiðið (framleiðslan).
Meta vit miðalaldurin til 25—30 ár (og hetta eru yvirhøvur
annars frísk fólk), so verður her ein missur upp á eini 40
virkisár fyri hvørt fólk. Rokna vit við arbeiðslønini í 1978,
um kr. 60.000, so verður missurin um leið kr. 12.000.000.
Fyri tey, sum møguliga gerast avlamin, hava vit ikki enn nøkur
tøl, og her er eisini neyðugt at telja gjøgnum fleiri ár, tí tølini
í sjálvum sær eru so smá. Her verður, um tað er fult av-
lamni, talan um mist arbeiðsár og um almannaveitingar, so
samfelagsútreiðslurnar fyri hvørt mist arbeiðsár fyri hvørt
fólk kunnu metast til umleið kr. 100.000.
Samanlagt fáa vit eitt tal upp í móti 14 mill. kr. Tá er einki
tikið við av almannaveitingum og ikki roknað við nøkrum
avlamnum, so hetta er ein minstameting.