Fróðskaparrit - 01.01.1979, Blaðsíða 42

Sinnissjúkur í Føroyum
Høgni Djurbuus og August G. Wang
Ta5 hevur altíð ljóSað, at talið á sinnissjúkum fólki í Før-
oyum hevur verið væl hægri enn í Danmørk (1. talva). Tølini
á 1. talvu eru yvir øll tey sinnissjúku eitt ávíst tíðarbil (præ-
valens). J. R. Hiibertz hevur funnið fram til tey tølini, hann
hevur eftir heimildum frá læknum og øðrum embætismonnum,
serliga prestunum. Tølini frá A. Berg og J. Zachariassen og úr
Sundhedsstyrelsens ársberetning 1950 eru metingar. R. K. Ras-
mussen hevur funnið fram tøl fyri alt landið út frá neyvari upp-
teljing í Eiðis og Vága læknadømi. Eisini aðrir rithøvundar
(Strømgren 1976) nevna sama ójavna viðvíkjandi sinnissjúk-
uni psychosis maniodepressiva. Annars hava fleiri rithøvundar
gjørt samanberingar millum talið á sinnissjúkum t. d. í ymsum
tíðarskeiðum og ymsum londum (Goldhamer 1953, Helgason
1964). Goldhamer hevur funnið, at í Eysturamerika er talið
á nýinnløgdum sinnissjúkum (first admissions) mest sum tað
sama gjøgnum umleið 100 ár, tó á okkara døgum heldur fleiri
kvinnur og eldri fólk. Helgason hevur funnið, at talið á sinnis-
sjúkum (prævalens) á Islandi og í Danmørk er tað sama. Á
Landssjúkrahúsinum varð seinast í 1960-árunum sett á stovn
sálarsjúkudeild, sum varð víðkað til 80 seingjarløg í 1974.
Henda deild er tann einasta av sínum slagi í Føroyum, og er
tað tí væntandi, at mest sum øll fólk við sinnissjúkum (psyk-
osum) verða innløgd á deildina. Hagtøl deildarinnar styðja
ikki omanfyri nevnda um sinnissjúkur í Føroyum, heldur
tvørturímóti. Vit hava tí hildið, at tað hevði verið áhugavert
at lýsa hetta nærri.