Fróðskaparrit - 01.01.1979, Side 43
Sinnissjúkur í Føroyum
51
1. talva.
Sinnissjúk
J. R. Hiibertz .....................
J. R. Hubertz ......................
A. Berg ............................
J. Zachariasen .....................
Sundhedsstyrelsens arsberetning .. . .
R. K. Rasmussen ....................
Føroyar Danmørk
1839—41 2 °/oo 1 °/oo
1847 3,3 °/oo 1,5 °/oo
1862—69 3,3 °/oo
1934 5 °/oo
1950 2,5 »/oo
1952 3,3—5,2 °/oo
Tilfar og kanningarlag.
Tilfarið er fingið til vega gjøgnum Institut for psykiatrisk
demografi í Risskov, Árhus. Hesin stovnur savnar saman hag-
frøðiligar upplýsingar frá øllum sálarsjúkudeildum í ríkinum.
Tey flestu tølini eru fyri frá 1.4.75 til 31.12.77 og lýsa inn-
leggingarnar á sálarsjúkudeildina á Landssjúkrahúsinum fyri
seg og allar sálarsjúkudeildir í Danmørk fyri seg. Nøkur tøl
hiðani eru tó frá 1.4.70 til 31.12.77. Burtur úr hesum tilfari
hava vit tikið teir sjúklingar, sum við fyrstu innlegging hava
fingið sjúkuavgerðirnar schizophrenia, psychosis maniodepress-
iva, psychosis reactiva og ógreiniligar (ikki bólkaðar) psyk-
osur. Soleiðis eru øll sinnissjúk innløgd fyrstu ferð tikin við
uttan tey við likamssjúku sum høvuðsorsøk til sinnissjúkuna.
Hugsast kann, at sjúkuavgerðarhátturin er ymiskur í Føroyum
og Danmørk, soleiðis at hesar nevndu sjúkuavgerðir (dia-
gnosur) eru annarleiðis nýttar her í mun til aðrar sálarsjúku-
avgerðir. Men lutfallið millum hesi bæði sløgini av sjúkuav-
gerðum er tað sama í Føroyum og Danmørk. Lutfallið millum
nýinnlagdar sjúklingar við sinnissjúkum og allar nýinnlagdar
sjúklingar er fyri Føroyar 1/3,2 og fyri Danmørk 1/3,4. Ein
onnur fyritreyt fyri samanbering er, at eins nógv av teimum
sinnissjúku verða innløgd í Føroyum og Danmørk á sálarsjúku-
deild. Læknaútbúgvingin er tann sama og ávísingarsiðurin tann
sami. Eisini er seingjatalið í mun til fólkatalið í tí nevnda
tíðarskeiði mest sum tað sama í Føroyum og Danmørk (um-
leið 2 %o av fólkatalinum). Hetta tilfarið er bólkað eftir
sjúkuavgerð, aldri og kyni, og síðan viðgjørt.