Fróðskaparrit - 01.01.1979, Side 46

54
Sinnissjúkur í Føroyum
4. talva. Nýkomnir kvinnuligir sjúklingar í Føroyum frá 1.4.70 til 31.12.
77 bólkaðir eftir aldursbólki. 1 klombrum donsk tøl umroknað til okkara
viðurskifti.
Aldursbólkur Tal
0—14 0 ( 0)
15—29 28 ( 21,4)
30—39 12 ( 21,1)
40—49 12 ( 19,8)
50—59 15 ( 24,5)
60—69 14 ( 21,5)
70—79 5 ( 14,9)
80— 2 ( 3,9)
Saman 88 (127,1)
verða samborin við samsvarandi tøl úr øðrum londum (her
Danmørk). Tað skal tó viðmerkjast, at tølini hjá R. K. Ras-
mussen eru gjørd fyri at meta um tørvin á seingjarløgum til
sálarsjúk, og tí bert siga hvussu mongum tørvar innlegging.
Incidenskanningar hava tann fyrimun, at møguligar broyt-
ingar síggjast skjótari enn við prævalenskanningum (tá talan
er um varandi sjúkur). Ikki er full vissa fyri, at incidensur
svarar til innløgd fyrstu ferð. Summir rithøvundar halda, at
sjúklingar við nýkomnari skizofreni altíð verða innlagdir, men
at tað er ikki vist fyri aðrar sinnissjúkur (Bland 1977). Møgu-
leiki er tí fyri, at ikki øll tey sinnissjúku koma á sjúkrahús; tí
er tað ein spurningur, um tann ávísti munurin kemur av, at
fleiri sinnissjúk ganga heima her enn í Danmørk. Løgið er tað
tó, um so skuldi verið, at hetta bert er galdandi fyri kvinnur.
Framhaldandi kanningar í samarbeiði við Institut for psyki-
atrisk demografi fara møguliga at geva eina greiðari mynd.
Samanumtikið er ávístur møguligur munur, soleiðis at í Før-
oyum eru færri sinnissjúk. Spurningurin er, hví munurin mest
sum bert er millum kvinnurnar oman fyri tríati. Annaðhvørt
eru tað færri sum gerast sinnissjúk í Føroyum ella fleiri í Dan-
mark. Sum áður nevnt má ein hugsa sær umhvørvismun. Tær
stóru broytingarnar í samfelagnum eru komnar fyrr til Dan-
markar, í húskis- og arbeiðsmynstri, serliga kvinnum viðvíkj-