Fróðskaparrit - 01.01.1979, Page 118
126
Fyriskipanin frá 3.5.1723 um handil í Føroyum
handlunum, var minni fyri egna rokning enn teirra, ið hand-
ilin skuldu festa. Tá ið uppboðið bar ikki ávøkst, fóru bæði
í gloymsku.
Føroysku sendimenninir høvdu okkurt heim við sær aftur
(so leingi tað vardi), hóast tað valla hevur verið væl fagnað
av øllum. Um frá verða tiknar tær óhepnu avleiðingarnar fyri
tey fátæku, er úrslitið at meta frægari enn tað, ið væntandi
var við teim tvørleikum, handilin hevði at dragast við. Er
lítandi á tað sum Worm sigur, hevur umsóknarbrævið frá
Hanus Jóanssyni gjørt munin, har sum hann sigur seg nøgdan
við 4 fl fyri vágina. Høvdu sendimenninir ikki samst um hetta
tá, varð avgerð um taksthækkan neyvan tikin.
VIÐMERKINGAR
1: Christoffer Gabel (1616—73). Fær 1654 lensbræv um vissar og óvissar
inntøkur av Føroyum. Var tætt knýttur at Fríðriki III og var uppií,
tá ið einaveldið varð sett á stovn 1660. Rentumeistari og limur i
Statskollegiet 1660. Frásettur 1670.
Frederik Gabel (—1708). Sonur Christoffer Gabel. Varalandsstjóri i
Noregi 1699.
2: Eisini undir ríkinum fór nakað av hosunum til Flálands, men eisini
vórðu tær sendar til týskar Eystarasaltsbýir og til Svøríkis. Eisim
tóku herur og floti fittliga stórar nøgdir. »Reviderede regnskaber
(Erslev gruppe 21)«. Regnskab for den færøske handel til og fra landet.
3: Nakrir av limunum kundu vóna at fáa handilin.
4: 1 fl (gyllin) á 20 skinn var ein føroysk peningahædd, sum aldri varð
sligin til mynt. Hann samsvaraði umroknaður 80 skillingum. Um før-
oyingar skuldu hava mynt í handilsbúðini, samsvaraði 1 fl bert einum
fýramarkastykki. 1 vág = 36 pund.
5: Tilmælið er frá 15.10.1714, úrskurður frá 29.10.1714 (Rentukamarið
(Rtk) 2211.64).
6: Fløtið skuldi fara upp úr 1 fl 10 skinn til 2 fl 5 skinn fyri vágina,
lýsið skuldi fara upp úr 5 fl 14 skinn til 7 fl fyri tunnuna.
7: Hetta varð gjørt í brævi frá rentukamarinum til landfútan 12.6.1715
Rtk 372.5).
8. Sama stað sum í viðm. 2.
9: 14.7.1718 (Rtk 371.6). Frumskjalið á Føroya landsskjalasavni.
10: Peter Raben (um 1661—1727). Varaadmirálur 1710, admirálur 1714.
Stiftsyvirmaður yvir Islandi og Føroyum 1720—27.