Fróðskaparrit - 01.01.1983, Qupperneq 10

UM IKKI AT FLYTA ANNAN FÓTIN...
13
nóg stórari ritgerð at lata felagnum. Henda
nýggja røð hevur fingið navnið SUPPLE-
MENTA (við framhaldandi nr.), og pen-
ingaliga støði undir hvørjum supplementum
ætlar nevndin um gjørligt at hjálpa høvund-
unum við á tann hátt, at felagið gevur við-
mæli ella beinleiðis vendir sær við umsókn
um peningastuðul til ymsar grunnar í ríkin-
um, sum styðja vísindalig endamál og útgáv-
ur. Hesar ritgerðir kunna vera á útlendskum
máli, men eiga at hava føroyskt úrtak.«
Fyrsta bók í hesi røð var doktararitgerðin
hjá H.D. Joensen, sum kom út í 1954. Til-
samans hevur felagið skipað fyri útgávu av 8
bókum í røðini Supplementa, av teimum eru 4
doktararitgerðir.
Onnur rit
Umframt Fróðskaparrit og røðina Supple-
menta hevur felagið staðið fyri útgávuni av
bckum, sum eru útgivnar stakar. Hvørjar
tær eru, sæst á evnisyvirlitinum yvir rit
Fróðskaparfelagsins. Her skulu orðabckur-
nar bert verða nevndar. 2. útgáva av M. A.
Jacobsen og Chr. Matras: Føroysk-donsk
orðabók kom út i 1961, Jóhannes av Skarði:
Donsk-føroysk orðabók kom út í 1967, eyka-
bind til Føroysku-donsku orðabókina, sum
Jóhan Hendrik W. Poulsen stóð fyri, kom út
í 1974. Tær fyrst nevndu orðabøkurnar vórðu
endurprentaðar í 1977, og tá varð prentað eitt
ískoyti upp í ta donsku-føroysku orðabókina.
Umframt orðabøkur hevur felagið eisini givið
út tvær bøkur við orðatilfari, onnur við orðum
úr fyrisitingar- og skrivstovumáli og hin við
orðatilfari úr alisfrøði. Ein ensk-føroysk
orðabók, sum Jóhannes av Skarði stendur
fyri, er farin til prentingar.
Avgreiðsla av ritum felagsins
Til 1958 hevði Føroya Gjaldstova avgreiðsl-
una av Fróðskaparritum um hendur fyri
Mentunargrunnin, men 15. februar 1958 varð
gjørd tann avtala millum felagið og grunnin,
at avgreiðslan av ritunum skuldi latast D. J.
Magnussen, apotekara á Tjaldurs Apoteki,
við tí starvsfólki, sum hann hevði. Tað kom
serliga at vera Jákup Haraldsen, sum tók sær
av avgreiðsluni. Jákup Haraldsen hevði eisini
avgreiðsluna av Supplementa um hendur, og
hann útvegaði ritinum fleiri haldarar og keyp-
arar til Supplementa. í 1977 tók felagið
sjálvt avgreiðsluna av Fróðskaparritum og
Supplementa.
í 1971 gjørdi felagið sáttmála við E. J.
Thomsen, heilsølumann, um umboðssølu av
øllum bókum felagsins uttan Føroysku-
donsku orðabókini, sum aðrir høvdu í um-
boðssølu frammanundan. Sáttmálin við E. J.
Thomsen varð uppsagdur 1.12. 1981. Síðan
tá hevur avgreiðslan av flestum bókum, fel-
agið hevur givið út, verið á setursskrivstovuni.
í hesum sambandi er vert at nevna, at frá
teirri tíðini, Fróðskaparsetrið varð til sum
stovnur, er samtykt um, at felagið skal vera
forlag setursins.
Bókabýti
Sama ár sum 1. bók av Fróðskaparritum
kom út, varð farið undir at fáa bókabýti í lag
við stovnar í øðrum londum fyri Fróðskapar-
rit, seinni eisini Supplementa. Longu í 1955
hevði felagið útvegað 4-5000 bøkur í býti fyri
ritið. Hesar bøkur stóðu ta fyrstu tíðina í
Hans Andriasar stovu og partvíst á Lands-
sjúkrahúsinum; hetta vóru mest læknabøkur.