Morgunblaðið - 14.01.1966, Qupperneq 3
Föstudagur 14. janðar 1966
MORGIJNHLAÐIÐ
3
J3L
„Húsmæðurnar“ — J>ær Hra fnhildur og Sólveig í eldhúsinu.
I búleik í
Ijdsaskiptunum
ÞAÐ var í ljósaskiptunum í
gær, að við áttum leið
um Langholtsveginn. Göturn.-
ar voru forugar og eyðilegar,
og hvergi mann að sjá, enda
var fremur hráslagalegt veð-
ur. En svo skyndilega komum
við auga á f jórar ungar hnát-
ur, sem höfðu hreiðrað um
sig í stórum timburbing fram-
au við eitt húsið. Og þarna
var heldur en ekkj búsældar-
legt um að lítast — því að
þarna höfðu þær raðað upp
pottum og pönnum, skeiðum,
göflum og hnífum, og loks
greindum við þarna þessa líka
forláta eldavél. Og þar með
var forvitni okkar vakin, svo
að við gengum til þeirra, og
spurðum þær, hvað þær að-
hefðust.
— Hvað eruð þið að gera,
stelpur? spurðum við svo,
þegar við höfðum horft á leik
þeirra dágóða stund.
— Við erum í búleik, svör-
uðu þær, og héldu áfram leik
sínum óáreittar.
— Og hvað gerið þið í hon-
um?
— Hvað við gerum? Við
hugsum auðvitað um heimilið,
svöruðu tvær þær elztu, sem
við komumst síðar að hétu
Hrafnhildur og Sólveig.
— Allar fimm?
— Nei, nei, hinar eru börn-
in, og eiga eiginlega að vera
farnar að sofa núna, svarar
Sólveig. Og svo tekur hún á
sig rögg og segir: — Svona
stelpur, farið þið í bólið, og
rekur svo yngri stúlkurnar
þrjár inn í stóra geil, sem er
í timburstaflanum, þær hlýða
möglunarlaust eins og litlum
þægum börnum sæmir.
— Til hveTs eru allar þess-
ar fötur og diskar?
— Fyrir matreiðsluna. Við
erum nýbúnar að borða.
— Og hvað fenguð þið að
borða spyrjum við litlu telp-
urnar þrjár, sem heita Ágústa,.
Sjöfn og Guðmunda.
— Drullumall, s v a r a ð i
Ágústa, og þær hlógu allar
dátt, en hinar tvær eldri
roðnuðu alveg upp í hársræt-
urnar.
— Og hvernig bragðaðist
það?
— Fínt, svaraði Ágústa aft-
ur og hló, en Sólveig sagði
með vandlætingarsvip: — Auð
vitað borðuðum við hana
ekki, — haldið þið að maður
viti ekki að hún er óholl.
— Jæja, stúlkur, en hvar
eru húsbændurnir?
— Við eigum enga karla,
svaraði Sólveig, og höfum
heldur ekkert við þá að gera.
Að svo mæltu kvöddum við
þær stöllur og héldum á
braut, en stúlkurnar fimm
héldu áfram leik sínum eins
og ekkert hefði í skorizt.
SUKSIflM
Býður Alþýðubanda-
lagið fram?
Þótt nú séu aðeins rúmir f jórir
mánuðir til sveitastjórnakosn-
inga, er enn allt á huldu um það,
hvort einn þeirra stjórnmála-
flokka, sem bauð fram til sáð-
ustu sveitastjórnakosninga, býð-
ur fram nú við þær sveitastjórna-
kosninigar, sem í hönd fara. Er
hér um að ræða Alþýðubanda-
lagið ,en svo sem kunnugt er,
hafa miklar deilur og hörð átök
staðið innan þeirra stjórnmála-
samtaka nú í nokkur ár, og er nú
svo komið að fullkomin óvissa er
ríkjandi um það, hvort það sam-
starf, sem staðið hefur með
Sósialistaflokknum og Málfunida-
félagi jafnaðarmanna innan Al-
þýðubandalagsins helzt, eðia
hvort til klofnings kemur milli
þessa aðila nú í vetur. Nú um
nokkurt skeið hafa tilraunir stað-
ið yfir til þess að ná samkomu-
lagi um stofmun Alþýðubanda-
lagsfélags í Reykjavík, sem gæti
orðið grundvöllur að sameigin-
legu framboði þessara aðila við
borgarstjórnarkosningarnar x voor,
en þær tilraunir hafa enn sem
komið er engan árangur borið
svo vitað sé. Sá möguleiki ear því
fullkomlega fyrir hendi, að Sósí-
alistaflokkurinn sem slíkur birt-
ist sem aðili að framboðum í
kosningunum í vor, og að þeir
sem staðið hafa að Málfundafé-
lagi jafnaðarmanna bjóði annað-
hvort fram sérstaklega eða bjóði
alls ekki fram, þar sem þeir
telja, að þeir muni eiga eftir víg-
stöðu til sérstaks framboðs í al-
þingiskosningunum, sem fram
eiga að fara vorið 1967.
Sósíalistaflokkurinn
sundraður
Fari hinsvegar svo, að Sósáal-
istaflokkurinn bjóði nú fram við
kosningarnar í vor, má telja lák-
legt, að nokkur hópur áhrifa-
mikilla aðila innan hans, þar á
meðal nokkrir helztu forustu-
menn verkalýðshreyfingarinmar,
telji sér ekki fært að taka virkan
þátt í þeim framboðum, og fáizt
ekki til .að veita Sósíalista-
flokknum verulegan stuðning. Er
þvi eins hægt að búast við því,
að hugsanlegt framboð af hálfu
Sósíalistaflokksins verði fyrst og
fremst á vegum harðsvíraðra
Moskvukommúnista, sem hingað
til hafa staðið í vegi fyrir öllum
samningum um stofniun Alþýðu-
bandalagsfélags > Reykjavík.
Þessi mál munu ráðast á næstu
vikum og mánuðum, og skal
engu um það spáð hver endanleg
niðurstaða verður, en eins ©g
málin standa í dag, eru ekki
frekar líkur til þess að samkomu-
lag náizt.
Átök innan Fram-
sóknarflokksins
Eni kommúnistar eru ekki þeir
einu sem í erfiðleikum eiga í
sambandi við sveitastjórnarkosn-
ingarnar. Vitað er, að hörð átök
standa um framboðslista Fnam-
sóknarflokksins í Reykjavík, og
meðal annars var tilgangurinn
með því upphlaupi, sem varð á
aðalfundi ungliðasamtaka Fram-
sóknarflokksins í haust, að
styrkja aðstöðu hinna svonefndu
vinstri manna innan Framsókn-
arflokksints til þess að hafa áhrif
á framboð flokksins við borgar-
stjórnarkosningar hér í Reykja-
vík í vor. Þeir menn, sem þar
voru að verki munu hyggja á
nokkrar breytingar á framboðs-
listanum, en úrslit átakanna í
haust urðu á þann, veg, að þeir
náðu ekki því markmiði sem þeir
stefndu að. Fullvíst er hinsvegar,
að þeir munu ekki gefast upp
baráttulaust, og eru því fram-
undan innan Framsóknarflokks-
ins hörð átök milli hinna tveggja
arma flokksins, um framboðslist-
ann í vor.