Morgunblaðið - 25.04.1981, Blaðsíða 13

MORGUNBLAÐIÐ, LAUGARDAGUR 25. APRIL 1981
13
„Kræsingarnar komnar á diskana. búið að ljósmvnda þær og þá er
bara að setjast niður og borða,“ segja hjónin Elín Káradóttir og
Ililmar Jónsson, útgefendur gestgjafans. Ljósmynd Mbl. Emilía
Björg.
blað, eins og eðlilegt er, en það
lagast vonandi. Þó verður mað-
ur að gæta þess að ganga ekki
of langt í þeim efnum. Það
veltur svo auðvitað mikið á því
að sem flest eintök seljist, en
það eru skattar og tollar, sem
kannski skipta mestu máli.
Okkur er gert að greiða sölu-
skatt af blaðinu, þar sem talið
er að þetta sé eingöngu gert til
að hafa af því hagnað. Við
gerum þetta hins vegar af
áhuga, þó að við reynum auð-
vitað jafnframt að hafa af því
einhvern hagnað. Það mætti
engu að síður líta á þetta blað
sem fræðslurit og þar með væri
það söluskattslaust. Okkur
hefði einnig verið í lófa lagið að
gefa blaðið út í nafni einhvers
félagsskapar og losna þannig
við söluskattinn. Þá er það eitt
óréttlætið, að hér á landi er
fullt af erlendum blöðum, sem
flutt eru inn tollalaus, á meðan
pappírinn í íslenzku blöðunum
er tollaður. Það hlýtur að
skjóta skökku við, að með þessu
er verið að styðja erlenda
blaðaútgáfu og draga úr inn-
lendum iðnaði, því að þegar
málum er svona háttað verður
það til þess að margir leita eftir
prentun erlendis til að komast
hjá pappírstollinum.“
Er það ekki erfitt fyrir ykkur
að gera svona mikið sjálf?
„Bæði og, við gætum ekki
gefið blaðið út, ef við þyrftum
að kaupa að allar myndatökur
og útlitsteikningu með fleiru,
það yrði allt of kostnaðarsamt.
Við höfum komið okkur upp
tækjum til að vinna allt sem við
gerum sjálf og höfum verið að
prófa okkur áfram og það hefur
bara gengið vel. Ég hef unnið
mikið með ljósmyndurum við
myndatökur á mat og hef lært
ýmislegt af þeim og hvað varð-
ar uppsetningu blaðsins, þá er
bara að skoða önnur blöð og
prófa sig áfram. Það koma
stundum upp ýmis spaugileg
atvik og oft þarf að svindla
svolítið. Þegar ég var að mynda
humar-souffléið, sem er í blað-
inu núna þurfti ég að hafa
fyllinguna miklu meiri en góðu
hófi gegnir. Það voru því allir á
heimilinu orðnir hundleiðir á
að borða það alla vikuna. Þegar
kaffidrykkir eru myndaðir þarf
maður að setja mjög mikinn
sykur í þá vegna þess að
ljósmyndunin tekur oft svo
óheyrilega langan tíma, en þá
verða þeir jafnframt ódrekk-
andi.
Nú, svo prufum við og stað-
færum allar okkar uppskriftir
og við það er talsverð vinna, en
hún er ákaflega skemmtileg,
því það er alltaf gaman að fást
við matargerð og borða góðan
mat.“
Eruð þið ekkert hrædd um
línurnar innan um allar þessar
kræsingar?
„Nei, við erum ekkert hrædd
um þær, maður þarf alls ekki
að fitna, þó maður borði góðan
mat, svo fremi sem maður borði
sér ekki til óbóta. En menn
verða að gæta þess að vera ekki
sín eigin ruslakista, þá er hætt
við því að línurnar verði anzi
bogadregnar. Ég veit ekki til
þess að það séu fleiri en þrír
feitir kokkar í landinu, svo fita
er greinilega ekkert vandamál
meðal okkar," sagði Hilmar að
lokum.
BÓKMENNTIR I
Laxne^s sviptir ljóman-
um af Islendingasögunum
EINS og kunnugt mun flestum
landsmönnum hefur Halldór
Laxness verið að gefa út æfisögu
sína í áföngum siðustu ár. Nýlega
kom „Sjomeistarasaga" út i
danskri þýðingu Eriks Sönder-
holms og birtist í því tilefni
ritdómur um hókina i danska
biaðinu „Aktuelt“ þann 7. þessa
mánaðar og er þar farið mjög
lofsamlegum orðum um hana.
Hlaðvarpanum hefur borizt
þessi ritdómur og þar segir höf-
undur hans, H. Stenholt Laursen
meðal annars á þessa leið: „Hall-
dór Laxness hefur gefið okkur
bók, sem ekki aðeins er meistara-
verk, heldur einnig gjöf til allra
Dana, sem telja sig deila ást
Islendinga á góðum bókmenntum.
Hér kynnist maður stórsnjallri
frásagnargáfu, þróun skáldsins og
uppruna og umhverfi þess.“
I ritdómnum er æfi Halldórs að
nokkru rakin og sagt frá nokkrum
verka hans og skoðanaskiptum.
Þar er einnig sagt að hann hafi
svipt Islendingasögurnar ljóma
sínum, að hann með stuðningi
nútimarannsókna hafi aflífað goð-
sögnina um Islendingasögurnar,
sem frásögn af atburðum á Islandi
á víkingaöldinni. Að þær séu
skrifaðar á miðöldum og komi
sögulegum sannleika ekkert við og
að hann telji norsku konungana
Ólaf Tryggvason og Harald Hár-
fagra sjóræningja og stigamenn.
Ennfremur segir þar að Halldór
álíti Vínlandskortið fræga vera
falsað.
TVadag 7. apriMMI ■ Afctua* 33
omkring pðsken 1981
UflMlm Incfcyfcranga- Stdata trWt for ndcwmg
Tortdag 16/4 fradagd 10. vrilld. 14
Fradag 17/4 Ucfcommar AKTUELT kka
Lardag 18/4 Mandagd. 13.a|»«U. 11
Sfcndag 19/4 TEKSTSIOEANNONCER Fradagd. 10. «rilU. 14
SMvtog 19/4 RUBRIKANNONCER Fradagd. 10. aprilU. 14
Mandag 20/4 Udkommar AKTUELT kka
Tiradag 21/4 Mandagd 14 apnlkl. 13
Onsdag 22/4 Tradagd. 15. apnlU. 13
Indleveringsfrister
for annoncer i AKTUELT
ALÞJÓÐLEG LÍKNARSTARFSEMI
íslenzkir þátttakendur í
Luxemborgarbasarnum
ÍSLENDINGAR koma víða við í
hinum stóra heimi. Fyrir nokkru
tók ísland þátt i hinum alþjóðlega
basar Luxemborgar, 8. árið í röð og
söfnuðust þar í allt um 1 milljón
islenzkra króna. Þetta var 20.
skiptið, sem þessi basar var haldinn
og voru mikil hátíðahöld i tilefni
þess. Mcðal annars kom þar vcrnd-
ari basarsins, hertogaynjan af Lux-
emborg ásamt tilvonandi tengda-
dóttur sinni.
Basarinn stóð í tvo daga og
söfnuðust alls rúmlega fimm og hálf
milljón belgískra franka, sem mun
vera rúmlega 1 milljón íslenzkra
króna. Stærsti hluti þessarar upp-
hæðar rennur til flóttabarna frá
Eþíópíu og ýmmissa góðgerðastofn-
ana í Luxemborg. Þá er yfirleitt
eitthvað gefið til þeirra landa, sem
taka þátt í basarnum. Til íslands
fara í þetta skiptið tæplega 19
þúsund krónur, sem renna til Öskju-
hlíðarskólans, en þaðan var send
umsókn þess eðlis síðastliðið haust.
Á þessum 20 árum, sem basarinn
hefur verið haldinn hafa alls safnazt
rúmlega 5 milljónir króna og hefur
íslands oftast verið eitt af söluhæstu
löndunum og í þetta . skiptið komu
unt 46 þúsund krónur frá íslenzku
deildinni, sem varð 8. hæst.
Þessi ágóði fæst aðallega af sölu
íslenzkrar ullarvöru, sem er mjög
vinsæl á þessum slóðum, íslenzkrar
síldar og af föndri íslenzkra kvenna i
Luxemborg. Athygli skal vakin á því
að íslenzkar góðgerðastofnanir geta
sótt um styrk til íslandsdeildar
basarsins og mun formaður deildar-
innar, Sólveig Stefánsdóttir, 1 An
Hesselter, Godbrange, Luxemborg,
veita þeim viðtöku.
Deildin vill einnig vekja athygli
f.vrirtækja hér heima fyrir á því, að
allar gjafir til þessa góða málsstaðar'
eru vel þegnar og jafnframt vill hún
koma á frantfæri þakklæti til Elug-
leiða fyrir flutning á vörum þessum
til Luxemborgar.
íslenzki básinn og basarnefndin. Talið frá vinstri: Margrét Ingimars-
dóttir. Bjargey Eyjólfsdóttir. Ólína Jónasdóttir. Sólveig Stefánsdóttir.
Þórhildur Hinriksdóttir, Helga Adólfsdóttir ug Jórunn Ingvarsdóttir.
Ljósmyndir Snorri Leifsson.
Sólveig Stefánsdóttir. formaður íslandsdeildar Luxemborgarbasars-
ins. tilvonandi tengdadóttir hertugans af Luxemborg og hertogaynjan
af Luxemborg. verndari basarsins.