Morgunblaðið - 16.10.1981, Blaðsíða 15

MORGUNBLAÐIÐ, FÖSTUDAGUR 16. OKTÓBER 1981
47
Niels Henning og Philip
Catherine í heimsókn
Tónlist
Birgir ísleifur Gunnarsson
Allt frá því að Niels-Henning
Örsted Pedersen kom hingað fyrst
til að leika í Norræna húsinu
haustið 1977 hefur hann verið eft-
irlætisgoð íslenskra jazz-unnenda.
Nú er hans von í fimmta sinn til
tónleikahalds, en hann og belgíski
gítarleikarinn Philip Catherine
munu halda hér hljómleika á veg-
um Jazz-vakningar n.k. miðviku-
dag 21. október. Af því tilefni hef-
ur Morgunblaðið beðið mig að rita
nokkar línur.
Niels-Henning er fæddur árið
1946 og stundaði nám í píanóleik
um sex ára skeið, en snéri sér síð-
an að bassanum og náði fljótt
mikilli leikni á það hljóðfæri og
var aðeins 14 ára gamall, þegar
hann fór að leika með þekktum
dönskum jazzmönnum. Hann varð
fljótlega þekktur utan Danmerkur
og þegar árið 1962 lék hann með
hinum þekkta bandaríska píanó-
leikara Bud Powell og þ.á m. inn á
fyrstu plötuna, sem öðlaðist al-
þjóðlega viðurkenningu.
Ferill hans hefur síðan verið
óslitin sigurganga. Hann hefur
leikið með fjölda heimsþekktra
listamanna og er eftirsóttur, þar
sem mikið liggur við. Hann hefur
hlotið margskonar viðurkenningu
á alþjóðlegum vettvangi. í ágúst
sl. var hann kjörinn besti bassa-
leikarinn í kosningum gagnrýn-
enda, sem bandaríska tónlistar-
blaðið Down Beat efndi til. Það er
mikil viðurkenning og þar komst
hann í hóp með t.d. trompetleikar-
anum Dizzy Gillespie, fiðluleikar-
anum Stephan Grappelli, gítar-
leikaranum Joe Pass og vibrafón-
leikaranum Milt Jackson, en þess-
ir voru ekki kosnir bestir á sitt
hljóðfæri í þessum sömu kosning-
um.
Niels-Henning kom hingað í
fyrsta sinn haustið 1977 með lönd-
um sínum þeim Axel Riel og Ole
Koch Hansen og héldu þeir eftir-
minnilega tónleika í Norræna-
húsinu. Mörgum er vafalaust t.d.
minnisstætt, hvernig þeir félagar
fóru á kostum í ýmsum dönskum
smálögum, sem þeir höfðu útsett
fyrir jazz-flutning eins og t.d. hús-
ganginn „Det var en lördag aften".
Næst var Niels-Henning hér á
ferð á öndverðu ári 1978 og þá með '
þeim Billy Hart og Philip Cather-
ine. Þeir tónleikar voru með allt
öðru sniði, en mjög ánægjulegir.
Þar voru m.a. flutt eftirminnileg
verk eftir Niels-Henning sjálfan
og má þar t.d. nefna fallegt lag
„My little Anna“.
Tveimur mánuðum seinna stóð
Niels-Henning aftur á sviðinu hér
og nú frammi fyrir 4000 manns í
Laugardalshöll með píanósnill-
ingnum Oscar Peterson. Þegar
verið var að undirbúa Listahátið
1978, höfðu forráðamenn hátíðar-
innar mikinn áhuga á að fá Oscar
Peterson hingað til tónleikahalds.
Ekki ætlaði það að ganga vel, en
þá tókst Hrafni Gunnlaugssyni,
framkvæmdastjóra hátíðarinnar,
að ná tali af Oscari sjálfum í New
York og bar upp erindið. Oscar
sagði: „Allt í lagi, ég skal koma til
Islands með því skilyrði að þið út-
vegið mér þá meðleikara, sem ég
vil, en það eru þeir Niels-Henning
á bassa og Joe Pass á gítar."
Dæmið gekk upp og Oscar Peter-
son kom. Joe Pass veiktist að vísu
á síðustu stundu, en þeir tvímenn-
ingar Oscar og Niels-Henning
slógu i gegn og fagnaðarlátum
ætlaði aldrei að linna.
Á sl. ári kom Niels-Henning enn
og nú með brasilíska píanóleikar-
anum og söngkonunni Tania-
Maria. Enn kom ný útgáfa af tón-
leikum. Margt var þar vel gert.
Niels-Henning sýndi riddaraíega
kurteisi og vildi greinilega ekki
skyggja á konuna. Tónlistin hafði
brasilískan keim og margir muna
vafalaust samleik þeirra í undur-
fallegu brasilísku þjóðlagi „Cas-
inhe Perquenina", sem Tania
Maria hafði útsett.
Og nú kemur hann í fimmta
sinn og að þessu sinni með gítar-
leikaranum Philip Catherine.
Hann er minna þekktur hér á
landi. Hefur þó komið einu sinni
til tónleikahalds eins og fyrr segir.
Hann hefur getið sér heimsnafn
sem gítarleikari og er nú álitinn
besti jassleikari í Evrópu á hljóð-
færi sitt.
Á þessum tónleikum verða þeir
aðeins tveir. Niels-Henning hefur
áður komið fram á slíkum „duo“,
tónleikum með ýmsum góðum
mönnum og nokkrar plötur eru til
með honum í slikum tvíleik. Hann
mun þó aldrei hafa kómið fram
áður á þennan hátt með Philip
Catherine. Ekki er að efa að þeir
eiga eftir að ylja mönnum um
hjartarætur. Niels-Henning er
maður margra, ólíkra stíltegunda
í jazz-listinni. Það sem þó skilar
sér alltaf er hin frábæra tækni
hans, þegar fingurnir þjóta upp og
niður strengina og hinn þýði, fal-
legi tónn, sem enginn getur leikið
eftir. Tónleikarnir á miðvikudag-
inn kemur eru tilhlökkunarefni.
Rasmus
klumpur
og félagar komn-
ir út á íslenzku
BÓKAÚTGÁFAN Örn og Örlygur
hefur gefið út tvær litprentaðar
teiknimyndabækur í bókaflokknum
um Rasmus klump og félaga, nefn-
ast þær Rasmus smíðar skip og
Rasmus klumpur skoðar pýramída.
Höfundar bókanna eru þau Carla og
Vilhelm Hansen en Andrés Indriða-
son þýddi textann á íslensku.
Teiknimyndabækurnar um Rasmus
klump og félaga hafa veitt milljón-
um barna um allan heim ótal
ánægjustundir og mörg íslensk börn
munu kannast við undraveröld þess-
ara yndislegu sakleysingja úr dag-
blöðum og Æskunni þar sem sög-
urnar hafa oft birst sem framhalds-
þættir á undanförnum árum.
Samhliða útgáfu framannefndra
bóka hefur bókaútgáfan einnig sent
á markað litlar gúmmíbrúður af
helstu sögupersónum bókanna og
fást þær í öllum bókabúðum og víð-
ar.
ÖSA
Ef þú gerir kröfur um gæói rijósrítun,
en tekur fá eintök á ári,
er nýja u-bix 90 jjösritunarvélin
fyrir þig
U-BIX 90 notar eina tegund af dufti ('tonerj.
U-BIX 90 Ijósritar á allan venjulegan pappír, einnig þitt eigió bréfsefni.
U-BIX 90 skilar fyrsta afriti efftir 6 sekúntur.
U-BIX90 kostar 28.600- wlf„
&

SKRIFSTOFUVÉLAR H.F.
% + ~ «4? Hverfisgötu 33
Simi 20560