Morgunblaðið - 27.05.1984, Blaðsíða 2
8
2
mt lAw rsaaoAatjvíKrjs.aiaAjaKTjoHOM
MORGUNBLAÐIÐ, SUNNUDAGUR 27. MAÍ 1984
Saratoga Springs 17. júlí:
Ballett eftir
Helga Tómasson
frumsýndur
ÍSLENSKI ballettdansarinn Helgi
Tómasson verður í sviðsljósinu í
Saratoga Springs 17. júlí næstkom-
andi, en þá dansar New York-
dansflokkurinn, sem Helgi er fé-
lagi í, ballett sem Helgi hefur sam-
ið. „Saratoga Springs verður ávallt
ofarlega í huga mínum,“ sagði
Helgi nýlega í samtali við dagblað-
ið Schenectady Gazette og átti þá
við, að umræddan dag eru 10 ár
liðin frá því hann dansaði í fyrsta
skipti með New York-dansflokkn-
um, það var í Coppelíu og á sama
sviði í Saratoga Springs og hinn
nýi dans hans verður nú frumsýnd-
ur.
Þetta er fjórði ballettinn sem
Helgi semur sjálfur og í annað
skiptið sem hann frumsýnir í
Saratoga Springs. I dansi er allt
undir manni sjálfum komið. Ef
sýningin gengur illa kenni ég
sjálfum mér um, en mín fyrstu
viðbrögð þegar ég fór að semja
sjálfur voru: Þetta ræð ég ekkert
við. Það er nefnilega svo mikið
undir dönsurunum og hljóm-
sveitinni komið. Maður verður
að biða og vona að þau séu á
sömu bylgjulengd og maður
sjálfur þegar dansinn varð til.
Mér finnst þetta mjög spenn-
andi, en um framtíðina í þessum
efnum skal ég ekki segja. Ég lifi
einn dag í einu, ef svo mætti að
orði komast. Á hinn bóginn er
það ekkert launungarmál að eft-
ir að ég jafnaði mig á fyrstu
viðbrögðunum þykir mér þetta
mjög spennandi og bjóða upp á
mikla möguleika og útvíkkun
sjóndeildarhringsins. Blaðamað-
ur SG spurði Helga einnig um
hinn nýja ballett. Helgi svaraði:
„Ég get einungis sagt að hann er
klassískur eins og fyrri ballettar
mínir, enda byggðist öll kennsla
mín og þjálfun upp á klassískum
ballett."
Helgi Tómasson
Auglýsingateiknarar
í verkfall 1. júní
ENGINN árangur varó af samn-
ingafundi í kjaradeilu grafískra
teiknara og Sambands íslenskra
auglýsingastofa hjá ríkissáttasemj-
ara á fostudag. Nýr fundur hefur
verið boðaður að morgni 1. júní.
Hafi samningar ekki tekist fyrir
þann tíma kemur til verkfalls aug-
lýsingateiknara kl. 15:15 þann
sama dag. Vegna formgalla á fyrri
boðun verkfaílsins hefst það ekki
fyrr en 1. júní.
Sjúkraþjálfarar, sem vinna við
endurhæfingu hjá Sjálfsbjörgu,
voru einnig á fundi hjá ríkissátta-
semjara.
Kjaradeilu línumanna hjá raf-
veitunum hefur verið vísað til rík-
issáttasemjara. Guðmundur Vign-
ir Jósefsson, vararíkissáttasemj-
ari, kvaðst reikna með að boðað
yrði til samningafundar í byrjun
næstu viku.
Fundi um heildarsamning
vegna vinnu á virkjunarstöðum
var frestað í fyrrakvöld að beiðni
Vinnuveitendasambands íslands.
Nýr fundur verður að líkindum
ákveðinn um miðja næstu viku.
Ljósmynd Ásgeir Long.
Bfll frá Eimskip með gám á Ölfusárbrú.
Selfoss tollhöfn
MEÐ breytingum á lögum á Alþingi
sem gengu í gildi skömmu fyrir þing-
lok er kaupstaðurinn Selfoss gerður
að tollhöfn og hefur Eimskipafélag
íslands nú í undirbúningi að fá sér
umboðsmann á Selfossi, þannig að
upp verði komið vörugeymslu í kaup-
staðnum.
Að staður hafi réttindi tollhafn-
ar merkir að þar megi tollafgreiða
varning. Eimskip skoðaði mögu-
leikann á því f vetur að fá sér um-
boðsmann á Selfossi, en þá strand-
aði á því að Selfoss væri ekki
tollhöfn, en því hefur nú verið
breytt, samanber framangreinda
lagabreytingu.
Þetta er fyrsta „höfnin" hér sem
er inni í miðju landi. Slíkar hafnir
eru nefndar þjónustuhafnir, og
eru ekki óalgengar erlendis og má
nefna Mílanó á Italíu sem dæmi.
Varan er þá sett í gáma á staðnum
og hún flutt með bilum eða vöru-
lestum til hafs, þar sem henni er
skipað um borð í skip. Eimskip
mun flytja vöruna á bílum í vöru-
geymsluna sem komið verður upp
á Selfossi, þar sem viðskiptamenn
Eimskips geta vitjað varnings
síns. Eimskip fékk sér siðast um-
boðsmann í Borgarnesi og þangað
er vara einnig flutt með bflum.
Hátt í þrjú hundruó helsingjar skotnir:
„Siðleysi að ganga
þannig að fugli“
FEÐGAR frá Akureyri skutu hátt í skömmu. Gæsir eru alfriðaðar á sem blm. átti við Sverri Scheving
þrjú hundruð gæsir, helsingja, f þessum tíma árs og viðurlög við Thorsteinsson, formann Skotveiðifé-
Skagafirði um eina helgi fyrir brotum. Þetta kom fram í samtali lags íslands.
Eyjólfur Konráð Jónsson alþingismaður:
Peningavaldið ætlar sýnilega
ekki að fara að lögum og reglum
— Rfkisbankarnir undir þrýstingi frá SÍS
„ÞAÐ kemur ekki flatt upp á mig
að ríkisbankarnir hlífi sér við að
framfylgja vilja Alþingis vegna
þrýstings frá Sambandi íslenzkra
samvinnufélaga. Það er gömul og
ný saga og peningavaldið ætlar sér
sýnilega ekki að fara að réttum
lögum og reglum,“ sagði Eyjólfur
Konráð Jónsson alþingismaður, er
Mbl. spurði hann álits á yfirlýsing-
um Helga Bergs bankastjóra
Landsbankans þess efnis að ekki
væri unnt að standa að beinum
greiðslum rekstrar- og afurðalána
til bænda nema viðskiptamennirn-
ir óski þess sjálfir og því verði
frumkvæðið að koma frá bændum.
Viðskiptaráðuneytið skrifaði
Seðlabanka Islands bréf fyrir
skömmu þar sem athygli bank-
ans var vakin á fimm ára gam-
alli þingsályktunartillögu, sem
Eyjólfur Konráð flutti, um bein-
ar greiðslur til bænda. Eyjólfur
Konráð sagði ennfremur að-
spurður um svar Helga Bergs:
„Fyrirsláttur um það að ekki sé
hægt að framkvæma þessar
greiðslur til bændanna er svo
fáránlegur að um það er ekki
hægt að ræða. Hér er um gífur-
Iegar fjárhæðir að ræða, til
dæmis munu afurðalán um sl.
áramót hafa numið einum millj-
arði eitt hundruð fjörutíu og
þremur milljónum króna og
hvaða bankar mundu ekki vilja
hafa viðskiptamenn sem legðu
inn slíka fjármuni á reikninga,
sem þeir síðan ættu opinn að-
gang að? Það mundi auðvitað
hver einasti banki vilja.
Að því er varðar veðsetningar
er málinu líka snúið við, þegar
því er haldið fram að lántakinn
þurfi að eiga vöruna og hún sé i
„sjálfsvörsluveði". Þegar verið er
að hafa af bændum hluta af-
urðaverðsins er því haldið fram
af þessum félögum, að þau eigi
alls ekki vöruna heldur sé hún í
umboðssölu hjá bændunum. Þeg-
ar aftur kemur að því að veð-
setja hana þá þykjast þessir
menn eiga hana. Mér er nær að
halda að bankarnir hafi ekki veð
í einu einasta kílói kjöts eða
smjörklípu, ef grannt væri skoð-
að, því það dæmi gengur ekki
upp að bæði sé varan í umboðs-
sölu og eins sé hún sett að sjálfs-
vörsluveði af þeim sem eiga
hana ekki og aldrei hafa fengið
neitt umboð til að veðsetja hana.
Þar að auki er mér ekki kunnugt
um að SÍS setji yfirleitt veð fyrir
einu eða neinu, heldur veður það
í bankakerfið og hirðir þar þá
peninga sem því sýnist og hefur
því algjöra sérstöðu í íslensku
peningakerfi.
Þess er líka að gæta, að í sjáv-
arútvegstíð sinni setti Matthías
Bjarnason reglur um það, að
fiskvinnslufyrirtæki fengju eng-
in afurðalán nema þau greiddu
útgerð og sjómönnum fullt verð
innan hálfs mánaðar frá þvi að
þau fengu peningana i hendur.
Hann spurði ekki bankakerfið.
Hann gaf því fyrirskipun. Það
var með sama fyrirslætti þá og
nú, en það lét að sjálfsögðu und-
an, þegar ráðherrann gaf þessi
fyrirmæli."
Eyjólfur Konráð Jónsson
sagði að lokum: „Mergurinn
málsins er sá, að kerfið er samt
við sig og ætlar sér ekki að hlíta
einu eða neinu nema eigin duttl-
ungum."
Sverrir sagði: „Við reynum í
okkar félagi að fara eftir siðaregl-
um, landslögum og okkar félags-
lögum við okkar veiðar eins og
hægt er. Við reynum að ala fólk
upp í góðum og gildum siðum. Því
þykir okkur það mjög leitt þegar
við heyrum ljótar sögur utan af
landi og einnig héðan úr nágrenn-
inu, um að fólk drepi gæsir i
varphugleiðingum. Það er í fyrsta
lagi ólöglegt á þessum tíma og í
öðru lagi þá eru allar siðareglur
þverbrotnar með slíku háttalagi.
Maður er orðlaus yfir þeim frétt-
um sem nýlega bárust um feðga
frá Akureyri sem brugðu sér vest-
ur til Skagafjarðar og drápu þar
hátt á þriðja hundrað helsingja.
Helsinginn er farfugl sem verpir á
Grænlandi en kemur hér við sér
til hvíldar og endurnæringar. Það
er því algjört siðleysi að ganga
þannig að fugli. Þetta er svipað og
að ganga að fugli í sárum en það
er gert í stórum stíl, því miður,
jafnvel af sömu mönnum. Það er
enginn þjóðflokkur í heimi á svona
lágu plani, jafnvel þó hann lifi al-
farið á veiðiskap."
Sverrir sagði að þetta athæfi
hefði ekki verið kært. „Við erum
ekki hlynnt gaddavír og lögreglu-
aðgerðum. Við reynum heldur að
vinna að hugarfarsbreytingu með-
al fólks, bæði veiðimanna og ann-
arra, og til þess var Skotveiðifé-
lagið stofnað."