Morgunblaðið - 27.05.1984, Blaðsíða 39
MORGUNBLAÐIÐ, SUNNUDAGUR 27. MAÍ 1984
39
ÞINGBRÉF
eftir STEFÁN FRIÐBJARNARSON
Bráðum kemur betri
tíð og bros í augu
Það var mikið talað á þessu
þingi eða 50% meira en að meðal-
tali sl. tíu þing, mæit í dálkalengd
ræðusafns þingsins (Alþingistíð-
inda, sem fólk getur gerzt áskrif-
endur að á hóflegu verði). En
magn og gæði haldast ekki endi-
lega í hendur, eins og fólk þekkir
af öðrum vettvangi. Spurning er,
hve margir þingmenn rísa undir
heitinu RÆÐUSNILLINGUR.
Getur þú, sem þessar línur lest,
kallað mynd þeirra fram í huga
þínum eða minni? Naumast flokk-
ast þeir í þann gæðaflokk, sem
tala yfir auðum stólum og tómum
þingsal — eða svo gott sem.
Þeir mættu vera fleiri þing-
mennirnir með skopskyn og
kímnigáfu. Það er að vísu góðra
gjalda vert að líta alvarlegum
augum á viðfangsefnin, viðamikil
og vandmeðfarin. Hinsvegar getur
ein setning, sem eyðir yglibrún,
opnað leið til sátta, gjörbreytt
andrúmsloftinu. Bros í augum og
sól i sinni er ekki minna virði i
samskiptum fólks, þingmanna
sem annarra, en hnútukast.
Maður er nefndur Bjarni
Guðnason, prófessor að atvinnu.
Hann situr á bekk varamanna i
þingliði Reykvíkinga. í atinu og
önnunum fyrir þinglausnir sté
hann í ræðustól þingsins. Hann
sagði sögu af góðkunningja sínum.
Sá fékk hektara lands í föðurarf.
En það gekk ekki fyrirhafnarlaust
að fá gjafabréfið staðfest í skrif-
ræði skipulagsins.
Góðkunningi minn, sagði pró-
fessorinn, efnislega eftir haft,
fékk hektara lands í föðurarf.
Hektarinn sá kostaði mörg sporin
— milli kerfisvéa. Hann þurfti
uppáskrift frá hreppsnefnd, jarða-
nefnd, Landnámi ríkisins og viti
menn stimpil frá ráðherra til þess
að geta loks þinglýst gjafabréfi á
einum hektara lands. Og nú skal
breyta lögum, ekki til að einfalda,
heldur til að auka skrifræðið. Nú
duga ekki lengur fjórir stimplar,
sinn úr hverri áttinni, á hektar-
ann. Fimm skulu þeir vera.
Prófessorinn heldur áfram máli
sínu, hér efnislega rakið:
Drottinn minn dýri! Hverskonar
„apparat" er þetta eiginlega?
Hvers vegna er allt svo njörvað
niður? Ef einhver hyggst endur-
byggja eyðijörð eða leita unaðar í
náttúrunni þarf hvorki meira né
minna en samþykki landbúnað-
arráðherra, sveitarstjórnar,
jarðanefndar, auk umsagnar Bún-
aðarfélags íslands og Fram-
leiðsluráðs landbúnaðarins! Það
þarf uppáskrift og stimpla frá
fimm silkihúfum ef Bjarni Guðna-
son ætlar að fá sér kartöfluhekt-
ara fyrir austan fja.ll. Uppgjafa-
bændur sitja við og stimpla fyrir
þá sem enn sinna ræktunarstörf-
um. Spurt var í ljóðkorni: „Sovét-
fsland, óskalandið, hvenær kemur
þú?“ Erum við ekki þegar komnir i
það land? Og kostar ekki eitthvað
að halda uppi öllu þessu ófrelsi?
Og hver greiðir kostnaðinn?
Ég heyrði í útvarpinu, heldur
prófessorinn áfram, að landbún-
aðarráðherra hafi skipað sjö
manna nefnd til þess að athuga og
fjalla um leyfi til innflytjenda á
150 tonnum af kartöflum, sem er
víst vikuskammtur verzlana hér
um slóðir. Sjö menn manna nefnd
skyldi það vera sem deildi niður
vikuskammti af kartöflum á
tölvuöld! Er þetta ekki dásamlegt
kerfi?
Orðrétt sagði prófessorinn:
„Jafnvel þegar verið er að selja
skammdar kartöflur í búðum og
fulltrúi þessara skemmdu kart-
aflna er spurður að því, hvort hon-
um þyki eðlilegt að hver ein þess-
ara skemmdu krartaflna sé sett í
fyrsta flokk, þó þriðjungurinn sé
sannanlega skemmdur og henti
svínum einum, þá svarar þessi
ágæti fulltrúi: Já, það er fullkom-
lega eðlilegt vegna þess að ef við
settum eitthvað í þriðja flokk
myndu niðurgreiðslurnar aukast!
Þetta eru vinnubrögðin. Það er
ekki einu sinni beðizt afsökunar á
þessu sóðakerfi. Þetta er Sovét-
Island ...!“
Ræða Bjarna Guðnasonar var
að vísu færð í stiiinn, glettin —
með alvöruívafi. Það kann m.a.s.
vel að vera að hún standizt ekki
alfarið gagnrýna endurskoðun.
Hún var svo sannarlega ekki
gagnmerkasta ræða 106. löggjaf-
arþingsins. En það sá til sólar
meðan hún var haldin. Það færðist
líf í þreytt þingmannsandlit — og
bros í augu. í þeirri „stemmn-
ingu“, sem hún vakti, mátti jafn-
vel trúa því, „að bráðum komi
betri tíð með blóm í haga, bjarta
ianga sumardaga“!
Aðalfundur
Neytendafélags
Reykjavíkur
á morgun
Aðalfundur Neytendafélags
Reykjavíkur og nágrennis verður
haldinn mánudaginn 28. maí kl.
20.30 á Hótel Esju. Að loknum
venjulegum aðalfundarstörfum
verða kynntar niðurstöður rann-
sókna sem Neytendafélagið gerði á
gerlainnihaldi kjöt- og fiskfars í tólf
verslunum á höfuðborgarsvæðinu.
Loks verða umræður um nauðsyn
þess aö breyta sölufyrirkomulagi
grænmetis og garðávaxta.
Stutt framsöguerindi flytja: Eiður
Guðnason, alþingismaður, Ólafur
Björnsson, form. félags matvöru-
kaupmanna, og Sigurður Sigurðar-
son, stjórnarmaður í Neytendafélag-
inu. Þar sem þetta er málefni sem
mikill áhugi er á um þessar mundir,
geta þeir, sem ekki eru félagsmenn,
látið skrá sig við innganginn. Áhuga-
menn um hagsmunamál neytenda
eru eindregið hvattir til þess að
mæta, og sýna þannig hug sinn til
meðferðar sjórnvalda á brýnum mál-
efnum neytenda.
(FrétUtilkynning)
ÍSSKÁPAR
FYRIR 12V, 220V, OG GAS
ERU FYRIRLIGGJAIMDI
SkeljungsbúAin <
Síðumúla33
símar 81722 og 38125
Áskriftarsiminn er 83033
FRAM
TOLVUSKOLI
Sérstök
sumarnámskeið
fyrir unglinga
Almenn grunnnámskeið um tölvur og
tölvunotkun
Námskeiö þessi henta öllum þeim unglingum er hafa áhuga á aö kynnast tölvum og notkunarmögu-
leikum þeirra.
Markmiö námskeiðanna er aö veita almenna grunnþekkingu á tölvum og tölvuvinnslu, uppbyggingu
tölva, helstu geröir og notkunarmöguleika. Fariö er m.a. í eftirfarandi atriöi:
★ Saga, þróun og uppbygging tölva.
★ Hugtökin vélbúnaöur og hugbúnaöur.
★ Stýrikerfi.
★ Tölvulausnir og framkvæmd tölvuvinnslu.
★ Forritun og uppbygging forrita.
★ Forritunarmálin BASIC, COBOL, FORTRAN, Pascal o.fl.
★ Notkun tölva við m.a. ritvinnslu og gagnasöfnun.
★ Framtíöarhorfur í tölvumólum.
Námskeiöin standa yfir í tvær vikur (samtals 18 tímar), kennt er annan hvern eftirmiödag.
Námsefni þessa námskeiös er þaö sama og á öörum grunnnámskeiðum skólans. Framsetning
námsefnisins er miöuö viö aö þátttakendur séu á aldrinum 11 —16 ára.
Stöðugur straumur nýrra nemenda sýnir svo ekki verður um villst aö FRAMSÝN er tölvuskóli meö
tilgang og nám viö skólann hentar allra þörfum, enda er skólinn nú í dag sá stærsti sinnar tegundar
á sviöi tölvumenntunar.
Ný námskeið hefjast í byrjun júní.
Innritun og nánari upplýsingar fást í síma 39566, frá kl. 15 til 18.
Takið eftir
Tölvuskólinn Framsýn hefur allt frá stofnun kappkostaö aö bjóöa öllum
landsmönnum jafnan aögang aö úrvali vandaöra námskeiöa um tölvur og
tölvunotkun. Jafnframt stööugu námskeiöahaldi í Reykjavík hefur veriö efnt
til fjölda námskeiöa víöa um land og aö sjálfsögöu er námskeiösgjaldiö þaö
sama hvar sem er á landinu. Hvort sem þaö er vetur, sumar, vor eöa haust þá
efnir Tölvuskólinn Framsýn til námskeiöahalds í heimabyggö ykkar, þegar
ykkur hentar.
Hinir fjölmörgu nemendur okkar eru okkar meömælendur.
TÖLVUNÁM ER FJÁRFESTING í FRAMTÍÐ ÞINNI.
FRAMSÝN — TÖLVUSKÓLI — TÖLVULEIGA, SÍÐUMÚLA 27,
PÓSTHÓLF 4390, 124 REYKJAVÍK, SÍMI 91-39566.