Morgunblaðið - 03.11.1984, Blaðsíða 25

24
MORGUNBLAÐIÐ, LAUGARDAGUR 3. NÓVEMBER 1984
MORGUNBLAÐIÐ, LAUGARDAGUR 3. NÓVEMBER 1984
25

Útgefandi
Framkvæmdastjóri
Ritstjórar
Aðstoóarritstjóri
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guömundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Aö-
alstræti 6, sími 22480. Afgreiösla: Kringlan 1, sími 83033. Áskrift-
argjald 300 kr. á mánuöi innanlands. I lausasölu 25 kr. eintakiö.
Vítin eru
til að varast þau
Idag fylgja hundruð þús-
unda Pólverja séra Jerzy
Popieluzko til grafar. Þessi
ungi prestur, sem féll fyrir
morðingjahendi aðeins 37 ára
gamall, var í lífi sínu og
starfi baráttutákn þjakaðrar
þjóðar fyrir mannréttindum.
Hann hafði þrek og þor til að
ganga fram fyrir skjöldu og
krefjast þegnréttar fyrir
hinn almenna borgara. Þess
vegna var ekki rúm fyrir
hann í ríki alræðisins. For-
ingjar í öryggislögreglu
fundu honum stað í vatnsbóli
við Vislu-á.
Séra Popieluzko fór ekki
dult með stuðning sinn við
frelsisbaráttu pólskra verka-
manna, innan Samstöðu, sem
gekk þvert á viðhorf pólska
kommúnistaflokksins. Hann
bjó við stöðugar hótanir og
margs konar óþægindi. Marg-
oft var brotizt inn í íbúð
hans, bifreið hans var eyði-
lögð, hótunarbréf vóru send
honum og táragassprengju
var varpað inn um glugga
hans. Verkamenn úr stáliðju-
verum sáu sig knúða til að
vakta íbúð hans og kirkju.
Pólsk alþýða sló hinsvegar
skjaldborg um þennan ötula
talsmann frelsis og mann-
réttinda. Yfirleitt sóttu um
tíu þúsund manns messur
hans. Koma varð hátölurum
fyrir umhverfis kirkjuna svo
viðstaddir mættu heyra boð-
skap hans. Segulbandsspólur
með ræðum hans bárust vítt
og breitt um landið. Honum
bárust fjöldi stuðningsbréfa
og vinargjafa. Þar á meðal
var gripur, skorinn út í kol,
sem verkamenn í kolanám-
unni í Wujek í Katowice
sendu honum, en í þeim nám-
um vóru níu starfsmenn
skotnir til bana er herinn tók
völdin í Póllandi.
Forystumenn pólska komm-
únistaflokksins, sem fara
með alræöisstjórn i landinu í
skugga hers og skjóli Sovét-
ríkjanna, hafa lengi beitt
séra Popieluzko margs konar
hótunum og þvingunum. Sú
hatursherferð endaði síðan í
aðför þriggja foringja í
pólsku leynilögreglunni, sem
rændu prestinum, myrtu og
fleygðu líkinu í ána Vislu.
Þessi pólski klerkur, sem í
lifanda lífi varð þjóðartákn í
frelsisbaráttu, verður látinn
enn áhrifaríkari vegvísir
fólkinu, sem treysti honum.
Sú tvíhöfða valdsstjórn, sem
ríkjum ræður í löndum rót-
tæks sósíalisma, herinn og
flokkurinn, getur gengið af
einstaklingum dauðum, bæði
leynt og ljóst. En hugsjónir
verða ekki vegnar með vopn-
um — né sú frelsisþrá, sem
hverju mannsbarni er í brjóst
borin. Pólska þjóðin hefur
misst vinsælan kennimann,
en hún hefur eignazt nýjan
dýrling, eins og einn af vinum
séra Popieluzko komst að
orði. Hún er máske sterkari
eftir en áður. í borginni
Wroclaw í Suðvestur-Pól-
landi hafa verið stofnuð
mannréttindasamtök
menntamanna og verka-
manna, hin fyrstu frá herlög-
um í landinu. Þau viðbrögð
eru merki styrks en ekki
veikleika.
Við íslendingar lítum á
mannréttindi eins og þau,
sem pólskur almenningur
berst nú fyrir, sem sjálfsagð-
an hlut. Þau eru okkur svo
eðlileg að við gleymum því
oftlega, að minnihluti þjóða
og mannkyns býr við lýðræði,
þingræði og þegnréttindi í
þeim skilningi sem við leggj-
um í þessi orð. Við gleymum
því og á stundum, að þessi
réttindi eru þess virði að
standa trúan vörð um þau,
sem er meginhlutverk varn-
arsamtaka lýðræðisþjóða
heims, og þróa og þroska til
framtíðar.
Það er nauðsynlegt að vera
hóflega gagnrýninn á eigið
samfélag. En muna verðum
við hvorutveggja: Að sam-
keppnisþjóðfélög samtímans
skila margföldum þjóðartekj-
um á mann, sem lífskjörum
ráða í raun á hverjum stað, í
samanburði við ríki sem lúta
hagkerfi marxismans. Og að
persónuréttur hverrar mann-
eskju í lýðfrjálsum löndum er
allt annar, meiri og tryggari.
Það er enginn vafi á því að
nafn séra Jerzy Popieluzko
verður skráð gullnu letri á
spjöld pólskrar sögu. Þær
hundruð þúsunda sem fylgja
honum til grafar í dag munu
skila hugsjónum hans til
næstu kynslóðar. Það getur
ekkert flokksalræði hindrað.
Pólverjar munu draga rétta
lærdóma af dýrkeyptri
reynslusögu hugrakks manns
og prests, sem lét líf sitt á
altari heiftar og pólitískrar
þröngsýni. Það þurfa aðrar
þjóðir einnig að gera. Vítin
eiga að vera til þess að varast
þau.
Þrú- dagar til kjördags í Bandaríkjunum:
Reagan forseti hefur gott forskot
á lokaspretti kosningabaráttunnar
('leTelaod, Ohio, 2. november. Frá
Kreysteini Jóhanmwyni, blaðamanni Mbl.
Walter Mondale, forsetafram-
bjóðandi demókrataflokksins, kom
hingað til Cleveland í gærkvöldi og
hélt ræðu á lokaspretti kosningabar-
áttunnar fyrir forsetakosningarnar á
þriðjudaginn. Á hæla honum kom
Ronald Reagan, Bandaríkjaforseti,
en hann heldur sína ræðu um hádeg-
isbilið í dag. En þótt forsetinn komi
á eftir keppinaut sínum hingað, þá
hefur hann gott forskot í skoðana-
könnunum um fylgi þeirra meðal
bandarískra kjósenda, nú þegar að-
eins fjórir dagar eru til kjördags.
Síðustu skoðanakannanir sýna að
fylgi Ronald Reagans er um 57 % og
það hefur alla tíð verið á bilinu
54—64%, meðan fylgi Mondales er
nú 40% og hefur verið á bilinu
34—42% Oákveðnir eru því aðeins
um 3%. Reyndar eru margir þeirrar
skoðunar, að úrslit þessara forseta-
kosninga hafi ráðist fyrir svo löngu
að engin spenna sé í kosningabarátt-
unni og því eru menn þegar farnir að
ræða um þá spennu sem hljóti að
verða í kringum næstu forsetakosn-
ingar.
En Walter Mondale neitar að
taka mark á niðurstöðum skoðana-
kannana. „Skoðanakannanir ráða
ekki úrslitum um það hver verður
næsti forseti Bandaríkjanna," segir
hann, „það eru kjósendur sem ráð-
stafa því embætti með atkvæðum
sínum á kjördag. Og það er ýmislegt
að gerast í þessu þjóðfélagi sem
skoðanakannanir mæla ekki.
Straumurinn liggur til okkar.“
Og undirtektir fólks þar sem
Mondale hefur farið síðustu dagana,
benda vissulega til þess að hann nái
betur til fjöldans nú en honum hefur
tekist áður í kosningabaráttunni.
Sjálfur vitnar hann nú æ ofan f æ til
Harry S. Trumans, sem sigraði f for-
setakosningunum 1948, þótt skoð-
anakannanir sýndu hann njóta
minna fylgis en andstæðing hans.
En andstæðingur Mondales 1984 er
Ronald Reagan og ekkert lát virðist
vera á vinsældum hans.
LEIÐTOGAHÆFNI
REAGANS
Eftir því sem ég kemst næst,
hafa leiðtogahæfileikar Reagans
aldrei lent undir 60% markinu í
skoðanakönnunum alla hans for-
setatíð, enda þótt á ýmsu hafi
gengið með fylgi við einstakar að-
gerðir hans og athafnir. Og í ný-
legum skoðanakönnunum er mun-
urinn á honum og Mondale ein-
mitt mestur (59—60% á móti
30—32%) þegar spurt er um skoð-
anir fólks á forystuhæfileikum
þeirra og hvorn fólk telji lfklegri
til að koma málum f framkvæmd
með styrkri stjórn.
í fyrsta skipti f nokkur ár sýna
skoðanakannanir nú að meirihluti
Bandaríkjamanna er ánægður
með tiiveruna, jafnt hvað þá sjálfa
snertir persónulega og hvað varð-
ar stöðu Bandaríkjanna inn á við
sem út á við. Hinir óánægðu í
þessum skoðanakönnunum eru
18%, þegar spurt er um persónu-
lega hagi, 42% lýstu ánægju með
ástandið í Bandaríkjunum al-
mennt.
Og Ronald Reagan uppsker
ánægjuna. Maðurinn, sem fyrir
fjórum árum spurði Bandaríkja-
menn, hvort þeim liði betur en
fjórum árum áður, fær nú önnur
svör. Óánægjan þá með ástandið
eftir stjórnarár Jimmy Carters
forseta og Walter Mondales vara-
forseta, gerði Ronald Reagan að
forseta Bandaríkjanna. Og nú
virðist ánægjan með fyrsta kjör-
tímabil hans sjálfs ætla að skila
honum jafnvel enn drýgri sigri en
hann vann fyrir fjórum árum.
Walter Mondale hefur ráðist
hvað eftir annað harkalega á for-
ystuímynd Reagans, en með litlum
eða engum sýnilegum árangri.
Einu sinni riðaði þessi forystu-
ímynd þó til falls, en það var
Reagan sjálfur sem því olli. Ein af
hans sterkari hliðum hefur alltaf
verið talin örugg framkoma f sjón-
varpi. En í fyrri sjónvarpskapp-
ræðu hans og Mondales sem sjón-
varpað var um öll Bandaríkin, var
Reagan brugðið. Hann var óviss
og hikandi og virtist undirstrika
allt í einu þá gagnrýni Mondales
að forsetinn fylgdist svo illa með
að hann vissi lítið sem ekkert um
mörg málefni og væri þess vegna
ekki fær um að veita þá forystu
sem forseta Bandarlkjanna ber að
veita.
Þarna sáu Bandaríkjamenn
loksins hinn eina og sanna Ronald
Reagan, sögðu demókratar. Svona
er hann þegar hann er ekki í
vernduðu umhverfi stuðnings-
manna sinna. Ronald Reagan er
nefnilega ekki leiðtogi heldur leik-
brúða. Stuðningsmenn Reagans
sögðu hins vegar að ástæðan fyrir
slæmri frammistöðu hans hefði
fyrst og fremst verið of smá-
smugulegur undirbúningur fyrir
kappræðuna. Reagan var svo upp-
tekinn af smáatriðunum að hann
gleymdi aðalatriðinu; að vera
Ronald Reagan.
ALDUR REAGANS
En menn vildu hvorugu trúa og
þegar Wall Street Journal birti
forsíðufrétt um aldur Reagans og
áhrifin á hæfileika hans til að
gegna forsetaembættinu áfram
(Ronald Reagan er 73 ára og elstur
forseta Bandarikjanna), urðu
vangaveltur um þessi atriði aðal-
málið. Þær hleyptu óvæntu lífi í
kosningabaráttuna og ef til vill
má fullyrða að þær einar út af
fyrir sig hefðu getað orðið Reagan
erfiður þrándur í götu á leiðinni
til endurkjörs.
En í síðari sjónvarpskappræð-
unni tókst Reagan að verja leið-
togaímynd sína. Og spurningunni
um aldurinn svaraði hann á sinn
hátt með því að segja með bros á
vör, að ekki dytti sér í hug að gera
aldur frambjóðendanna að kosn-
ingamáli, hann ætlaði sér alls ekki
að velta sér upp úr æsku andstæð-
ingsins og reynsluleysi í pólitísk-
um tilgangi. Þar með var það mál
afgreitt.
En þessar forsetakosningar
snúast um fleira en persónur
þeirra Reagans og Mondales, þótt
hiklaust megi fullyrða, að f hugum
fólks tvinnist persóna forsetans og
pólitík hans saman á jákvæðari
hátt en persónuleiki Mondales og
þau málefni sem hann ræðir um.
Framan af kosningabaráttunni
má eiginlega segja að Reagan hafi
virt andstæðing sinn að vettugi.
Kosningaferðalög hans einkennd-
ust af hnitmiðuðum ræðum hans
um bættan hag Bandarikjamanna
og enn betri framtíð undir sinni
stjórn og svo húrrahrópum fólks-
ins.
„Þetta voru miklu frekar þjóð-
hátíðarhöld en kosningafundir,"
sagði mér blaðamaður, sem fylgir
Reagan á ferðum hans. Forsetinn
einfaldlega kom, lét sjá sig og inn-
siglaði sigurinn. Hvað átti hann
svo sem að gera annað? Hann var
vel fyrir ofan 60% markið í skoð-
anakönnunum og það einfaldlega
borgaði sig ekki að þreyta sjálfan
sig eöa aðra með þvi að minna á
gagnrýni Mondales. Þá var betra
að horfa á flugeldasýningar og
sleppa blöðrum. Þetta var eins og
á ólympiuleikunum, nema hvað
nú stóð einn og sami maðurinn á
verðlaunapallinum í hverri grein
og bandaríski fáninn blakti við
hún.“
Tilvísunin til ólympíuleikanna
er cngin tilviljun, því að I skoð-
anakönnunum hafa um 60%
Bandarikjamanna lýst „ofsalegri
hrifningu og ánægju" með sumar-
leikana í Los Angeles og forsetinn
nýtur þess.
STERKUR FORSETI
Þegar ég hef spurt fólk sem
styður Ronald Reagan af hverju
það geri svo eru svörin öll á eina
lund: Hann er sterkur forseti.
Hann lækkaði skatta. Verðbólga
hefur lækkað úr yfir 20% í 4%.
Bandarískt atvinnu- og efnahags-
líf hefur blómgast og tekjur fólks
aukist. Á sviði utanríkismála
bendir fólk fyrst á að Bandaríkin
séu sterk og búi við frið. Síðan
talar það um „velheppnaða innrás
í Grenada", batnandi ástand i
Chile, öfluga mótspyrnu gegn
kommúnistum i Nicaragua. Og
ekki má gleyma því að forsetafer-
ill Reagans hófst með heimkomu
gíslanna frá íran.
Um Mondale segja stuðnings-
menn Reagans að hann sé linur
leiðtogi, tímaskekkja frá forseta-
tíð Carters, sem Bandaríkjamenn
hafi hafnað fyrir fjórum árum, og
eina marktæka kosningaloforðið
sem hann hafi fundið upp á að
þessu sinni sé að hækka skatta al-
mennings um leið og hann verði
forseti.
Svör stuðningsmanna Mondales
við spurningum um ágæti hans
eru á þá leið að hann sé frjálslynd-
ur umbóta- og jafnréttismaöur
(sem Reagan sé ekki). Mondale
hafi fullan vilja til raunverulegs
átaks í afvopnunarmálum (Reag-
an vilji ekki viðræður um frið og
afvopnun heldur séu rándýr hern-
aðaruppbygging og stjörnustríð
hans aðaláhugamál). Skattalækk-
anir Reagans hafi ekki komiö
þeim verst settu til góða heldur
hafi efnahags- og félagslegar að-
gerðir hans þvert á móti þrengt
kost þeirra. Gífurlegur fjárlaga-
halli kalli á erfiðleika á næstu ár-
um og þar hyggist Reagan enn
þrengja kost minnihlutahópanna
meðan Mondale vilji láta þá sem
betur mega sin borga meginhluta
brúsans. Stefna forsetans I mál-
efnum Mið-Ameríku einkennist af
undirferli og heimskulegum aö-
gerðum.
Loks segja stuðningsmenn
Mondales að Reagan hafi brugðist
sem forseti þegar ekki var komið í
veg fyrir árás hryðjuverkamanna
á sendiráð Bandaríkjamanna i
Beirút þar sem 241 Bandarikja-
maður lét lífið. Þessu til viðbótar
má benda á, að i skoðanakönnun-
um hefur Mondale fengið betra
hlutfall en Reagan i tveimur
málaflokkum, jafnréttismálum og
umhverfisvernd. En munurinn á
honum og Reagan hefur þó aldrei
verið meiri en 4 og 9%.
ÁHRIF
KAPPRÆÐNANNA
Framan af kosningabaráttunni
virtist Mondale ekki ná eyrum
fólks með gagnrýni sinni á forset-
ann. En sjónvarpskappræðurnar
breyttu þessu. Bæði var að Mon-
dale dró að sér fleiri áheyrendur
og hlaut betri undirtektir og einn-
ig sá forsetinn sig tilneyddan að
svara andstæðingi sínum og jafn-
vel nefna hann með nafni. Kosn-
ingabaráttan breytti því nokkuð
um svip. Hún harðnaði á yfirborð-
inu. Hins vegar höfðu hvorki
kappræðurnar né afleiðingar
þeirra skjót áhrif á fylgi þeirra
Reagans og Mondales í skoðana-
könnunum. En áhrifin á Mondale
urðu líkt og hann leystist úr læð-
ingi. Kosningabarátta hans fékk
nýtt líf á lokasprettinum, straum-
urinn liggur til okkar, segir hann.
En Reagan var líka á feröinni og
hann lætur hvergi deigan síga. Og
hjá þjóð sem virðist að miklum
hluta hafa þjáðst af innri óánægju
allar götur frá styrjaldarárunum í
Víetnam, á árum Watergates og
verðbólgu og allt til daga gísla-
málsins í íran, þá er forseti sem
gefur meirihlutanum tækifæri til
aö taka gleði sína á ný ekki líkleg-
ur til að tapa, enda þótt Mondale
sæki eitthvað á þessa dagana.
Tvennt er það sem hefur ein-
kennt þessa kosningabaráttu öðr-
um þræði. Varaforsetaefni demó-
krata er kona, Geraldine Ferraro,
sú fyrsta í sögu Bandarikjanna.
Hitt er óvenjuharður atgangur við
að skrá kjósendur og hvetja þá til
að kjósa. Jesse Jackson, sem
keppti við Mondale um útnefningu
demókrata hefur gengið sérstak-
lega fram i þvi að blökkumenn láti
skrá sig og repúblikanar svöruðu
þessu með umfangsmestu og dýr-
ustu skráningarherferö sem um
getur í sögu flokksins og banda-
rískra forsetakosninga. Auk flokk-
anna tveggja hafa svo ýmis önnur
samtök hvatt fólk til að skrá sig
og kjósa, þar á meðal óflokks-
bundin kvennasamtök.
AHRIF
FERRAROS
Enginn vafi er á því, að val
Ferraros hefur haft mikil áhrif á
bandarískar konur og það eitt er
út af fyrir sig söguleg kaflaskipti,
eins og reyndar árangur Jesse
Jacksons í forkosningum demó-
krata er líka í sögu bandarískra
blökkumanna. Ferraro þykir hafa
staðið sig vel í kosningabarátt-
unni, meðal annars í sjónvarps-
kappræðu við George Bush vara-
forseta. En viðskiptamál eigin-
manns hennar hafa stöðugt verið í
sviðsljósinu með mjög svo nei-
kvæðum hætti. Að hve miklu leyti
það hefur haft áhrif, er erfitt að
dæma um, en alltjent hefur það
ekki gert Ferraro kosningabarátt-
una auðveldari.
Skoðanakannanir sýna, að
framboð Ferraros laði álíka marg-
ar konur að Demókrataflokknum
og þeir karlmenn eru margir sem
segjast fella sig við Reagan og
vilja frekar George Bush sem
varaforseta en Ferraro. Sjálf segir
hún að skoðanakannanir séu hvað
ómarktækasti mælikvarðinn á af-
stöðu kvenna og enginn vafi sé á
því að kvennamegin eigi Demó-
krataflokkurinn dulið fylgi sem
skili sér á kjördag. Hið sama segir
Jackson um blökkumenn. Stjórn-
málasérfræðingar eru þó á einu
máli um að forskot repúblikana sé
of mikið til þess að jafnvel þótt
þetta sé rétt, þá geti það ekki skipt
sköpum.
„ÆSKUBYLGJAN,,
Repúblikönum hefur einnig orð-
ið vel ágengt meðal nýrra kjós-
enda, einkum þeirra yngri sem nú
kjósa í fyrsta skipti. Talið er, að
„Reagan-straumurinn" í þjóðfé-
laginu hafi hrifið um % þessara
kjósenda með sér, en þeir sem nú
fá kosningarétt í fyrsta skipti eru
óvenjulega margir og er talað um
„æskubylgjuna" í því sambandi.
Allt hefur þetta aukið á fjöl-
breytni kosningabaráttunnar og
fjörgað hana.
En allt kemur í Ijós á kjördag.
Þrátt fyrir alla þá athygli sem
forsetakosningar jafnan vekja,
hefur kosningaþátttakan yfirleitt
verið léleg í undanförnum forseta-
kosningum, eða um 50%. Þessa
síðustu daga meðan frambjóðend-
ur fara hamförum á fundum og í
fjölmiðlum er ekki síður barist
hart um það að fólk notfæri sér
kosningaréttinn. Og það er reikn-
að með þvi að kosningaþátttakan
verði til muna meiri nú en áður.
„Kosningaþátttakan ræður úrslit-
um. Þrátt fyrir yfirburði forsetans
í skoðanakönnunum hefur verið
miklu meira lif í þessu öllu núna
en nokkurn timann áður,“ segja
þeir fjölmörgu kosningastarfs-
menn, sem ég hef rætt við i báðum
herbúðum.
„Straumurinn liggur til okkar,“
segir Mondale. Ef menn lesa bók
um stjórnarferil Carters og Mon-
dales, þá verða þeir að byrja aft-
ast og fletta fram á við til að fá
farsælan endi, segir Ronald Reag-
an. Repúblikanar bæta við: Hans
bók stendur fyrir sínu með réttu
blaösiðutali.
Reagan forseti og Bush forseti á flokksþingi repúblikana í Dallas. Mondale tilkynnir val sitt á Geraldine Ferraro í varaforsetaframboð.
Dómkirkjan:
Allra sálna messa
Á MORGUN, sunnudaginn 4. nóv-
ember kl. 11 f.h. verður allra sálna
messa í Dómkirkjunni. Þar er iðkuð
forn hefð með sérstökum fyrirbsn-
ardegi fyrir þeim mannssálum sem
horfnar eru af þessum heimi.
Jafnframt fjallar prédikun
dagsins um lífið eftir dauðann,
kristinn boðskap um það efni og
viðhorf nútímans. Sr. Þórir Steph-
ensen prédikar og mun m.a. segja
frá bók sem nú er mjög umrædd í
Skandinavíu, þar sem finnskur
læknir ræðir viðhorf sín til þess-
ara mála og eigin andlega reynslu.
(Frá Dómkirkjunni)
Aukin hagraeðing í ríkisbúskapnum:
Nefndir skila áliti um
Tollgæslu og ÁTVR
NEFNDIR, sem fjármálaráðuneytið
skipaði til að kanna leiðir til aukinn-
ar hagræðingar í Tollgæslunni og
ÁTVR, hafa skilað skýrslum til ráðu-
neytisins um ákveðnar tillögur í
þessum efnum.
Höskuldur Jónsson, ráðuneytis-
stjóri, sagði í samtali við blaða-
mann Morgunblaðsins, að hér
væri um bráðabirgðatillögur að
ræða og því ekki unnt að skýra
nánar frá þeim á þessu stigi. Sagði
hann að niðurstöður nefndanna
styddu þó mjög fyrri hugmyndir
manna um aukna hagræðingu í
þessum stofnunum. Nefnd um
aukna hagræðingu í Innkaupa-
stofnun ríkisins er að störfum, og
fyrirhugað er að skipa nefnd til að
gera tillögur um aukna hagræð-
ingu hjá Fasteignamati ríkisins.
Þá hefur hópur manna úr skatta-
kerfinu starfað að tillögugerð um
aukna hagræöingu á þeim vett-
vangi og er niðurstöðu að vænta
frá þeim innan tíðar.
Flugufregn í brezku blaði:
Sagt að sendiráð-
ið vildi kaupa hús
á milljón pund
FYRIR nokkru birtist frétt í brezka
blaðinu Evening SUndard þess efnis
að íslenzka sendiráðið í Lundúnum
værí á höttunum eftir húsnæði undir
sendiherrabústað og starfsemi
sendiráðsins. í greininni kom fram,
að húsnæðið mætti kosU allt að
einni milljón sterlingspunda, eða lið-
lega 40 milljónir króna.
Mbl. snéri sér af þessu tilefni til
Einars Benediktssonar, sendi-
herra íslands i Lundúnum, og
spurði hvort sendiráðið væri að
leita að húsnæði og væri reiðubúið
að greiða slíkar fjárhæðir. Hann
sagði að sendiráðið heföi lauslega
kannað markaðinn ef farið yrði
útí að festa kaup á sendiherra-
bústaö og húsnæði undir starf-
semina.
„Mér þótti miður að lesa þessa
frétt, því hún er úr lausu lofti
gripin. Við erum að sjálfsögðu
ekki reiðubúnir að greiða slika
fjárhæð fyrir húsnæði. Ég hafði
samband við fasteignasöluna, sem
þessi furðufrétt var eignuð, og
þeir tjáðu mér að þetta væri alls
ekki frá þeim komið. Raunar
höfðu þeir samband við blaðið til
þess að fá upp hverjir heimild-
armenn væru að fréttinni, en blað-
ið hafnaði þvi að gefa þá upp.
Þetta er allt saman á misskilningi
byggt," sagði Einar Benediktsson,
sendiherra.
Siglufjörður:
Flugbrautin lengd
úr 650 í 1200 metra
NÚ ER nýlokið framkvæmdum við
lengingu flugbrauUrinnar á Siglu-
firði úr 650 metrum 11200 metra. Að
sögn Rúnars Sigmundssonar, um-
dæmisstjóra Flugleiða, var aðak
framkvæmdin fólgin í því að farvegi
Skútuár var breytL Grafinn var
skurður, 300 metra langur og 15
metra breiður, og ánni beint þar L
Framkvæmdir við lengingu
brautarinnar hófust árið 1982, en
verkið var fyrst boðið út á þessu
ári. Lægsta tilboðið var frá Reyni
og Stefáni sf. á Sauðárkróki og
hljóðaði það upp á 800 þúsund
krónur. Rúnar sagði að þeir hefðu
leyst verkefnið með sóma og var
ákveðið að semja við þá áfram.
Lokakostnaður við verkið er um
tvær og hálf milljón króna. Enn er
eftir að ganga frá flugbrautarljós-
um o.fl.
Flugbrautin var formlega tekin
í notkun nú í október og sagði
Rúnar þetta vera mikla sam-
göngubót fyrir Siglfirðinga. Nú er
flugvöllurinn mun öruggari en áð-
ur og hraðfleygari vélar, eins og
Arnarflug og Flugfélag Norður-
lands nota, geta nú lent þarna all-
an ársins hring.