Morgunblaðið - 16.10.1985, Blaðsíða 3

MORGUNBLAÐIÐ, MIÐVIKUDAGUR16. OKTÓBER1985
3
30.000 manns
hafa séð Amadeus
NÚ HAFA um það bil 30.000 manns séð kvikmyndina Amadeus sem Há-
skólabíó hefur sýnt undanfarnar þrjár vikur. Myndin var frumsýnd um
miðjan september, og varð það að samkomulagi milli framleiðandans Saul
Zaentz og Háskólabíós að öll innkoma af frumsýningunni rynni til styrktar
hjartaskurðlækningum hér á landi.
Að sögn Friðberts Pálssonar,
framkvæmdastjóra Háskólabíós,
var aðsókn strax góð, en hefur
aukist jafnt og þétt, sem ekki er
óvanalegt þegar sýndar eru jafn
frægar og viðamiklar myndir eins
og Amadeus, en nú virðist ekkert
Aðrir áskrift-
artónleikar
Sinfóníuhljóm-
sveitarinnar
AÐRIR áskriftartónleikar Sinfóníu-
hljómsveitar íslands á þessu starfs-
ári verða í Háskólabíói annað kvöld,
fimmtudagskvöld, og hefjast kl.
20.30. Stjórnandi er aðalhljómsveit-
arstjóri Sinfóníuhljómsveitarinnar,
Jean-Pierre Jacquillat og einsöngvari
Ólöf Kolbrún Harðardóttir.
Á efnisskrá tónleikanna eru þrjú
verk; Cosi fan tutte, forleikur eftir
Wolfgang Amadeus Mozart, Sie-
ben fruhe Lieder eftir Alban Berg
og Sinfónía nr. 9 í C-dúr „Hin
stóra" eftir Franz Schubert.
(FrétUtilkynning.)
lát vera á aðsókninni. Friðbert
sagði að það tæki jafnan lengri
tíma að fá fullorðna fólkið í bíó.
Hann sagði ennfremur að myndin
yrði sýnd í Háskólabíói enn um
sinn, en síðan yrði hún færð yfir
í Regnbogann, sem Háskólabíó er
með á leigu, og þar myndi hún
verða næstu vikurnar.
Háskólabíó vakti athygli á í
auglýsingu um helgina að þessa
dagana væru að koma út í Bret-
landi myndbönd með kvikmyndun-
um The Killing Fields og Amad-
eus, og þar sem borið hefur á því
að nokkrar kvikmyndaleigur á
íslandi hafi reynt að kaupa eða
keypt þessi myndbönd til leigu á
íslandi vildi Háskólabíó benda á
að bíóið hefur einkarétt á að selja
þessi myndbönd til dreifingar eða
leigu hér á landi. Bíóið fór því fram
á að myndbönd þessi verði ekki
keypt eða leigð út nema þau séu
keypt af Háskólabíói.
I sömu auglýsingu óskaði bíóið
eftir samstarfi við neytendur eða
viðskiptavini myndbandaleiga á
íslandi. Háskólabíó mun greiða
1.500 kr. til þeirra sem skila
myndum þessum til skrifstofu
Samtaka rétthafa myndbanda á
íslandi.
Morgunblaðiö/Snorri Snorrason
Kanadíski togarinn lengdur
Vinna við fyrsta kanadíska togarann sem verið er að breyta í Slippstöð-
inni á Akureyri gengur vel að sögn Gunnars Ragnars forstjóra Slipp-
stöðvarinnar. Eins og sést á myndinni er búið að taka togarann í
sundur, en verið er að lengja hann um 6,4 metra til þess að hann
beri jafn mikið af fiski og áður eftir að hann hefur verið kassavæddur.
Breytingunum verður lokið fyrir áramót, en annar togarinn í þessu
verkefni Slippstöðvarinnar kemur í næsta mánuði og tveir til viðbótar
eftir áramót.
Liðsmenn Mezzoforte, Gunnlaugur Briem, Noel McCalla söngvari, Jóhann Ásmundsson, Friðrik Karlsson og
Eyþór Gunnarsson.
Steinar Records eyknr umsvifín:
Stór útgáfufyrirtæki
slást um Mezzoforte
— og Shady Owens á samning í Bandaríkjunum
STEINAR Records í London hefur
gert samning við stórfyrirtækið
RCA um útgáfurétt á tónlist
hljómsveitarinnar Mezzoforte í
Pýskalandi og Austurríki, sem er
þriðji stærsti hljómplötumarkaður
heims, á eftir Bandaríkjunum og
Japan. Jafnframt hefur Steinar
Records gert samning við banda-
ríska hljómplötufyrirtækið „Em-
ergency Records" um útgáfu á lagi
Shady Owens, „Get Right Next To
You“ í Bandaríkjunum.
„Eftir að hafa kynnt lagið
„This Is The Night“ með Mezzo-
forte í Evrópu hefur síminn ekki
stoppað hjá mér og það má segja
að öll stærstu fyrirtækin sláist
um að fá Mezzoforte á samning
hjá sér,“ sagði Steinar Berg ís-
leifsson í samtali við Morgun-
blaðið. „Eftir að samningurinn
við Polydor rann út ákvað ég að
gera ekki samning við neitt eitt
fyrirtæki um útgáfuréttinn í
Evrópu, heldur semja um hvert
land fyrir sig. Öll stærstu fyrir-
tækin hafa sett sig i samband
við mig, svo sem CBS, WEA,
Teldec, Bellaphone, Ariola, RCA
og fleiri, sem vildu gera samn-
inga til langs tíma við hljóm-
sveitina eftir að þeir vissu að við
vorum lausir. Ég vissi reyndar
fyrir að Mezzoforte var vel
kynnt í Evrópu, en þessi mikli
áhugi þessara stórfyrirtækja
kom mér mjög á óvart. Þýska-
land er okkar mikilvægasti
markaður og þessi samningur
við RCA er að mínum dómi mjög
hagstæður,“ sagði Steinar Berg.
„Hann felur i sér miklar og
góðar tryggingar. Þeir tryggja
okkur á næsta ári sem nemur
einni milljón íslenskra króna
fyrir næstu LP-plötu. Þetta er
bara fyrirframgreiðsla upp i
ágóðahlut, en þess ber að geta að
ein plata með Mezzoforte kostar
um 2 milljónir í framleiðslu. En
það er auðvitað mikill kostur að
hafa helminginn af þeim kostn-
aði tryggðan með þessum hætti.
Auk þess skuldbinda þeir sig til
að eyða annarri milljón í auglýs-
ingar og kynningar á hljómsveit-
inni og jafnframt skuldbinda
þeir sig til að meðhöndla Mezzo-
forte sem forgangsatriði ásamt
þeim stóru sem þeir hafa á sín-
um snærum, svo sem Stevie
Wonder og Eurythmics."
Steinar sagði ennfremur að
gengið hefði verið frá samningi
um útgáfu á lítilli plötu með
Shady Owens fyrir Bandaríkja-
markað. „Að ná svona samningi
inn á Bandarikjamarkað er i
sjálfu sér stórmál en þetta fyrir-
tæki er mjög sterkt í útgáfu
danstónlistar í Bandaríkjunum,
hefur meðal annars verið með
söngkonuna Shannon á sínum
snærum. Þeir hafa einnig sýnt
Mezzoforte mikinn áhuga og
vilja gefa „This is the Night“ út í
Ameríku. En þeirra stefna er að
gera aðeins skammtíma samn-
inga um eitt og eitt lag, en hins
vegar hef ég haft það fyrir reglu
að gera ekki skammtímasamn-
inga með Mezzoforte. En það
standa yfir samningaviðræður
um þetta og ekki hægt að segja á
þessu stigi hvað úr verður,“
sagði Steinar Berg ísleifsson.
3
FLUGLEIÐIR GERA ÞÉR
KLEIFT AD TAKA
ELSKLÍNA ÞINA MEÐ
-fr\4t
ÍNNANLANDS
Ef þú ferðast mikið með Fluglelðum Innanlands átt þú það á
„hættu“ að fá einn daginn frímiða upp í hendurnar, sem gildir
til hvaða áfangastaðar okkar sem er innanlands - fram og til
baka. Við gefum þér nefnilega punkta í hvert skipti sem þú
ferðast með okkur og þegar þú ert búin/n að fljúga 13—17
sinnum á fjórum mánuðum finnst okkur tími til kominn að við
borgum farið - ekki þú. Fáðu safnkort hjá afgreiðslufólki
Flugleiða og láttu það kvitta fyrir þegar þú kaupir flugmiða. Við
munum sjá um það að skrá punktana og senda þér frímiðann
— og þá getur þú tekið elskuna með þér i flugið til tilbreytingar
— frítt...
FLUGLEIDIR