Morgunblaðið - 11.01.1986, Side 36
36
MORGUNBLAÐIÐ, LAUGARDAGUR11. JANÚAR1986
Ast er...
.. .að vinna hvort
fyrir annað.
Með
morgunkaffínu
TM R«0- U.S. Pat. Otl — all rtahts reserved
________c 1978 Los Anoelee Tlmes__________
Gæti ég fengið að láni
„viðskiptablaðið“?
HÖGNI HREKKVlSI
» hanh er möe Pöóvll nóma... venjulega
ER. H AKIM ALVB6 ÓpOLAUQl PBGAR ÚG TALA
sÍMAMM "
Dæmið ekki svo þér
verðið eigi dæmdir
Til Velvakanda.
Eitt af því sem alltof mikið ein-
kennir samræður nianna er illt
umtal. Miklum tíma og orku er
óneitanlega varið í að tala illa um
náungan baktala hann, gera lítið úr
honum og helst niðurlægja hann.
Sennilega hefur fátt valdið meiri
skaða gegnum aldimar en einmitt
þetta. Jesús notaði líkinguna um
bjálkann og flísina og spurði: Hví
fæst þú um flísina í auga bróður
þíns en tekur ekki eftir bjálkanum
í auga þínu? Þetta er sönn lýsing
á framkomu manna. Við eigum svo
undur auðvelt með að sjá það sem
miður fer í fari annarra. Og oft
leggjum við okkur fram um að finna
hinar veiku hliðar samferðamann-
anna til þess að geta síðar gert lítið
úr þeim og helst dæmt þá ómerka.
Það er raunar ótrúlegt hvað við
mennimir getum lagst lágt í að
dæma aðra án þess oft á tíðum að
gera minnstu tilraun til að setja
okkur í spor viðkomanda.
Ættum við ekki frekar að spyija
okkur sjálf: Hvemig hefði ég sjálfur
brugðist við í þessum sömu ástæð-
um og náungi minn sem féll í synd
eða þurfti að láta í minni pokann
vegna einhvers. Hvemig hefði ég
mætt sömu aðstæðum og sá sem
gersamlega hefur orðið undir í lífs-
baráttunni? Það er auðvelt að benda
á utangarðsmanninn, sem flækist
um götumar dag eftir dag og
hneikslast á ræfíldómi hans. Er
ekki oft sagt um slíka menn að
þeir séu bara aumingjar sem eigi
að rífa sig upp og fara að vinna
eins og aðrir menn. En þegar við
fömm að setja okkur inn í líf þeirra
verður oft annað uppi á teningnum.
Við verðum að læra þá list að setja
okkur í spor þeirra sem við áfell-
umst og breyta gagnvart þeim eins
og við viljum að breytt yrði við
okkur við sömu aðstæður. Bjálkinn
í okkar eigin auga er sannarlega
fyrirferðarmikill ef við skoðum for-
tíð okkar í sannleika, hvað þá ef
við gemm það í ljósi kærleikans.
Gunnar Halldórsson
Þessir hringdu ..
Bílstjórar
hætti að leggja
á gangstéttum
Vegfarandi hringdi: „Mér
hefur alltaf skilist að það sé ólög-
legt að leggja á gangstéttum, en
lítið virðist vera gert í því að sekta
ökumenn sem gera það. Ef maður
á t.d. leið um Hverfísgötu eftir
hádegi er það hrein undantekning
að þar séu ekki bílar uppá gang-
sétt, þannig að gangandi fólk
kemst varla leiðar sinnar. Hvers
vegna er ekki hægt að hafa meira
eftirlit með þessu? Það er heldur
skrítið að ökumönnum líðist að
bijóta lögin svona á hveijum
degi.“
Teigabúar
efndu aldrei til
mótmæla gegn
barnaheimilinu
Teigabúi hringdi: „Ifyrir nokkm
kom fram að hætt hefði verið við
að reisa bamaheimili fyrir fjölfötl-
uð börn á lóð, sem er við Kringlu-
mýrarbraut, sökum þess að íbúar
í Teigahverfí hefðu mótmælt því
að bamaheimilið yrði reist þar. Ég
veit hins vegar ekki til þess að
neinn undirskriftalisti hafí gengið
í hverfinu og hef ég þó talað við
fjölmarga sem þar eiga heima.
Þama hlýtur að hafa verið um
einhvem mjög fámennan hóp að
ræða og hefur það fólk látið eins
og það talaði fyrir meirihluta
hverfísbúanna. Einhversstaðar sá
ég því haldið fram í blaðagrein
að bamaheimilið myndi skyggja á
kirkjuna, sem er eins og hver
önnur vitleysa því kirkjan stendur
víðsfjarri lóðinni, þar sem bama-
heimilið átti að rísa. Að lokum
vil ég beina því til borgarstjómar
að lóð þessi verði tekin frá og þar
verði reist einhver þjónustubygg-
ing þegar þörf er á.“
Konan í list
Asmundar
Sigrún hringdi: „Mig langar til
að vekja athygli á sýningu sem
nú stendur yfír í Ásmundarsafni
ognefnist Konan í list Ásmundar
Sveinssonar. Hér er um athyglis-
verða sýningu að ræða og hrífandi
að skoða þessi verk meistarans
sem öll tengjast konum með ein-
um eða öðrum hætti."
Víkverji skrifar
Sennilega eru greiðslukortin
einhver mesta breyting, sem
orðið hefur í viðskiptalífí þjóðarinn-
ar um langt árabil. Notkun þeirra
mun dálítið mismunandi eftir því
um hvers konar verzlun og þjónustu
er að ræða en sums staðar mun
hún nema um helming af viðskipt-
um og jafnvel liðlega það. Fyrir
rúmu ári gerðu nokkrar matvöru-
verzlanir tilraun til að hætta mót-
töku greiðslukorta en hafa allar
gefízt upp við það. Nú
beinistóánægja seljenda vöru og
þjónustu að greiðslu söluskatts til
ríkisins. Þeir telja margir hveijir
óeðlilegt að þeir þurfí að greiða
söluskattinn fyrr en peningamir eru
komnir inn. Aðalinnheimtumaður
ríkisins er hins vegar ekki á sama
máli. Víkveiji hefur heyrt þá skoðun
í þessum hópi, að þetta muni leiða
til þess að söluskattssvik muni
færast í aukana, þar sem kaupmenn
og aðrir eigi einfaldlega ekki pen-
inga til þess að greiða söluskatt af
greiðslukortaviðskiptum á þeim
tíma, sem nú er gert ráð fyrir.
Bankamaður hefur hins vegar sagt
að þetta vandamál söluskattsgreið-
enda sé orðum aukið. Aðeins muni
5 dögum á eindaga söluskatts og
greiðsludegi kortafyrirtækjanna til
kaupmanna og annarra viðskipta-
vina þeirra. Ef um vandamál sé að
ræða sé eðlilegt að viðskiptabanki
viðkomandi fyrirtækja leysi þennan
vanda þessa örfáu daga. Hins vegar
sé lítið um það, að fyrirtæki óski
eftir fyrirgreiðslu vegna greiðslu
söluskatts. Sumir viðskiptamanna
kortafyrirtækjanna telja aðra leið
færa í þessum efnum nefnilega þá,
að kortafyrirtækin geri oftar upp
greiðslur. Þeir benda á að í samn-
ingi Diners Club-fyrirtækisins í
Danmörku við aðila hér á landi sé
gert ráð fyrir að uppgjör fari fram
vikulega og spyija hvenær Diners
Club heiji innanlandsviðskipti hér
til þess að auka samkeppni við
kortafyrirtækin, sem til staðar eru
XXX
Annars segja sumir þeirra, sem
taka á móti greiðslukortum í
viðskiptum, að kortafyrirtækin séu
erfíð viðureignar. Einn viðmælenda
Víkveija kvaðst hafa farið með 25
sölunótur til Visa en þegar kom að
greiðsludegi hefði honum veríð
neitað um greiðslu vegna þess að
ein nóta af 25 hefði verið dagsett
19. viðkomandi mánaðar og hefði
hún slæðst með fyrir vangá. A
þessum forsendum hefði öll greiðsl-
an verið stöðvuð þar til mánuði
seinna. Viðmælandi Víkveija sagði
að „litlir karlar" eins og hann
mættu sín lítils í viðskiptum við
svona stórfyrirtæki.
Sprengjugabbið í miðborg
Reykjavíkur í fyrrakvöid og
handtaka erlends manns að ósk
Interpol minna okkur enn einu sinni
á hvað við erum komin í mikla ná-
lægð við skuggahliðar hins stóra
heims. Til allrar hamingju var ekki
um sprengju að ræða við
Oddfellow-húsið en hvenær kemur
að því, að hótunin verður meira en
hótun? Og aðvörun Interpol um að
hinn erlendi maður, sem þurfti að
handtaka, kynni að vera vopnaður
sýnir okkur líka að fríðurinn er að
verða úti hér í þessari afdalasveit
Evrópu. Þótt ekki hafí komið til
sprengingja eða vopnaðra átaka að
þessu sinni má búast við því hvenær
sem er úr þessu. Það sýnir nauðsyn
þess að efla löggæzlu í landinu til
mikilla muna.
XXX
Afsagnir ráðherra eru skemmti-
leg hefð í brezkum stjóm-
málum. Afsögn brezka landvamar-
ráðherrans í fyrradag vegna ágrein-
ings við forsætisráðherrann er nýj-
asta dæmið um það. Hér tala ráð-
herrar út og suður og segja eitt í
dag og annað á morgun. Hvenær
gerist sá atburður á Islandi að ráð-
herra segi af sér embætti vegna
málefnaágreinings?