Morgunblaðið - 14.03.1991, Blaðsíða 29
28
MORGUNBLAÐIÐ FIMMTUDAGUR 14. MARZ 1991
MORGUNBLAÐIÐ FIMMTUDAGUR 14. MARZ 1991
29
Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Árvakur, Reykjavík
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
BjörnJóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1100 kr. á mánuði innanlands. í lausasölu 100 kr. eintakið.
Vindum ofan af
óreiðunni
Vinstri stjórnir hafa allar
reist sér sams konar
bautastein. Þær þyngja veru-
lega skattbyrði almennings og
atvinnuvega, eyða langt um-
fram tekjur í ríkisbúskapnum
og binda skattgreiðendum
níðþunga skuldabagga.
A fjögurra ára tímabili,
1988-1991, hafa skattar til
ríkisins hækkað um fimmtán
til sextán milljarða króna. Á
sama tíma stefnir í þijátíu millj-
arða króna uppsafnaðan halla
ríkissjóðs. Þegar útgjöldin vaxa
umfram tekjur verður að fjár-
magna hallann með lántökum,
innlendum og erlendum.
Lánsfjárþörf ríkisins er
meginorsök hárra vaxta hér á
landi. Alþýðublaðið greinir frá
því í gær að erlend lán hafi
numið hvorki meira né minna
en 178 milljörðum króna —
52,9% af landsframleiðslu —
um síðastliðin áramót. Það
svarar til þess að hver fjögurra
manna fjölskylda skuldi lang-
leiðina í þrjár milljónir í útlönd-
um. Fimmta hver króna af út-
flutningstekjum fór í að greiða
vexti og afborganir af erlendum
lánum. Vaxtagreiðslan ein af
þessum erlendu skuldum nam
um 39 m.kr. á dag í fyrra. í
riti Þjóðhagsstofnunar, „Bú-
skapur hins opinbera 1980-
1989“, kemur m.a. fram, að
vaxtagjöld ríkissjóðs voru 9.644
m.kr. árið 1989; hafa hækkað
úr 5,4% af heildarútgjöldum
ríkissjóðs 1980 í 10,6% 1989
og úr 1,4% af landsframleiðslu
1980 í 3,3% 1989.
Á Landsfundi Sjálfstæðis-
flokksins um síðastliðna helgi
var mótuð stefna í skattamálum
undir kjörorðunum: minni
ríkisumsvif — minni skatt-
heimta. Þar setur flokkurinn sér
það fyrsta markmið að koma í
veg fyrir boðaðar skattahækk-
anir ríkisstjómarflokkanna.
Samhliða á að stöðva þenslu í
umsvifum ríkisins og stefna að
jöfnuði í ríkisbúskapnum, m.a.
með aðhaldi, hagræðingu,
einkavæðingu og einfaldara
skattkerfi. Þetta er nauðsynlegt
til að styrkja íslenzkt atvinnulíf
í samkeppni við umheiminn.
„Minni ríkisumsvif eru forsenda
aukinnar verðmætasköpunar
og þar með tryggasta leiðin til
að létta skattbyrði og bæta al-
menn lífskjör.“
I ályktuninni segir að einka-
væðing gegni lykilhlutverki til
að tryggja minni ríkisumsvif,
auka valddreifingu og athafna-
frelsi í flestum ríkjum heims.
„Með einkavæðingu er unnt að
auka tekjur ríkisins um fáeina
milljarða á ári í fáein ár til að
gefa svigrúm til skattalækkana
meðan unnið er að lækkun
ríkisútgjalda."
Þar segir og: „Skattkerfíð á
að verða eins hlutlaust og nokk-
ur kostur er með tilliti til at-
vinnugreina, viðskipta- og
rekstrarformá, sparnaðarforma
og umfram allt ekki atvinnuletj-
andi eins og nú er. Til að ein-
falda skattheimtuna og gera
hana skilvirkari þarf að treysta
og afmarka skattstofna, lækka
skatthlutföll, fækka skattþrep-
um, fækka undanþágum og
breikka skattstofna."
Meðal markmiða, sem stefnt
skal að, samkvæmt ályktun
landsfundar, eru:
* Lækkun virðisaukaskatts í
15%, þann veg að hann verði
svipaður og í öðrum Evrópuríkj-
um. Þessu markmiði á m.a. að
ná með breikkun skattstofnsins
(fækkun undanþága).
* Tekjuskattshlutfall fyrir-
tækja verði lækkað niður í
30-35%.
* Eignarskattur af íbúðarhús-
næði verði afnuminn.
* Tekjuskattur á unglinga und-
ir 16 ára aldri verði afnuminn.
* Aðstöðugald verði afnumið.
Davíð Oddsson, nýkjörinn
formaður Sjálfstæðisflokksins,
sagði í landsfundarræðu:
„Við höfum ekki sagt ennþá,
að við ætlum að afnema alla
skatta, sem ríkisstjórn Stein-
gríms Hermannssonar hefur
sett. Auðvitað stendur von okk-
ar og vilji til þess, en við vitum
að slíkt er hægara sagt en gert.
Það tekur tíma að vinda ofan
af óreiðunni.
En við skulum segja við okk-
ur sjálf, að sú ákvörðun að lýsa
því yfír, að við munum ekki
hækka skattana, er aðeins
fyrsta skrefið til að stoppa þann
skriðþunga skuldasöfnunar og
skattahækkana, sem núverandi
ríkisstjórn hefur staðið fyrir.
Fyrst stoppum við af skatta-
hækkunarskriðuna og svo vind-
um við ofan af þeim. Skattana
verður að lækka ... Eg segi
þetta er fyrst og fremst spum-
ing um hugarfar, miklu meiri
spurning um hugarfar en sund-
urliðun á einstökum þáttum þar
sem niðurskurðarhníf verði
beitt. Hér reynir á grundvallar-
afstöðu og þær pólitísku hug-
sjónir sem menn hafa.“
Aukið vægi EB í varnarmálum:
Bandaríkin taka hug-
myndum Delors fálega
Brussel. Frá Kristófer M. Kristinssyni, fréttaritara Morgunbladsins. London. Reuter.
JACQUES Delors, forseti framkvæmdastjórnar Evrópubandalagsins
(EB), reifaði í siðustu viku hugmyndir sínar um aukið vægi bandalags-
ins í varnar- og öryggismálum. Hugmyndir þessar hafa hlotið misjafn-
ar móttökur og að sögn heimildarmanna eru það einkum Bandaríkja-
menn sem hafa efasemdir um ágæti þeirra.
I ræðu sem Delors hélt hjá Al-
þjóða hermálastofnuninni í London
sagði hann að viðsjár í heimsrnálum
kölluðu á viðbrögð af hálfu EB.
„Allt í kringum okkur fléttast sam-
an óvægin metorðagirnd, valda-
græðgi og uppreisnir þjóða og
skapa hættulegar aðstæður," sagði
Delors. Hann sagði að Evrópumenn
þyrftu að gera sér grein fyrir að
það þyrfti að veija frelsið og lýð-
ræðið.
Bandaríkjamenn hafa látið í ljós
ótta við að aukinn samruni ríkja
Evrópubandalagsins kunni að koma
niður á vamarsamstarfinu innan
Atlantshafsbandalagsins (NATO).
Delors sagði slíkan ótta óviðunandi
ef Bandaríkjamenn ætluðu í kjölfar
hans að torvelda samruna Evrópu.
Hann sagði að EB styddi nýsköpun
Atlantshafsbandalagsins og væri
reiðubúið til að axla aukna ábyrgð
innan þess. „Þetta ætti ekki að
koma í veg fyrir að Evrópubanda-
lagið markaði sér stefnu um mál-
efni utan ramma Atlantshafssátt-
málans — að höfðu viðeigandi sam-
ráði að sjálfsögðu.“
Ræða Delors var túlkuð svo af
embættismönnum í Brussel, þar
sem eru höfuðstöðvar EB, að hann
vildi ganga lengra en Frakkar og
Þjóðveijar sem hafa lagt til að
Vestur-Evrópusambandið svokall-
aða verði endurvakið og gert að
nokkurs konar brú milli EB og
NATO í varnarmálum. Fram-
kvæmdastjórn EB hefur þegar Jagt
fram tillögurf anda hugmynda ítala
um að Vestur-Evrópusambandið
sjái um varnarmál fyrir hönd
bandalagsins.
Leiðtogar Evrópuríkja innan
NATO hafa tekið hugmyndum Del-
ors vel vegna þess að í þeim er
NATO, Evrópubandalaginu og
Vestur-Evrópusambandinu ætlað
að gegn ákveðnu hlutverki. John
Major, forsætisráðherra Bretlands,
hefur þó varað við því að dregið
verði úr beinni þátttöku Bandaríkja-
manna í vörnum Evrópu. Sam-
kvæmt heimildum í Brussel eru
Bandaríkjamenn á hinn bóginn tor-
tryggnir gagnvart þessum hug-
myndum og óttast að þær geti orð-
ið til að einangra þau Evrópuríki
sem ekki eiga aðild að EB og fjölg-
að tilefnum til árekstra á milli EB
og Bandaríkjanna á vettvangi Atl-
antshafsbandalágsins.
Reuter
Trabantalager
Erfitt er nú að finna kaupendur að Trabant-bifreiðum í Tékkó-
slóvakíu og er það af _sem áður var er fólk beið í allt að fimmtán ár
eftir slíkum farkosti. I bænum Hradec Kralove í Bæheimi eru yfir-
byggingar Trabants geymdar og hefur lítil hreyfing verið á þeim
undanfarið ár jafnvel þótt verð hafi verið lækkað geysilega.
Reuter
12 létust í 30 bíla árekstri
Þijátíu bílar, þ.á m. stór flutningabíll, lentu í árekstri í gær á M4-hraðbrautinni sem tengir Lundúnir við
Suðvestur-England. í flutningabílnum voru gashylki með própangasi sem sprungu við áreksturinn. Tólf
manns létu lífíð og 25 slösuðust. Þoka var þegar óhappið átti sér stað.
Umbótum s-afrískra stjórnvalda hafnað:
Brottreknir blökku-
menn fái jarðnæði
endurgjaldslaust
Jóhannesarborg. Reuter.
AFRISKA þjóðarráðið (ANC) og flesl önnur samtök blökkumanna í
Suður-Afríku höfnuðu í gær nýjustu tillögum stjórnar hvíta minnihlut-
ans þar sem allar hömlur á eignarrétt blökkumanna á jarðnæði eru
afnumdar. Samtök blökkumanna krefjast þess að fólk sem missti jarð-
næði sitt er aðskilnaðarstefnan var lögfest fyrir rúmum fjónim áratug-
um fái það á ný endurgjaldsiaust.
Áhrif verkfalla kolanámumanna í Sovétríkjunum:
Stálbræðsla og olíuvínnsla
stendur frammi fyrir hruni
Baskíría í Sovétríkjunum:
KGB varar við að lýð-
veldið verði óbyggilegt
Moskvu. Reuter.
ÖRY GGISLÖGREGL A Sovétríkj-
anna, KGB, sagði í gær að Sovét-
lýðveldið Baskíría við Úralfjöll,
geti innan tíðar orðið óbyggilegt
ef ekki verði gripið til róttækra
aðgerða til að minnka mengun.
í lýðveldinu búa fjórar milljónir
manna og þar hafa orðið einhver
verstu umhverfisslys Sovétríkjanna.
Á síðasta ári var skrúfað fyrir vatn
til höfuðborgarinnar Ufa í marga
daga eftir að úrgangur frá efnaiðn-
aði eitraði vatnsból borgarinnar.
Leiðslur eru enn þurrar í stórum
hluta borgarinnar.
Sovéska fréttastofan TASS birti
í gær beiðni KGB til yfirvalda í
Baskíríu. Þar sagði að lýsa þyrfti
yfír neyðarástandi á stórum svæð-
um í lýðveldinu vegna mengunar.
Efnaverksmiðjur í Baskíríu, sem
hefði að sögn Tass átt að vera búið
að loka fyrir löngu, hafa losað millj-
ónir tonna af eiturefnaúrgangi út í
jarðveginn. Loftmengun er einnig
gífurleg vegna eitraðra lofttegunda
sem sleppt hefur verið út í andrúms-
loftið.
„Ástand umhverfismála í lýðveld-
inu er löngu komið yfír hættumörk^
Sérfræðingar KGB spá því að verði
ekki gripið til róttækra aðgerða sé
allt líf í Baskíríu dauðadæmt," sagði
Vladímír Podeljakín, talsmaður
KGB í Baskíríu.
Moskvu, Bonn. Reuter.
FIMM stálbræðsluver í Úkraínu
urðu í gær að loka bræðsluofnum
sínum vegna kolaskorts í kjölfar
verkfalls kolanámumanna undan-
farnar tvær vikur. Samkvæmt
frétt frá TASS-fréttastofunni er
hætta á að sumum bræðsluver-
anna verði að loka til frambúðár
þar sem skyndilokun af þessu tagi
getur eyðilagt bræðsluofna. t gær
tilkynntu sljórnendur Tjúmen-
olíuvinnslusvæðisins í Síberíu,
sem er ein helsta gjaldeyristekju-
lind Sovétríkjanna, að vinnslu-
svæðið væri að hruni komið.
Verkföll kolanámumanna á helstu
námavinnslusvæðum Sovétríkjanna,
Donbass í Úkraínu og Kúsbas í
Síberíu, halda áfram en námumenn-
irnir krefjast annars vegar hærri
launa og hins vegar afsagnar
Míkhaíls Gorbatsjovs, forseta Sov-
étríkjanna. Á mánudag hvöttu leið-
togar námumanna til allsheijarverk-
falls. Fregnir úr þessum tveimur
héruðum eru taldar benda til að
stuðningur við verkföllin sé stöðugur
en að ekki séu teikn á lofti um að
þau séu að breiðast frekar út.
1 Verkalýðsleiðtogar í Donetsk,
námumiðstöð Donbassvinnslusvæð-
isins sögðu námamenn í 60 námum
af 254 vera í verkfalli. Sambærileg-
ar tölur frá Kúsbas eru 13 námur
af rúmlega 70.
í viðtali sem birtist í þýska dag-
blaðinu »Bild í dag segist Boris
Jeltsín vilja eyðileggja hið miðstýrða
stjórnmálakerfí Sovétríkjanna.
„Gorbatsjov vill sterka miðstýringu
og veik lýðveldi. Hann vill viðhalda
kerfínu en ég vil eyðileggja það,“
segir Jeltsín m.a. í viðtalinu sem
sent var fréttastofum í gær. Hann
segir einnig að komi Gorbatsjov til
hans og leiti sátta muni hann svara:
„Of seint. Þú ert búinn að missa af
lestinni. Ég lagði þetta til fyrirþrem-
ur árum.“ Jeltsín segist ekki hafa
■hug á að taka við af Gorbatsjov.
Ilann hafí nóg fyrir stafni í Rúss-
landi.
• Pravda, málgagn sovéska
Kommúnistaflokksins, sagði í gær
að pólitískt brotthvarf Sovétríkjanna
frá ríkjum Austur-Evrópu mætti
ekki leiða til þess að ríkið sæti uppi
með hóp landa við vesturlandamæri
sín sem væru Sovétríkjunum and-
snúin. Voru lönd Austur-Evrópu
vöruð við að daðra við hugmyndir
um inngöngu í Atlantshafsbandalag-
ið. Sagðist blaðið vera að endur-
spegla álitsgerðir sem miðstjórn
Kommúnistaflokksins hefði unnið að
í janúar á þessu ári.
„Viðbrögð ANC við hvítbók
stjórnarinnar um jarðnæðisumbæt-
ur eru bræði og sár vonbrigði,"
sagði í yfirlýsingu samtakanna.
Sagt er að stjórnvöld gangi út frá
stöðu mála eins og hún sé nú en
hirði ekkeit um þá fátækt er sé
bein afleiðing af aðskilnaðarstefn-
unni, apartheid, sem framkvæmd
var með þeim hætti að fjölmargt
blökkufólk var neytt til að yfírgefa
býli sín og skipað að setjast að í
svonefndum heimalöndum. Heima-
lönd svertingja njóta flest sjálfstæð-
is að einhveiju eða öllu leyti en eru
yfírleitt kostarýr. Lögin um aðskiln-
að kynþáttanna voru sett 1948 og
á næstu árum er talið að 3.5 milljón-
ir blökkumanna hafí verið hraktar
frá heimilum sínum, oft með vopna-
valdi.
Stoffel van der Merwe mennta-
málaráðherra segir að blökkumönn-
um verði gert kleift að kaupa jarð-
ir sem nú eru í ríkiseigu á lágu
verði og fjárhagsaðstoð til slíkra
viðskipta, sem áður hefur eingöngu
verið ætluð hvítum, muni nú einnig
verða veitt svertingjum. Samafríska
þjóðarráðið (PAC), samtök rót-
tækra vinstrisinna úr röðum
blökkumanna, sagði tillögurnar
ganga í rétta átt en of skammt.
„Fólkið okkar var rænt eignum
sínum með vopnavaldi. Það er órök-
rétt og ruddalegt að gera ráð fyrir
því að við kaupum á ný jarðnæði
sem var rænt frá okkur,“ sagði
talsmaður samtakanna sem vilja að
stjórn blökkumanna taki völdin í
Suður-Afríku og hvítir fái engan
fulltrúa í ríkisstjórn.
Kohl vill leyfa beitingu
hersins utan Evrópu
rnWe
Bonn. Keuter.
HELMUT Kohl, kanslari Þýskalands, krafðist þess í gær að ÞjóðVerj-
ar gætu í framtíðinni tekið fuilan þátt í hernaðaraðgerðum Samein-
uðu þjóðanna en Þjóðverjar voru mjög gagnrýndir fyrir lítið framlag
sitt í stríðinu gegn írökum.
Kohl sagði að þar sem Þýskaland
væri nú sameinað þyrftu Þjóðveijar
að axla meiri ábyrgð í málefnum
heimsins, einnig þegar það þýddi
að gæta þyrfti öryggis utan Evr-
ópu. Við sameiningu þýsku ríkjanna
í október sl. gafst Þjóðveijum stór-
gott tækifæri til að breyta stjórnar-
skrá sinni, en í henni er leyfílegur
herstyrkur mjög takmarkaður
vegna ósigursins í síðari heimsstyij-
öldinni.
Yfírlýsing Kohls var afdráttar-
lausasta innleggið í deilur um það
hvort þýskar hersveitir eigi aðeins
að gegna friðargæslu erlendis eða
taka fullan þátt í aðgerðum líkt og
þeim sem gripið var til við Persa-
flóa. Yfirlýsingin var þegar í stað
gagnrýnd mjög af stjórnarandstöð-
unni og talið er að margir Þjóðveij-
ar séu algjörlega mótfallnir því að
þýski herinn geti gegnt slíku hlut-
verki erlendis.
Yerkföll, mótmæli og efnahagsöngþveiti í Sovétríkjunum:
Framtíð Gorbatsjovs sögð
ráðast á næstu mánuðum
STAÐA Míkhaíls Gorbatsjovs, forseta Sovétríkjanna, hefur sjaldan
verið veikari en nú. Örfáum dögum áður en gengið verður til at-
kvæða í ölium sovétlýðveldunum um nýjan sambandssáttmála eru
helstu atvinnugreinar landsins að stöðvast vegna verkfalla kola-
námumanna. Meðal krafna verkfallsmannanna er að forsetinn segi
af sér. Birtar hafa verið skýrslur sem spá algjöru hruni í efna-
hagslífinu. Um hálf milljón manna er talin hafa tekið þátt í mótmæl-
um í fjölmörgum sovéskum borgum um síðustu helgi þar sem þátt-
takendur lýstu yfir stuöningi við Borís Jeltsin, forseta Rússlands,
en andstöðu við Gorbatsjov. Að sögn Peter Vassílíjev, hjá fréttastof-
unni Interfax í Moskvu, eru margir sovéskir sljórnmálaskýrendur
nú þeirrar skoðunar að grípi Gorbatsjov ekki til mjög róttækra
aðgerða á næstu sex til tólf mánuðum verði hann að segja af sér.
„Ef engar framfarir verða á
þessu tímabili mun ástandið knýja
hann til afsagnar," sagði Vassílíjev
við Morgunblaðið i gær. „Til að
geta setið áfram í embætti þrátt
fyrir hina gífurlegu almennu
óánægju verður Gorbatsjov að taka
af skarið. Hann verður að kynna
mjög róttækar umbætur og sýna
fram á að hann er stuðningsmaður
umbótastefnunnar, perestrojkunn-
ar. Hann verður að sanna að hann
hafi ekki snúið baki við þeim hug-
myndum sem hann sjálfur kom
upphaflega á framfæri.“
Hraðari umbóta þörf
Aðspurður um líkurnar á að
Gorbatsjov tækist þetta sagði
Vassílíjev hann hafa sýnt í gegnum
árin að hann væri mjög slyngur
stjórnmálamaður þótt galdramað-
ur væri hann vissulega ekki. Ef
litið væri á verk hans að undan-
förnu og þau greind kæmi í ljós
að hann væri þrátt fyrir allt að
færa Sovétríkin í átt til aukins
markaðsbúskapar, mannréttinda
og mannlegra samfélags. Þetta
gerðist hins vegar mjög hægt.
Hraðari umbóta væri hins vegar
þörf ætlaði hann sér að halda velli.
Þegar Vassílíjev var spurður
hvort að mótmælin um helgina
hefðu verið skipulögð af Jeltsín
sagði hann svo ekki beinlínis verá.
Þau hefðu verið skipulögð af
stuðningsmönnum Jeltsíns, rússn-
eskum þingmönnum í sovéska full-
trúaþinginu og Æðsta ráðinu,
óháðum lýðræðislegum samtökum
og ýmsum andstæðingum Gorb-
atsjovs. Viðbrögð almennings í
Moskvu gagnvart mótmælunum
sagði hann vera mjög skipt. Marg-
ir styddu þau heilshugar en aðrir
teldu þau vera gagnslaus. Þarna
væri að mati síðarnefnda hópsins
einungis verið að eyða kröftunum
í stór orð í stað aðgerða.
Kunnuglegar
baráttuaðferðir
Aðspurður um muninn á Jeltsín
og Gorbatsjov sagði hann: „Það
er alveg ljóst að það eru hinar
sérstöku aðstæður sem hafa gert
Jeltsín að svo sterkum ieiðtoga.
Hann hóf feril sinn í Kommúnista-
flokknum og hlaut menntun sína
þar. Jafnvel enn þann dag í dag
berst hann með sömu aðferðum
og áður og málatilbúnaður hans
er hinn sami. Það sem skilur Gorb-
atsjov og Jeltsín að, er afstaða
þeirra til þess hversu hratt umbæt-
urnar eiga að ganga fyrir sig. Ég
sé engan grundvallarmun á þeim
hugmyndum sem þeir eru að bera
fram.“
Hann sagði það rétt að eftir því
sem árásir valdastéttarinnar og
Míkhaíl Gorbatsjov
ríkisfjöltniðla á Jeltsín hörðnuðu
því vinsælli yrði hann meðal al-
mennings. Það væru ekki síst þeir
sem réðust á hann á opinberum
vettvangi sem ýttu undir vinsældir
hans. „Það er alveg ljóst í hugum
fólks að með þessum árásum er
kerfið að reyna að hvítþvo sig
sjálft og benda á sökudólg. Jeltsín
hljóti því að vera góði maðurinn,“
sagði Peter Vassílíjev.
ANC segir að ekkert samráð
hafí verið haft við samtök blökku-
manna áður en nýju tillögumar
voru settar fram. íhaldsflokkurinn,
sem er til hægri við stjórnarflokk
F.W. de Klerks forseta, Þjóðar-
flokkinn, sagði að tillögurnar væru
svik við málstað hvítra en verslun-
arráð landsins fagnaði þeim og taldi
að þær yrðu til þess að traust milli-
stétt svertingja gæti orðið til.
Kúveit:
Furstinn
snýr heim
Lundúnum. Iieut«r.
FURSTINN af Kúveit, Jaber
al-Ahmed al-Sabah, mun snúa
til heimalands síns í dag,
fimmtudag, að sögn itætlana-
og uppbyggingarráðherra
Kúveits, Salmans Abdul-Raz-
eks al-Mutawa t gær.
Furstinn flýði til Saudi-Arabíu
eftir að íraskar hersveitir réðust
inn í Kúveit 2. ágúst sl. Þegar
ráðherrann var spurður hvers
vegna furstinn hefði ekki snúið
aftur til Kúveits fyrr, svaraði
hann: „Þegar við, venjulegt fólk,
höfum ekki getað gengið að
heimilum okkar óskemmdum,
hvernig heldurðu þá að ástatt
sé um þjóðhöfðingjann?“ Hann
sagði að eyðileggingin i ICúveit
væri gífurleg.
Furstinn, sem heimsótti
Bagdad, höfuðborg íraks, aðeins
tæpu ári áður en innrásin var
gerð, flýði úr höll sinni áður en
Irakar náðu henni á sitt vald.
Stjórnarerindrekar segja að
yngri bróðir furstans hafí fallið
þegar hann reyndi að veija höll-
ina.
Skákmótið í Linares:
*
Ivantsjúk
efstur fyrir
lokaumferð
Linares. Reuter. -4k
ÍVANTSJÚK tók forystuna á stór-
mótinu í Linares á Spáni í gær
er hann vann biðskák sína gegn
Gúrevitsj.
Úrslitin í 12. umferð sem tefld var
á þriðjudag urðu þessi: ívantsjúk
vann Gelfand í einungis 18 leikjum.
Kasparov vann Ljubojevic, Gúrevitsj
og Karpov gerðu jafntefli og sömu-
leiðis Anand og Speelman, Júsúpov
og Timman og Ehlvest og Salov.
Skák Beljavskíjs og Kamskíjs fór í
bið og lauk henni með sigri hins fyrr-
nefnda í gær.
Staðan fyrir þrettándu og síðustu
umferð í dag er þessi: 1. Ivantsjúk
9 v. 2. Kasparov 8V2 v. 3. Beljavskíj
8 v. 4.-5. Speelman og Júsúpov 7
v. 6.-8. Anand, Salov 0g Timman 6
v. 9.-11. Gelfand, Karpov og
Ljubojevic 5‘/2 v. 12. Gúrevitsj 5 v.
lS.EhlvestS'Av. 14.Kamskíj l'/av.
í lokaumferðinni í dag tefla saman
Ivantsjúk og Timman og Kasparov
og Júsúpov.