Morgunblaðið - 14.03.1991, Blaðsíða 50
í5ö
MQRGUNBLAÐIÐ FIMMTUÐAGUR iHk ;MÁRZ 1991
. . . að baka karla fyrir börn-
in.
TM Rag. U.S. Pat Off.—«11 righta rasarved
© 1990 Los Angeles Timea Syndicete
Skiptir engu máli þótt þú
gránir. Ég er búinn að horfa
upp á alla hugsanlega liti í
hárinu þínu ...
HOGNI HREKKVISI
// Ff?l£5ieiK FRÆNPI VlLL FA AÐ VlTA
HVE'iew/G OKKUR LÍKAZ SK/UNIP. "
Flóttinn úr ljósinu
Til Velvakanda.
Menn sigla til að sýnast
og sumir jafnvel týnast.
Þetta var sungið í revíunum í
gamla daga. Spegilmynd af þjóð-
lífinu um þessar mundir.
Oft er það svo um siglingar að
það eru ekki allar ferðir til fjár.
Jafnvel okkar eigin skúta lendir í
hafvillum alls konar lasta og vand-
ræða. Og svo hitt. Þokunni, sem
alls staðar er þyrlað upp á veg
hinna vanmáttugu og óráðu, linnir
ekki. Ginningar á götuhorni.
„Komdu með.“ Félög, sem tendra
vita, leiðbeinandi og lífsholla,
mega búast við mesta storminum
frá hinum ginnandi, illu vættum
þjóðlífsins. Búla á hveiju homi,
þar sem teknir eru gífurlegir tollar
af lífshamingju ungra sem gam-
alla, þar sem menn og konur eru
lokkuð inn í svartnætti synda og
spillingar.
Og þeim ljósum, sem tendruð
eru af góðum og gegnum mönn-
um, er ýtt til hliðar af þeim sem
þola ekki birtuna. Liðsmenn myrk-
ursins eru alls staðar til taks ef
auðvald vímuefna þarf að maka
krókinn. Um sakleysi og manndáð
er ekki spurt af þeim sem leggja
snörurnar. Og hvemig er þeim
innanbijósts sem nota afl sitt til
þessa og kænsku, þegar kemur
að uppgjörinu?
Það er sagt að Guð sé svo góð-
ur að hann láti engan glatast. Það
er rétt, en þá verða menn að koma
til hans. Bendir ekki frelsarinn á
leiðina til ljóss og varar við hinni?
Hlýða menn viðvömn hans? Er
þetta ekki alvarlegt mál?
Myrkrið í mannheimi æðir yfir.
Hversu margt gerist í myrkrinu
veit maður ekki, en ávextirnir, ef
ávexti skyldi kalla, koma í ljós
með mörgu móti. Það er engin til-
viljun að morð em orðin algeng
með þjóð okkar. Það er engin til-
viljun að bæði ungir og gamlir
stynja undir böli því sem alls stað-
ar er sett í götu þeirra, sprengjum
hinna illu afla, sem jafnvel enginn
veit hvaðan koma nema þeir sem
kasta.
Ég minnist dvalar í sveit. Ég
man eftir þegar vont veður var
og bylur að sett var ljós í gluggann
ef það yrði vegfaranda leiðarljós.
Vinur minn í Hólminum sagði
mér frá því þegar hann sem póst-
ur var á leið yfir Kerlingarskarð
í vonskuveðri og byl. Hann var
að gefast upp, bað til Guðs og
aldrei eins af einlægni og krafti
og þá. Hvað skeður? Veðrinu slot-
ar allt í einu og hann sér til átta.
En aðeins andartak. Það er samt
nóg. Hann nær áttum, heldur
áfram og kemst heim á bæ en þar
var ljós í glugga.
Við vitum um og sjáum ljós lífs-
ins. Við sjáum einnig fjölda manna
á flótta frá því út í myrkrið. Sorg
og aftur sorg. „Til þess þarf ei lög
að læra að lifa og breyta rétt,“
segir Örn Amarson. En það þarf
annað. Fylgd við hið besta í heim-
inum, frelsarann. Það skyldi hver
og einn athuga. Ekkert kemur án
fyrirhafnar og ekkert af sjálfu
sér. Eigum við að hugleiða það?
Arni Helgason,
Stykkishólmi
Þjóðleikhús á niðurleið
Til Velvakanda.
Þegar ráðinn var nýr Þjóðleik-
hússtjóri var það almennt álit
margra, að vel hafí verið valið í
stöðuna. En stundum er sagt að
úlfur sé í sauðargæru, og í þessu
tilfelli átti það . við. Varla var
nýráðinn Þjóðleikhússtjóri sestur
Skrifið eða hringið til
Yelvakanda
Velvakandi hvetur lesendur til
að skrifa þættinum um hvaðeina,
sem hugur þcirra stendur til —
eða hringja milli kl. 10 og 12,
mánudaga til töstudaga, ef þeir
koma því ekki við að skrifa. Með-
al efnis, sem vel er þegið, eru
ábendingar og orðaskiptingar,
fyrirspumir og frásagnir, auk
pistla og stuttra greina. Bréf
þurfa ekki að vera vélrituð, en
nö&i, nafhnúmer og heimilisföng
verða að fylgja öllu efni til þáttar-
ins, þó að höfúndur óski nafti-
leyndar. Ekki verða birt nafnlaus
bréf sem eru gagnrýni, ádeilur
eða árásir á nafngreint fólk.
Sérstaklega þykir ástæða til að
beina því til lesenda blaðsins utan
höfuðborgarsvæðisins, að þeir láti
sinn hlut ekki eftir liggja hér í
dálkunum.
í stólinn, þegar hann telur það
mest áríðandi að reka leikara og
annað starfsfólk, sem ekki var í
náðinni hjá honum. Var ekkert
mál hvort fólk var með 30 til 40
ára starfsaldur eða skemur, burt
með það. Mannleg örlög skiptu
engu máli eða hæfileikar og mikil
reynsla, allt þetta var aukaatriði.
Ekki átti að spara, — nei, fá nýtt
fólk, að hans skapi.
Framkoma Þjóðleikhússtjóra er
slík að ég er viss um að Þjóðleik-
húsið mun ekki vaxa, og aðsókn
því síður. Ég heyri það á mínum
vinnustað, sem er nokkuð stór, að
fólk hefur mikla samúð með lei-
kurum og öðru starfsfólki Þjóð-
leikhúsins, sem er rekið fyrirvara-
laust út á gaddinn. Það er almenn-
ur vilji fólkg að sækja ekki sýning-
ar Þjóðleikhúsins meðan núver-
andi Þjóðleikhússtjóri er við stjórn.
Furðulegt er að menntamálaráð-
herra skuli láta það viðgangast
að maður sem hann nýlega skipar
í starf Þjóðleikhússtjóra traðki svo
harkalega á almennum mannrétt-
indum, að fólk veit ekki sitt rjúk-
andi ráð. Skömm sé þeim að eilífu
sem kunna ekki almenna manna-
siði.
Kristinn Sigurðsson
Ibúðaskipti
Ég ósak eftir að skipta á íbúð í
ágúst 1991 við einhvern sem býr
miðsvæðis í Reykjavík. Myndin er
af innganginum í íbúð mína í Lon-
don.
Sheila Sommerfield
46, Bristol Rd.
Forest Gate
London E78HG.
Yíkveiji skrifar
Kunningi Víkveija hefur átt
nokkur viðskipti við Verð- _
bréfadeild Iðnaðarbankans — ís-
landsbanka. í byijun árs fékk hann
sent yfirlit um viðskiptin á síðasta
ári ásamt eyðublaði frá skattinum,
þar sem tíunda átti verðbréfakaup
síðasta árs. VIB lét ekki nægja að
senda viðskiptavinum sínum eyðu-
blaðið og spara þeim þannig sporin,
heldur fylgdi með ljósrit af því,
hvernig fylla átti út þetta eyðublað.
Leiðbeiningarnar voru mjög ná-
kvæmar og þannig gerðar, að barn-
aleikur var fyrir kunningja Víkveija
að fylla út eyðublaðið.
Þessi maður var að vonum án-
ægður með bankann sinn. En Vík-
veiji þekkir til annars manns, sem
er ekki léttur á brún yfir breyting-
um banka.
Þessi maður er með ávísana-
reikning hjá Landsbankanum. Þar
á bæ hafa menn gert þær breyting-
ar á reikningsyfirlitunum að á þeim
er nú aðeins einn dálkur. Áður var
einn dálkur fyrir úttektir og annar
fyrir þá peninga, sem lagðir voru
inn á reikninginn. Mínusmerki er
nú fyrir aftan úttektirnar í dálkin-
um, en þessi viðskiptavinur Lands-
bankans sagðist eiga verra með að
skilja í milli en áður og því fyndist
honum nýja yfirlitið stórt skref aft-
ur á bak.
XXX
Víkveiji getur ekki orða bundizt
vegna þeirrar áráttu fjölda
manna, þar á meðal margra, sem
starfa á fjölmiðlum, að setja orðið
sitjandi með formennsku þessa eða
hins. Til skamms tíma voru menn
formenn í sínum félögum eða flokk-
um og sátu eða stóðu eftir atvikum
við formannsstörfm. Nú eru allir
formenn sitjandi og standa ekki upp
fyrr en formennska þeirra er á enda
runnin og þeir verða þess vegna
að standa upp úr formannsstólnum.
Umræða af þessu tagi tröllreið
frásögnum af formannskosningun-
um á nýafstöðnum landsfundi Sjálf-
stæðisflokksins. Enda um það að
ræða, að „sitjandi" varaformaður
bauð sig fram á móti „sitjandi"
formanni.
í huga Víkveija hefði alltaf farið
betur á því að segja einfaldlega,
að varaformaðurinn hefði boðið sig
fram gegn formanninum.