Morgunblaðið - 26.03.1996, Blaðsíða 19

MORGUNBLAÐIÐ
ÞRIÐJUDAGUR 26. MARZ 1996 19
Frakkar
staðfesta
kjarn-
orkubann
JIM Bolger forsætisráðherra
Nýja Sjálands hrósaði í gær
Frökkum fyrir að undirrita
sáttmála um kjarnorku-
vopnalaust svæði á Suður-
Kyrrahafi og sagði að það
ætti að greiða fyrir því að
samskipti ríkjanna kæmust í
samt lag á ný. Vegna undir-
ritunarinnar hefur stjórnin í
Wellington aflétt takmörk-
unum á samskiptum við
frönsk stjórnvöld. Skrifuðu
Frakkar undir svokallaðan
Rarotonga-sáttmála á Fiji-
eyjum í gær ásamt Bretum
og Bandaríkjamönnum.
Kerekou
aftur til valda
í Benín
NICEPHORE Soglo forseti
Benin hefur mótmælt úrslit-
um forsetakosninga í landinu
sl. sunnudag, en stjórnlaga-
dómstóll tilkynnti á sunnu-
dagskvöld, að samkvæmt
bráðabirgðaniðurstöðum
hefði Mathieu Kerekou, fyrr-
verandi herstjóri, hlotið
52,49% atkvæða en Soglo
47,51%. Soglo bar sigurorð
af Kerekou í kosningum árið
1991. Stuðningsmenn Soglo
halda því fram, að víðtæk
kosningasvik hafi verið höfð
í frammi af hálfu Kerekou
og fylgismanna hans.
Hryðju-
verkamaður
náðist
MAGIED al-Molqi, palest-
ínskur hryðjuverkamaður
sem dæmdur var í 30 ára
fangelsi á Ítalíu fyrir ránið á
farþegaskipinu Achille Lauro
árið 1985, var klófestur í
bænum Estepona á Spáni í
gær, þremur vikum eftir að
hafa flúið Ítalíu. Talið er að
al-Molqi hafi verið að reyna
að komast til Norður-Afríku.
Hann fékk 12 daga leyfi úr
fangelsi fyrir góða hegðun
en notaði tímann til að flýja
land og á yfir höfði sér viðbót-
ar refsingu. Bandarísk yfir-
völd hafa fagnað handtök-
unni því al-Molqi og vitorðs-
menn hans myrtu bandarísk-
an gyðing í hjólastól, Leon
Klinghoffer, í skipsráninu og
fleygðu líkinu fyrir borð.
ERLEIMT
Umskipti í deilum Kína og Tævans
Reuter
SKRIÐDREKAR og fótgönguliðar kínverska hersins að æfingum í Fujian-héraði, gegnt Tævan.
Fréttastofan Xhinhua sendi frá sér myndina en gat þess ekki hvenær hún hefði verið tekin.
Sáttatónn eftir yfir-
burðasisnr Lees forseta
Taipei, Pekin^. Reuter.
STJÓRNVÖLD í Peking og á Tævan
virtust í gær sammála um að reyna
að slíðra sverðin í áróðursstríðinu
undanfarnar vikur og bæta sam-
skiptin í kjölfar kosningasigurs Lee
Teng-huis Tævansforseta á laugar-
dag. Lien Chan, forsætisráðherra og
varaforseti Tævans, sagði í gær að
ríkisstjórnin íhugaði í fullri alvöru
að gera friðarsamninga við stjórn
kommúnista í Peking. Fréttastofa
kommúnista, Xhinhua, sem fordæmt
hefur Lee og kallað hann taglhnýt-
ing Bandaríkjamanna, sagði ljóst að
þrýstingur af hálfu Kína hefði dreg-
ið allan mátt úr „klofningsöflum"
meðal Tævana er vildu lýsa yfir sjálf-
stæði eyjarinnar.
Bill Clinton Bandaríkjaforseti
sagðist í gær fagna yfirlýsingum
sem bentu til minnkandi spennu í
samskiptum Kína og Tævans. Þrátt
fyrir sáttatón í samskiptum deiluað-
ila hyggst Bandaríkjastjórn áfram
hafa tvær öflugar flotadeildir á varð-
bergi í grennd við Tævan.
Kannanir á Tævan benda til þess
að hótanir Kínastjórnar hafi aukið
fylgi við Lee er hlaut um 54% at-
kvæða. Næstur var frambjóðandi
sem vill lýsa yfir sjálfstæði Tævan,
andstætt Lee er segist vilja samein-
ingu við Kína en setur það skilyrði
að lýðræði verði komið á í öllu land-
inu. Hann vill á hinn bóginn treysta
stöðu Tævans i alþjóðasamskiptum
og tryggja sjálfsákvörðunarrétt eyj-
arbúa.
Kínveijar líta á Tævan sem upp-
reisnarhérað en liafa sagst reiðubún-
ir að sætta sig við annað þjóðfélag-
skerfi á eyjunni ef Tævan verði
formlega undir yfirstjórn ráðamanna
í Peking. Qian Qichen, utanríkisráð-
herra Kína, fullyrti eftir viðræður
við Boutros Boutros-Ghali, fram-
kvæmdastjóra Sameinuðu þjóðanna,
í Peking í gær að því færi fjarri að
Kínveijar vildu sporna við lýðræði á
Tævan.
Náinn samstarfsmaður Lees,
James Soong héraðsstjóri, sagði í
gær að sameining myndi verða að
veruleika innan fjögurra ára að því
tilskildu að Kínastjórn sætti við við
að kjörinn yrði með lýðræðislegum
hætti forseti alls landsins.
Heræfingum lokið
Kína skýrði í gær frá því að átta
daga heræfingum á meginlandi gegnt
Tævan og á hafinu við eyjuna væri
lokið á tilsettum tíma. Talsmaður
hersins sagði æfingarnar hafa tekist
afar vel, hann lagði áherslu á að
Kína áskildi sér enn rétt til að beita
valdi til að knýja fram sameiningu.
Verðhækkun varð í kauphöllum á
Tævan er fréttist um sáttaumleitan-
ir Lees forseta. Þótt ljóst þyki að
Kínveijum hafi mistekist að beygja
Tævana til hlýðni hafa hótanirnar
beint athygli almennings á eyjunni
mjög að samskiptunum við Kína þar
sem tævönsk fyrirtæki hafa fjárfest
hátt í 30 milijarða dollara, um 2.300
milljarða króna. Um 29% aðspurðra
segja bætt samskipti nú mikilvæg-
asta verkefni Lees en aðeins um 8%
nefna aukið hiutverk eyríkisins á
alþjóðavettvangi.
Borís Jeltsín forseti um samninginn við forseta Hvíta Rússlands
Sameining
ekki á döfinni
Moskvu, Almatí. Reuter.
BORÍS Jeltsín, forseti Rússlands,
sagði í gær, að ekki stæði til, að
Rússland og Hvíta Rússland sam-
einuðust. Drög að samningi milli
ríkjanna kvæðu aðeins á um nánari
samvinnu. Leiðtogar Kasakstans og
annarra ríkja í Mið-Asíu hafa hins
vegar lýst furðu sinni yfir samningi
þeirra Jeltsíns og Alexanders
Lúkashenkos, forseta Hvíta Rúss-
lands. Um 30.000 manns komu
saman í Mínsk, höfuðborg Hvíta
Rússlands, á sunnudag til að mót-
mæla honum.
Jeltsín sagði áður en hann hélt í
heimsókn til Noregs í gær, að ekki
væri til umræðu að Rússland og
Hvíta Rússland sameinuðust, fréttir
um að það stæði til væru byggðar
á misskilningi. Lúkashenko tilkynnti
þó á laugardag eftir viðræður við
rússneska ráðamenn, að ákveðið
hefði verið að sameina ríkin og
kvaðst hann mundu undirrita samn-
ing þess efnis 2. apríl nk.
Lúkashenko hafði samt ekki fyrr
gefið út yfirlýsinguna en talsmenn
rússnesku stjórnarinnar fóru að
draga í land og telja margir, að sam-
einingarlalið sé ekki síst hugsað sem
innlegg í baráttuna fyrir forseta-
kosningarnar í Rússlandi í júni og
ætlað að höfða til kjósenda, sem
sakna stórveldistíma Sovétríkjanna.
Sergei Medvedev, talsmaður Jelts-
íns, og Júrí Batúrín, öryggisráðgjafi
rússnesku stjórnarinnar, líktu báðir
væntanlegu sambandi Rússlands og
Hvíta Rússlands við samstarfið milli
Evrópusambandsríkjanna og sögðu,
að tvö ríki Sovétríkjanna gömlu,
Rússland og Hvíta Rússland, væru
komin lengra á samstarfsbrautinni
en önnur. A hæla þeim kæmu síðan
Kasakstan og Kírgístan en leiðtoga
þessara fjögurra ríkja munu ræða
stofnun tollabandalags og fleiri mál
á fundi í Moskvu á föstudag.
Leiðtogar Kasakastans og Kírg-
ístans lýstu í gær furðu sinn með
yfirlýsingu Lúkashenkos um póli-
tíska sameiningu með Rússlandi og
sögðu hana raunar með öllu óskiljan-
lega. Kváðust þeir vissulega vilja
nánari samvinnu við grannríkin en
aðeins sem ráðamenn fullvalda ríkja.
Mótmæli í Mínsk
Um 30.000 manns komu saman
í Mínsk, höfuðborg Hvíta Rúss-
lands, á sunnudag til að mótmæla
sameiningu við Rússland og var
forsætisnefnd hvítrússneska þings-
ins kvödd saman í gær til að ræða
mótmælin.
Jeltsín sagði í gær, að Úkraina
vildi einnig nánari samvinnu innan
Samveldis sjálfstæðra ríkja en þó
væri eitthvað, sem héldi aftur af
stjórnvöldum þar. Kvaðst hann
mundu forvitnast um það í heimsókn
til Kíev 4. og 5. apríl.
Ef þú ert með óþægindi í nefi, nefrennsli, kvef eða
ofnæmi, ættirðu að prófa NEXÓL nefúðalyfið.
NEXÓL fæst í tveimur styrkleikum án lyfseðils:
Fyrir börn og fullorðna.
Virka efnið xýlómetazólín vinnur gegn stíflu og
slímmyndun í nefi. Notið Nexól ekki lengur en 10 daga í
senn án samráðs við lækni. Sjúklingar með gláku,
hjartasjúkdóma eða skjaldkirtilssjúkdóma ættu ekki að
nota lyfið. Lesið vel leiðbeiningar sem fylgja lyfinu.
LYFJAVERSLUN ÍSLANDS H F.