Morgunblaðið - 10.11.1996, Side 52

MORCUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: KA UPVANGSSTRÆTI 1
SUNNUDAGUR 10. NÓVEMBER 1996
VERÐ í LAUSASÖLU 125 KR. MEÐ VSK
Grétar Þorsteinsson forseti Alþýðusambands íslands
Sóknarfæri í styttri vinmitíma
GRÉTAR Þorsteinsson, forseti Al-
þýðusambands íslands, seg’ir að það
séu fleiri leiðir til þess að auka ka’up-
mátt en flatar launahækkanir sem
komi jafnt á öll laun. í stórum drátt-
um sé það langur vinnutími sem
skilji á milli kjara hér og í nágranna-
löndunum og hluti af því viðfangs-
efni sem sé framundan í kjarasamn-
ingunum sé að færa þann kaupmátt
sem fáist með yfirvinnu yfir á dag-
vinnutímabilið. Þannig kunni að vera
sóknarfæri í styttingu vinnutíma.
„Mér sýnist að það muni mjög víða
verða sú krafa uppi að menn reyni
í fullri alvöru að tryggja að vinnutími
styttist hér, að það dragi úr yfirvinnu
og dagvinnugrunnurinn hækki að
minnsta kosti sem því nemur, enda
er skikkanlegur vinnutími einn af
mikilvægustu þáttunum í kjörum
fólks. Styttri vinnutími tryggir fólki
tíma til að sinna börnum og heimili
og í raun til þess_ að lifa eðlilegu lífi,“
segir forseti ASÍ.
Grétar segir einnig að verkalýðs-
hreyfingin ljái ekki máls á samning-
um úti í fyrirtækjunum nema hún
og fulltrúar hennar hafi aðkomu að
þeim samningum. Að öðrum kosti
hafi þeir ekki trú á að þessi aðferð
skili árangri. „Ég ætla ekki að halda
því fram hér og nú að Vinnuveitenda-
sambandið hafni þessari afstöðu okk-
ar. Við eigum eftir að setjast yfir
málið og ræða það og ég vona að
framsetning Vinnuveitendasambands-
ins verði ásættanleg þegar á reynir."
■ Kaupmátturinn/16-18
V erkamönnum hjá Samskipum gert að greiða í Samvinnulífeyrissjóðinn
„Gömul arfleifð
sem á ekki að
eiga sér stað“
STJÓRN verkamannafélagsins
Dagsbrúnar hefur gert athugasemd-
ir við það að Samskip hafa fært
starfsmenn sína einhliða í Sam-
vinnulífeyrissjóðinn þegar þeir koma
01 starfa hjá fyrirtækinu. Þetta sé
gert þrátt fyrir að starfsmennirnir
hafi verið í Lífeyrissjóði Dagsbrúnar
og Framsóknar og síðan lífeyris-
sjóðnum Framsýn, sem stofnaður
var með samruna fimm lífeyrissjóða
um síðustu áramót.
^ Að sögn Halldórs Björnssonar, for-
manns Dagsbrúnar, telur stjórn fé-
lagsins þetta ekki samræmast samn-
ingum frá 1969, þegar lífeyrissjóðirn-
ir voru stofnaðir, en í ákvæði í samn-
ingnum segir að þeir lífeyrissjóðir
sem þá störfuðu á vegum einstakra
fyrirtækja starfi áfram með meðlim-
um stéttarfélaga í þeim starfsgrein-
úm, sem lífeyrissjóðir þessir þá tóku
til, með sama hætti og verið hafði.
„Þetta var hugsað sem eitthvað
er myndi síðan deyja út eða hætta.
Það var kannski ekki amast við
Sambandsfyrirtækjunum á meðan
þau voru og hétu, en nú hafa þau
öll hætt. Þetta hefur haldið áfram á
þennan hátt, og þá teljum við að það
sé verið að útvatna þetta meira en
efni standa 01,“ sagði Halldór.
Hann sagði að Dagsbrún hefði
verið að reyna að sameina alla fé-
lagsmenn sína í Framsýn, og það
hefði gengið ágætlega undanfarið.
Eðlilegt þætti að starfsmenn Sam-
skipa væru í þessum stóra sjóði, sem
byði upp á ekki síðri réttindi en
Samvinnulífeyrissjóðurinn. „Okkur
finnst þetta vera eins og einhver
gömul arfleið og eigi ekki að eiga
sér stað,“ sagði Halldór.
„Við teljum þetta vera komið út
fyrir þennan samvinnuramma sem
var hérna áður fyrr. Sambandið er í
sjálfu sér ekki lengur tii, og eftir að
það breyttist þá teljum við að þessir
menn eigi að vera í þeim lífeyrissjóði
sem við erum með.“
Halldór sagði að óskir hefðu
borist frá starfsmönnum hjá Sam-
skipum um að þeir yrðu færðir yfir
í Framsýn en það hefði ekki feng-
ist.
Stjórn Dagsbrúnar sendi stjórn
Framsýnar bréf á föstudag þar sem
þess er farið á leit að mál þetta
verði tekið 01 skoðunar, en Halldór
sagði að það hefði verið til umfjöll-
unar upp á síðkastið. Hann sagði
að athugasemdir hefðu fyrst og
fremst borist frá starfsmönnum
Samskipa, en grunur léki á að sami
háttur væri viðhafður hjá Olíufélag-
inu hf.
Morgunblaðið/Halldór Sveinbjömsson
BJÖRNINN BA 85 marar í hálfu kafi þar sem Brimnesið BA
800 dregur bátinn á eftir sér áleiðis inn til hafnar I Patreks-
firði en taug milli bátanna slitnaði þrisvar á leiðinni.
Morgunblaðið/Ari Hafliðason
BJÖRGUNARBÁTUR úr Birninum tekinn í land á Patreksfirði
á föstudagskvöld. Á neðri myndinni eru skipbrotsmennirnir
Felix Haraldsson og Magnús Jón Áskelsson.
Óljóst um orsakir sjóslyssins
ENN er óljóst hvers vegna Bjöminn
BA 85 frá Patreksfirði fylltist af sjó
á föstudag. Báturinn var á línuveið-
um um tuttugu sjómílur vestur af
Blakknesi. Tveir menn voru um borð
og björguðust þeir báðir. Fulltrúar
Rannsóknamefndar sjóslysa vom
væntanlegir til Patreksijarðar með
flugi í gær til að kanna tildrög slyssins.
Hafsteinn Garðarsson, skipstjóri
á togaranum Klakki frá Grundar-
firði, sem bjargaði mönnunum, hefur
það eftir skipverjum á Birninum að
þeir hafi rétt verið lagðir af stað
heim úr róðri þegar báturinn fór á
hliðina. Þeim hafi tekist að koma
út björgunarbát en lent í sjónum um
tíma því þeir blotnuðu töluvert.
Brimnesið BA 800 tók flakið í tog
á föstudagskvöld og kom til hafnar
á Patreksfirði um klukkan hálfþijú í
gær. Að sögn Jóhannesar Héðinsson-
ar skipstjóra á Brimnesinu slitnaði
taug milli bátanna þrívegis á leiðinni.
Morgunblaðið/Ari Hafliðason
Irland
Kókaíns
leitað í
*
skipi Is-
lendings
ÍSLENSKUR skipstjóri á sjö-
tugsaldri situr í gæsluvarð-
hajdi í bænum Castletownbere
á írlandi ásamt þremur öðrum
úr áhöfn skipsins Tia, sem
skráð er í Panama.
Leit frá því
á miðvikudag
írskir lögreglumenn hafa
frá því á miðvikudag gert
umfangsmikla ieit í skipinu
að fíkniefnum en grunur leik-
ur á að það hafi flutt kókaín
frá Suður-Ameríku. Sú leit
hafði ekki borið árangur í gær.
F. O’Donovan, varðstjóri í
lögreglunni í Castletownbere,
sagði í samtali við Morgunblað-
ið í gær, að írskir löggæslu-
menn hefðu farið um borð í
skipið eftir að hafa fengið upp-
lýsingar um að það væri að
; koma frá Suður-Ameríku og
flytti hugsanlega fíkniefni.
Áhöfnin hefði ekki gefið
fullnægjandi upplýsingar um
hvaðan skipið væri að koma
og því hefði það verið fært til
hafnar og leit hafin. „Þetta er
seinlegt verkefni, skipið er 169
feta (56 m) langt,“ sagði
O’Donovan.
Upplýsingar um hvaða aðil-
ar eigi skipið liggja ekki fyrir
en O’Donovan segir það skráð
í Panama.
Reykholt
Snorra-
göng að
hruni
komin
FORNMINJAR í Reykholti
hafa eyðilagst og er lítið um
þær hirt að sögn staðarhaldar-
ans, séra Geirs Waage. Þjóð-
minjasafnið hyggst laga göngin
við Snorralaug næsta sumar,
að sögn þjóðminjavarðar.
Talið er að göngin hafi legið
frá Snorralaug inn í kjallara
bæjar Snorra Sturlusonar á
fyrrihluta 13. aldar. Göngin
voru grafin upp á um tveggja
metra kafla á fjórða áratugn-
um. Þau eru nú að hruni kom-
in og troðningar hafa myndast
umhverfis laugina vegna
ágangs ferðamanna. Séra Geir
Waage segist hafa talað fyrir
daufum eyrum um lagfæringar
og frekari uppgröft í þessu
helsta höfuðbóli Vesturlands.
I skýrslu sem Guðmundur
Ólafsson fomleifafræðingur
vann síðastliðið sumar þar
vestra segir m.a. að ástand forn-
minjanna sé svo slæmt að það
sé Þjóðminjasafni og Reykholts-
stað til vansa. Ekki verði hjá
því komist að grípa til aðgerða.
■ Öfugum megin/20