Morgunblaðið - 06.11.1999, Blaðsíða 1

STOFNAÐ 1913
253. TBL. 87. ÁRG.
LAUGARDAGUR 6. NÓVEMBER 1999 PRENTSMIÐJA MORGUNBLAÐSINS
Rannsóknin á hrapi EgyptAir-þotunnar
Svörtu kass-
arnir fundnir
Newport. Reuters.
FJARSTÝRT vélmenni fann í gær-
kvöldi báða svörtu kassana svo-
nefndu úr farþegaþotu EgyptAir
sem hrapaði undan strönd Banda-
ríkjanna á sunnudaginn var. I köss-
unum eru flugritar og segulbands-
upptökur sem gætu skýrt hvað olli
flugslysinu.
Vélmennið greindi hljóð frá köss-
unum en ekki var víst að hægt yrði
að ná þeim strax af hafsbotninum
þar sem bandaríska veðurstofan
spáði stormi á leitarsvæðinu.
Bandarískur embættismaður sagði
að ef til vill þyrfti að fresta frekari
aðgerðum þar til á mánudag vegna
óveðursins.
Vona að vélmennið geti
sótt kassana
Ahöfn USS Grapple, björgunar-
skips bandaríska sjóhersins, lét vél-
mennið síga niður í Atlantshafið þar
sem þotan hrapaði, um 100 km und-
an strönd Massachusetts, þrátt fyr-
ir mikinn öldugang og hvassviðri.
Leitinni hafði þá seinkað um tvo
daga vegna veðurs.
Um 30 kafarar eru í björgunar-
skipinu en þeir komust ekki að flaki
þotunnar, sem er á 78 metra dýpi.
Veðurstofan spáði því að vindhrað-
inn yrði um 30 hnútar og ölduhæðin
3-4 metrar og talsmaður sjóhersins
sagði að hvorki kafararnir né vél-
mennið gætu starfað við slíkar að-
stæður.
Vélmennið er búið myndavélum,
hljóðsjá og gripörmum sem vonast
er til að geti borið svörtu kassana af
hafsbotninum.
Þeir sem rannsaka flugslysið
vona að flugritinn og segulbands-
upptökurnar geti skýrt hvers vegna
farþegaþotan steyptist beint niður á
gífurlegum hraða og klifraði síðan
aftur áður en hún skall í sjóinn. 217
manns voru í þotunni og fórust allir.
Stórsókn Tamila á Sri Lanka
1.000 fallnir
Colombo. AFP.
SKÆRULIÐASVEITIR Tamfla á Sri Lanka náðu þremur mikilvægum
stöðvum stjómarhersins á sitt vald í gær eftir harða bardaga á norður-
hluta eyjunnar. Hermt er að rúmlega þúsund stjórnarhennenn og
tamflskir skæruliðar hafi fallið í bardögunum síðustu fjóra daga.
Reuters
Páfi í heimsókn til Indlands
FJÖGURRA daga heimsókn Jóhannesar Páls II
páfa til Indlands hófst í gær, er hann lenti í höfuð-
borginni Nýju-Delhí. Markmið heimsóknarinnar er
að efla trúboð kaþólsku kirkjunnar í Asíu, en það
hefur orðið tilefni mótmæla af hálfu heittrúaðra
hindúa.
Páfinn hyggst ræða við R.K. Narayanan, forseta
Indlands, og forsætisráðherrann Atal Behari Vaj-
payee, og leggja blómsveig að leiði Mahathma
Ghandis, frelsishetju Indverja. Páfinn syngur
messu í Nýju-Delhí á sunnudag, en það hefur vakið
gagnrýni, þar sem eina mestu hátíð hindúa, Diwali,
ber upp á sama dag.
Jóhannes Páll páfi hefur áður heimsótt Indland,
árið 1986. Þetta mun vera 89. opinbera heimsókn
hans síðan hann tók við páfadómi fyrir 21 ári, og
jafnframt sú síðasta fyrir aldamótin.
Utanríkisráðherra Indlands, Ajit Kumar Panja,
tekur hér á móti páfa við komuna til Nýju-Delhí í
gær.
■ Erfiðir tímar/30
Rússar seg;ia átökin í Tjsetsjníu geta dregist fram á næsta ár
Sjö km löng röð flótta-
manna víð landamærin
Reuters
Flóttakonur ganga framhjá rússneskum hermönnum nálægt Gudermes,
næststærstu borg Tsjetsjníu, sem hersveitir Rússa hafa umkringt.
Hersveitir stjórnarinnar voru
fluttar frá bænum Mankulam, 310
km norður af Colombo, höfuðborg
landsins, eftir skæðar árásarhrinur
tamílsku Tígranna, sem berjast fyrir
sjálfstæðu ríki Tamíla á norður- og
austurhluta eyjunnar.
Tamílsku tígrarnir lögðu undir sig
tvo aðra bæi og endurheimtu stórt
landsvæði sem stjómarherinn náði á
sitt vald í blóðugri stórsókn fyrir
rúmu ári.
Fall Mankulam er talið mikið áfall
fyrir stjórnarherinn, sem missti
þijár aðrar mikilvægar herstöðvai' á
þriðjudag og miðvikudag.
------+++--------
Mál Microsoft
Urskurðað
stjórnvöld-
um í hag
Washington. Reuters.
BANDARÍSKUR alríkisdómari úr-
skurðaði í gærkvöldi að stórfyrir-
tækið Microsoft hefði beitt einokun-
arvaldi á markaði stýrikerfa fyrir
einstaklingstölvur. Sérfræðingar
sem kynntu sér úrskurðinn sögðu
að hann væri bandarískum stjórn-
völdum mjög í hag.
Dómarinn kvað upp úrskurð um
hvaða málsatriði hefðu verið sönnuð
í réttarhöldunum sem hafa staðið 76
daga. Búist er við að hann úrskurði
síðan eftir nokkra mánuði hvort
Microsoft hafi brotið lög um auð-
hringavarnir.
Doha, Grosní, Kavkaz. AFP, Reuters.
VARAFORMAÐUR rússneska
herráðsins sagði í gær að átökin í
Tsjetsjníu gætu dregist fram á
næsta ár, og skildu stjórmála-
skýrendur ummæli hans á þann
veg að Rússar myndu ekki láta
undan alþjóðlegum þrýstingi um
að hefja friðarviðræður við stjórn-
völd í Tsjetsjiílu.
Mikill fjöldi rússneskra her-
manna hefur nú tekið sér stöðu við
borgarmörk Grosní, höfuðborgar
Tsjetsjníu, en samkvæmt heimild-
um AFP-fréttastofunnar eru ráða-
menn í Moskvu ekki á eitt sáttir
um hvort ráðast eigi til atlögu.
Stór hluti íbúanna hefur lagt á
flótta og skæruliðar hafa grafið
skurði um alla borgina til að búa
sig undir götubardaga, á borð við
þá sem urðu þúsundum manna að
bana í stríðinu við Rússa 1994-
1996.
Flóttamannastraumurinn frá
Tsjetsjníu til nágrannahéraðsins
Ingúsetíu eykst stöðugt og talið er
að um 10.000 manns hafi farið yfir
landamærin síðustu tvo daga.
Talsmaður Flóttamannastofnunar
Sameinuðu þjóðanna sagði í gær
að enn væri um sjö kílómetra löng
röð flóttamanna við landamærin,
og að viðbúið væri að um 200 þús-
und flóttamenn þyrftu að hafast
við í tjöldum í Ingúsetíu yfir vetur-
inn.
„Heilagt stríð
eina úrræðið"
Skæruliðaforinginn Shamil Basa-
jev sagði í viðtali á fimmtudag að
Tsjetsjenar ættu einskis annars úr-
kosti en að heyja heilagt stríð gegn
Rússum. „Við höfum reynt allar
friðsamlegar leiðir, en þær hafa
engu skilað, og heilagt stríð er eina
úrræðið sem eftir er til að leiða
Tsjetsjníu-deiluna til lykta,“ sagði
Basajev í símaviðtali við sjónvarps-
stöð í Katar.
Valerí Manilov, varaformaður
rússneska herráðsins, sagði í gær
að 162 rússneskir hermenn og um
3.500 tjsetsjenskir skæruliðar
hefðu fallið síðan Rússar hófu loft-
árásir á Tsjetsjníu í byrjun sept-
ember. Yfirvöld í Tsjetsjníu til-
kynntu jafnframt að 3.200
tsjetsjenskir borgarar hefðu látið
lífið í átökunum.