Skírnir - 01.12.1916, Blaðsíða 58
394 Nýjar uppgötvanir um mannsröddina. [Skírnir
til að sýna, að geðshræringar, reiði, gleði, sorg o. s. frv.
koma í ljós í röddinni. Er því eðlilegast að ætla, að ein-
hverjar breytingar verði á líkamanum, er röddin fær ann-
an blæ. Eftir þessu tók Josef Rutz, söngkennari í Dres-
den, dáinn fyrir nokkrum árum. Lærisveinum hans veitti
miklu hægara að syngja lög eftir ýms tónskáld, ef þeir
settu sig i einhverjar óvanalegar stellingar. Gaf nú Rutz
nánar gætur að þessu og rannsakaði málið í nokkur ár
ásamt konu sinni og syni. Síðan hefir sonur hans dr.
Ottmar Rutz búið til fræðikerfi um þessar breytingar á
hljómblænum. Málfræðingar fóru að gefa gaum að þess-
um uppgötvunum; einkum hefir E. Sievers prófessor í
Leipzig fengist mjög við rannsóknir á þessum efnum hin
siðari árin og gert ýmsar merkar uppgötvanir þar að lút-
andi. Skal hér nú skýrt stuttlega frá þeim rannsóknum.
Kjarninn í þessum athugunum er sá: Ef geð manns örv-
ast og það á sér stað um leið og hann finnur til,
hugsar eða vill, þá kvikar vöðvakerfi líkamans um
leið og er það kvik glegst í vöðvum bolsins og ætíð sam-
fara geðbreytingunni. En þessi geðbreyting og vöðva-
hræring kemur glögglega í ljós í öllum athöfnum manns-
ins. Röddin bre>tist, er hann talar, rithöndin breytist,
er hann skrifar, teikningin, sem höndin gerir, fær á sig
einkenni geðbreytingarinnar, sömuleiðis hljóðfærasláttur
handarinnar, söngurinn, göngulagið, augnaráðið o. fl. Mál-
verk og höggmyndir fá á sig sérstök einkenni, af því að
skapferli (og vöðvahræringar) listamannanna er með ýmsu
móti og er því hægt, þó fleiri aldir líði undir lok, að
sanna um ókunn listaverk, að þau séu gerð af einhverj-
um ákveðnum listamanni, ef á þeim eru þau einkenni,
sem eru sérkennileg fyrir hann. Leiðir nú af sjálfu sér,
að beztan skilning fá menn á afreksverkum mannsandans,
hvort heldur er skáldsaga, ijóð, tónsmíð, málverk, högg-
myndir eða annað, ef skoðandinn getur orðið nákvæmlega
eins á sig kominn, eins og höfundur verksins, komist í
rsama skap (og þar af leiðandi sömu stellingar) eins og
hann. Menn ætla máske, að þetta sé mjög erfitt, en